ކޮޕް26: މަޝްވަރާތައް ވިލަރެސްކުރުމުގެ ޒިންމާ ޝައުނާއަށް

ކޮޕް26 ގެ މަޝްވަރާތައް ވިލަރެސްކުރުމުގެ ޒިންމާ ޝައުނާއަށް

09 ނޮވެމްބަރ 2021

ސްކޮޓްލެންޑުގެ ގްލާޒްގޯގައި މިހާރު ކުރިއަށްދާ އދ. ގެ ތިމާވެށީގެ ކޮންފަރެންސް "ކޮޕް26" ގައި އެއްބަސްވީ ކަންކަން ތަންފީޒުކުރުމާބެހޭ މިނިސްޓީރިއަލް ލެވެލް މަޝްވަރާތައް ވިލަރެސްކުރަން އެންވަޔަރަމަންޓް މިނިސްޓަރު އައިމިނަތު ޝައުނާ އައްޔަންކުރައްވައިފި އެވެ.

އާނިފާ ހުސެއިން ސިރާޖް

ރައީސް އޮފީހުގެ ތަރުޖަމާނު މަބްރޫކް އަޒީޒް މިއަދު ކުރެއްވި ޓުވީޓެއްގައި ވިދާޅުވީ ޝައުނާ އެ މަގާމަށް އައްޔަންކުރެއްވީ ކޮޕް26 ގެ ރައީސް އަލޯކް ޝަރްމާ ކަމަށެވެ.

އެ މަސައްކަތުގެ ތެރޭގައި ޕެރިސް އެގްރީމަންޓްގެ ދަށުން އެޑަޕްޓޭޝަނަށް ކަނޑައަޅާފައިވާ ބައިނަލްއަގުވާމީ އަމާޒުތައް ހާސިލުކުރުމަށްޓަކައި ކުރަން ޖެހޭ މަސައްކަތްތައް ކުރާނެ ގޮތުގެ އޮނިގަނޑެއް އެކުލަވާލައި އެއްބަސްވުމަކަށް އައުން ހިމެނެ އެވެ. އަދި އެކަމަށް ފައިނޭންސް ކުރާނެ ގޮތްތައް ދެނެގަތުން ހިމެނެ އެވެ.

Aminath Shauna, Minister of Environment, Climate Change and Technology, has been appointed by Mr Alok Sharma, the President of the COP 26, to facilitate ministerial negotiations on adaptation under the COP agenda. pic.twitter.com/P9Anb1A1r6
— Mabrook Azeez (@MvSpokesperson) November 9, 2021

އެ މަސައްކަތުގައި މިނިސްޓަރު ޝައުނާއާ އެކު ސްޕެއިންގެ ނައިބު ރައީސް އަދި މިނިސްޓާ ފޯ ދަ އިކޮލޮޖިކަލް ޓްރާންސިޝަން، ޓެރެސާ ރިބެރާ މަސައްކަތް ކުރައްވާނެ ކަމަށް މަބްރޫކް ވިދާޅުވި އެވެ.

މޫސުމީ ބަދަލުތަކާ ބެހޭ ގޮތުން މަޝްވަރާކުރުމަށް ދުނިޔޭގައި ބާއްވާ އެންމެ ބޮޑު ތިމާވެށީގެ ކޮންފަރެންސް، ކޮޕް26 ކުރިއަށް ގެންދާނީ މި މަހު 12 ވަނަ ދުވަހުގެ ނިޔަލަށެވެ.

Comments