މަގާމާ ހަވާލުވާން ޝާހިދު ނިއުޔޯކަށް ވަަޑައިގެންފި

އދ. ގެ އާއްމު މަޖިލީހުގެ ރިޔާސަތާ ހަވާލުވެވަޑައިގަންނަވަން ޝާހިދު ނިއުޔޯކަށް ވަޑައިގެންފި

29 އޯގަސްޓް 2021

އދ.ގެ އާއްމު މަޖިލީހުގެ ރައީސްކަމަށް އިންތިހާބުވެފައިވާ ރާއްޖޭގެ ފޮރިން މިނިސްޓަރު އަބްދުﷲ ޝާހިދު، އެ މަގާމާ ހަވާލުވެވަޑައިގެންނެވުމަށް އެމެރިކާގެ ނިއުޔޯކަށް ވަޑައިގެންފި އެވެ.

މުހައްމަދު ނަސީމް

އދ.ގެ މައިމަރުކަޒު ހުންނަ ނިއުޔޯކަށް ވަޑައިގެން، ކެބިނެޓްގެ އިސް ބޭފުޅުންނާ ބައްދަލުކުރެއްވުމަށް ފަހު ކުރެއްވި ޓްވީޓެއްގައި ޝާހިދު ވިދާޅުވީ 76 ވަނަ އާއްމު މަޖްލިސް އަންނަ މަހުގެ 14 ވަނަ ދުވަހު ހުޅުވަން ތައްޔާރުވަމުން އަންނަ ކަމަށެވެ. އެހެންވެ އޮމާންކަމާ އެކު މަގާމުގެ މަސްއޫލިއްޔަތު ބަދަލުކުރުމަށް ޓަކައި މެމްބަރު ގައުމުތަކާއި އދ.ގެ ސެކްރެޓޭރިއަޓާއި ކަމާ ގުޅޭ އެހެން ފަރާތްތަކާ އެކު ބައްދަލުވުންތައް ބާއްވަން ތައްުޔާރުވަމުން އަންނަ ކަމަށް ވެސް އޭނާ ވިދާޅުވި އެވެ.

Arrived in New York today and met with some of the senior cabinet.

As we prepare to open #UNGA76 on 14 September, I will be meeting with Member States, the Secretariat and other stakeholders to prepare, and ensure smooth transition from #UNGA75. #PresidencyOfHope pic.twitter.com/yZ7LsGGZoc
— Abdulla Shahid (@abdulla_shahid) August 28, 2021

ޝާހިދު ނިއުޔޯކަށް ވަޑައިގަތީ ޖަޕާނަށް ކުރެއްވި ރަސްމީ ދަތުރެއް ނިންމަވައިލެއްވުމަށް ފަހު އެ ގައުމުންނެވެ.

އޭނާ ޖަޕާނަށް ކުރެއްވި ދަތުރުގައި އެ ގައުމުގެ ބޮޑުވަޒީރު ޔޮޝިހިޑޭ ސޫގާއާ ބައްދަލުކުރެއްވި އެވެ. އދ.ގެ އާއްމު މަޖިލީހުގެ ރިޔާސަތާ ހަވާލުވެވަޑައިގެން ކުރައްވާނެ މަސައްކަތްތަކާ ބެހޭ ގޮތުން ޖަޕާނުގެ ބޮޑުވަޒީރަށް ޝާހިދު މައުލޫމާތު ދެއްވި އެވެ.

Departing Tokyo after a very successful visit. Thank you to PM @sugawitter and FM @moteging for the wonderful hospitality, and the very useful and fruitful exchanges about our mutual priorities for #UNGA76.
Assured of #Japan’s full support to the #PresidencyOfHope pic.twitter.com/xfOzEzr5XP
— Abdulla Shahid (@abdulla_shahid) August 28, 2021