ޗީފް ސްޓެޓިސްޓީޝަނުގެ މަގާމަށް ހުޅުވާލައިފި

ޗީފް ސްޓެޓިސްޓިޝަންގެ މަގާމަށް ކުރިމަތިލުމުގެ ފުރުސަތު ރައީސް އޮފީހުން މިއަދު ހުޅުވާލައިފި އެވެ.

އެ މަގާމަށް ކުރިމަތިލާން ޝައުގުވެރިވާ މީހުންގެ ފޯމުތައް މި މަހުގެ 10-11 ވަނަ ދުވަހުގެ ހެނދުނު 10:00 އިން މެންދުރު 12:00 އަށް ރައީސް އޮފީހުން ބަލައިގަންނާނެ ކަމަށް އެ އެ އޮފީހުން ބުންޏެވެ.

ޗީފް ސްޓެޓިސްޓިޝަނުގެ މަގާމަށް މީހަކު ހޯދަން ފުރުސަތު މި ހުޅުވައިލީ، ރާއްޖޭގެ ތަފާސްހިސާބުތަކާ ބެހޭ ނިޒާމެއް ގާއިމުކޮށް، ތަފާސްހިސާބުތައް އެއްކުރުމާ ގުޅޭ ގޮތުން މިދިޔަ މަހުގެ 20 ގައި ރައީސް އިބްރާހީމް މުހައްމަދު ސޯލިހު ތަސްދީގު ކުރެއްވި ތަފާސްހިސާބާ ބެހޭ ގާނޫނުގެ ދަށުންނެވެ.

މި ގާނޫނުގައިވާ ގޮތުން، ރާއްޖޭގެ ތަފާސްހިސާބުގެ ދާއިރާ ތަރައްގީ ކުރުމާއި ތަފާސްހިސާބުތައް އެއްކޮށް އިތުބާރު ހުރި ގޮތަކަށް ފޯރުކޮށްދިނުން ފަދަ ކަންތައްތަކަކީ ޗީފް ސްޓެޓިސްޓިޝަންގެ މައްޗަށް ލާޒިމު ކަމެކެވެ.

ގާނޫނުގައިވާ ގޮތުން 30 ދުވަހުގެ ތެރޭގައި ޗީފް ސްޓެޓިސްޓިޝަނަކު އައްޔަނު ކުރަން ޖެހެ އެވެ.