03 އޮކްޓޯބަރ 2021
ފުވައްމުލަކުގައި ކުޑަކުއްޖަކަށް ފަރުވާ ދެމުން ދަނިކޮށް މިއަދު ކުއްލި ގޮތަކަށް މަރުވެއްޖެ އެވެ.
މޫސާ ރަޝީދު
ފުވައްމުލަކުގައި ކުޑަކުއްޖަކަށް ފަރުވާ ދެމުން ދަނިކޮށް މިއަދު ކުއްލި ގޮތަކަށް މަރުވެއްޖެ އެވެ.
އެ ރަށު ހޮސްޕިޓަލަށް ގެންގޮސް ފަރުވާ ދެނިކޮށް މަރުވީ އުމުރުން ފަސް އަހަރުގެ އަންހެން ކުއްޖެކެވެ.
ފުވައްމުލަކު ހޮސްޕިޓަލްގެ މެނޭޖަރު އަހުމަދު ދިރާރު "މިހާރު" އަށް ވިދާޅުވީ މިއަދު ހަވީރުގެ ވަގުތެއްގައި އެ ކުއްޖާ ހޮސްޕިޓަލަށް ގެންދިޔައީ ބަނޑުގައި ރިއްސައި ހޮޑުލާތީ ކަމަށެވެ. ޑޮކްޓަރުން އެ ކުއްޖާއަށް ފަރުވާދެމުން ދަނިކޮށް މަރުވެފައިވާ ކަމަށާއި މަރުވާން ދިމާވި ސަބަބެއް އަދި ނޭނގޭ ކަމަށް އޭނާ ވިދާޅުވި އެވެ.
"މިރޭ 7:08 ގައި ކުއްޖާ މަރުވީ. އައިޖީއެމްއެޗުގެ ޓީމެއްގެ ލަފަޔާއެކީ ރަނގަޅަށް ފަރުވާ ދިޔަ. މަރުވާން ދިމާވި ސަބަބެއް އަދި ނޭނގޭ،" އޭނާ ވިދާޅުވި އެވެ.
އެ ކުއްޖާ މަރުވީ ފުވައްމުލަކު ހޮސްޕިޓަލުގެ އިހުމާލުން ކަމަށް ސޯޝަލް މީޑިއާގައި އޮތީ އަޑުފެތުރިފަ އެވެ. އެކަމަކު އާއިލާގެ ބަހެއް އަދި ނުލިބެ އެވެ.
ދިރާރު ވިދާޅުވީ ހޮސްޕިޓަލުގެ އެއްވެސް ކަމެއް އުޅޭ ނަމަ އެކަން ބަލާނެ ކަމަށާއި ހެލްތު މިނިސްޓްރީ އާއި ކަމާބެހޭ ފަރާތްތަކުން ވެސް އެކަމާ ގުޅޭ ގޮތުން ކުރާ ތަހުގީގަށް އެއްބާރުލުން ދޭނެ ކަމަށެވެ.
ސަދާގެ މަރު: "އިންޖެކްޝަން ޖެހުމާ އެކު ޚަބަރު ހުސް"
ސަދާގެ މަރު:ކޯޓުން ބޭރުގައި ހައްލުކުރަން ފުރުސަތު ދީފި
ފުވައްމުލަކު ހޮސްޕިޓަލަށް ދިވެހި ޑޮކްޓަރުން ހޯދަނީ
ހަމުގެ ސީރިއަސް ބަލީގައި ލަޔަކް ނިޔާވެއްޖެ
ސަދާގެ މަރު: ދެ ޑޮކްޓަރަކު ސަސްޕެންޑުކޮށްފި
ސަދާގެ މަރުގެ މައްސަލަ ހެލްތުން ބަލަން ފަށައިފި
ފުވައްމުލަކުގެ އަންހެނުންގެ ޑޮކްޓަރުގެ މައްސަލަ ބޮޑު
ފުވައްމުލަކުން އާ ކްލަސްޓާއެއް: ހަ މީހަކު ޕޮޒިޓިވް
ޑައިވިނަށް ދިޔަ ޗައިނާ ޓޫރިސްޓަކު މަރުވެއްޖެ
އެއްމާބަނޑު ދެކުދިންނަށް ބަލިވެއިން ޒުވާނަކު މަރުވެއްޖެ
