ބޭރުގެ ވިޔަފާރި އަށް ވަންނަން ސްޓެލްކޯ އަށް މިއީ ރަނގަޅު ވަގުތެއް: ފައްޔާޒް

އިއާދަކުރަނިވި ހަކަތަ އިތުރުކުރަން ވިސްނައި، ސްޓެލްކޯ އިން އެ ވިޔަފާރި ރާއްޖެ އިން ބޭރަށް ފުޅާކުރަން ޖެހޭ ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވެއްޖެ އެވެ.

ހުޅުމާލެ ބާ އިންޖީނު ސަރަހައްދުގައި ސްޓެލްކޯގެ ވޯކްޝޮޕް "ސްޓެވޯ" ހުޅުއްވައިދެއްވައި ފައްޔާޒް ވިދާޅުވީ، އިޔާދަ ކުރަނިވި ހަކަތައަކީ މުޅި ދުނިޔޭގެ މުސްތަގްބަލް ކަމަށާއި އެކަމަށް ސްޓެލްކޯއިން މިހާރަށް ވުރެ ބޮޑަށް އިންވެސްޓް ކުރަން ޖެހޭ ކަމެވެ. އޭނާ ވިދާޅުވީ އިޔާދަކުރަނިވި ހަކަތަ އަށް ދުނިޔޭގައި ވެސް ޑިމާންޑް އޮތް އިރު މިއީ ސްޓެލްކޯ ވަރުގެ ކުންފުންޏެއް ބައިނަލްއަގުވާމީ ވިޔަފާރި އަށް ވަންނަން ލިބޭ ފުރުސަތެއް ކަމަށެވެ.

"ތިމާވެށި ހިމާޔަތް ކުރަން މިސްރާބު ޖަހާފައިވާ އިރު ސްޓެލްކޯ އިން މިހާރަށްވުރެ ބޮޑަށް އިޔާދަކުރަނިވި ހަކަތަ އަށް ވިސްނަން ޖެހޭ،" އޭނާ ވިދާޅުވު އެވެ

ސްޓެލްކޯގެ މެނޭޖިން ޑިރެކްޓަރު ހަސަން މުގުނީ ވިދާޅުވީ، އިންޖީނާއި ޖަނަރޭޓަރުތަކަށް ދިމާވާ މައްސަލަތައް ރޭ ހުޅުވި ވޯކްޝޮޕުން ހައްލުކޮށްދޭނެ ކަމަށެވެ.

"އަޅުގަނޑުމެންގެ އިންޖިނިއަރުންނަކީ ޖަނަރޭޓަރުތައް އެސެމްބްލް ކުރުމުގެ ގާބިލްކަން ހުރި މުވައްޒަފުން. އަޅުގަނޑުމެންގެ އިންޖިނިއަރުން މިކަމަށް އަތުކުރި އޮޅާލާފައި މިތިބީ،" އޭނާ ވިދާޅުވި އެވެ.