ވާޗުއަލް ވުމުން، ދުވަސްވީ މީހުންނަށް ގެއްލުން ބޮޑު

28 ޖުލައި 2021

މިދިޔަ އަހަރު ލައިގަތް ކޮވިޑް-19 ގެ ބަލިމަޑުކަމާ ހެދި ޖިސްމާނީ ގޮތުން މީހުންނާ ބައްދަލުވާން ކުރިމަތިވި ހުރަސްތަކާ އެކު ބަރޯސާވާން ޖެހުނު "ވާޗުއަލް ކޮންޓެކްޓް" ގެ ގެއްލުން އެންމެ ބޮޑީ އުމުރުން 60 އަހަރުން މަތީގެ މީހުންނަށް ކަމަށް ދިރާސާއެއްގައި ބުނެފި އެވެ.

އަހުމަދު އަދްޝަން

ފްރޮންޓިއާސް އިން ސޯޝޮލޮޖީ ޖާނަލްގައި ޝާއިއުކޮށްފައިވާ ކެނެޑާގެ ބްރިޓިޝް ކޮލަމްބިއާ ޔުނިވަސިޓީން އެމެރިކާ އާއި އިނގިރޭސިވިލާތުގެ ދުވަސްވީ ގިނަ އަދަދެއްގެ ބައެއްގެ މައުލޫމާތު އެއްކޮށްގެން ހެދި ދިރާސާގައި ބުނެފައި ވަނީ ކޮވިޑްގެ ބަލިމަޑުކަމާ އެކު، ދުވަސްވީ މީހުންނަށް އެންމެ ބޮޑަށް ކުރިމަތިވި މައްސަލަ އަކީ އެކަހެރިކަން އިތުރުވެ، އެކަނިވެރިވުން ކަމަށެވެ. އަދި ކުރިން މީހުންނާ ބައްދަލުކޮށް، ސޯޝަލައިޒްވާ ގޮތަށް އެ ފުރުސަތު ނެތުމުން ދުވަސްވީ މީހުންގެ ނަފުސާނީ ދުޅަހެޔޮކަށް ނޭދެވޭ އަސަރުކޮށްފައިވެ އެވެ.

"ވާޗުއަލް ކޮންޓެކްޓަކީ ދުވަސްވީ މީހުންނަށް އެހާ ފަސޭހަ ކަމެއް ނޫން. މީގެ ސަބަބުން އެ މީހުންގެ އެކަނިވެރިކަމާއި ނަފުސާނީ ދުޅަހެޔޮ ކަމަށް އެތައް ގޮތަކުން އަސަރުކޮށްފައިވޭ،" ދީރާސާގައި ބުންޏެވެ. "މިކަމާ ގުޅުން ހުރި އިތުރު ދިރާސާތަކެއް ހެދުން ވެސް ވަރަށް މުހިއްމު."

Older adults who had more virtual contact than their peers during the pandemic actually experienced increased loneliness, according to new research co-authored by @UBCSociology sociologist Dr. Yue Qian (@yueqian_soc). https://t.co/0vSAlYcHhy pic.twitter.com/6aLCq7MDCi
— University of British Columbia (@UBC) July 26, 2021

އޭގައި ބުނެފައިވާ ގޮތުގައި ޓެކްނޮލޮޖީގެ ވަސީލަތްތައް ބޭނުންކުރަން ޖެހުމާއި އެފަދަ އެއްޗިއްސަށް 60 އަހަރުން މަތީގެ މީހުން އެހާ ބޮޑަށް އަހުލުވެރިވެފައި ނެތުމަކީ އެ މީހުންނަށް ކުރިމަތިލާން ޖެހުނު ވަރަށް ބޮޑު ގޮންޖެހުމެކެވެ. އެކަމަކު އެފަދަ ވަސީލަތްތައް މިދިޔަ އަހަރުގެ ތެރޭގައި އުމުރުން ދުވަސްވީ ވަރަށް ގިނަ ބަޔަކު ބޭނުންކުރަން ފެށިކަން ވެސް ދިރާސާގައި ފާހަގަކޮށްފައިވެ އެވެ.

"ހާއްސަކޮށް ދުވަސްވީ މީހުން އެފަދަ ހާލަތަކަށް ތައްޔާރުކޮށްފައި ބޭތިއްބުމުގެ މުހިއްމުކަން ވަރަށް ބޮޑު. އޭރުން ކުރިމަތިވާ އިތުރު ސިއްހީ މައްސަލަތައް ވަރަށް ބޮޑަށް ދަށްކުރެވޭނެ."

ދިރާސާ ޓީމުން ބުނެފައިވާ ގޮތުގައި މުއާމަލާތްތަކަށް ޓެކްނޮލޮޖީގެ ވަސީލަތްތައް ދުވަސްވީ މީހުން ބޭނުންކުރާ މިންވަރު އިތުރުވާން ފެށުމުން އެ މީހުންގެ ހާލަތަށް ހެޔޮ ބަދަލުތަކެއް ވެސް އަންނަން ފެށި އެވެ.

"އެކަމަކު ވެސް އެ މީހުންނަށް އެންމެ އުނިވާ ކަމަކީ ފޭސް ޓު ފޭސްކޮށް މީހުންނާ ބައްދަލުކުރުން. ޖިސްމާނީ ގޮތުން މީހަކާ ބައްދަލުވުމާއި ވާޗުއަލްކޮށް މީހަކާ ބައްދަލުވުމާ ހާސްބައި ތަފާތު. އެހެންވީމަ މީގައި ނުކުންނަ ނަތީޖާ ވެސް ތަފާތު،" ދިރާސާގައި ބުންޏެވެ.

ބްރިޓިޝް ކޮލަމްބިއާ ޔުނިވަސިޓީގެ ދިރާސާ އަށް އިޝާރާތްކުރައްވައި އިނގިރޭސިވިލާތުގެ ލޭންކަސްޓާ ޔުނިވަސިޓީގެ ރިސާޗަރު ޑރ. ޔަންގް ހޫ ވިދާޅުވީ ކޮވިޑްގެ ބަލިކަމަޑުކަމުން ދަސްވި އެއް ފިލާވަޅަކީ ދެން އެފަދަ ހާލަތަކަށް ދުރާލައި ތައްޔާރުވެ ތިބުމުގެ މުހިއްމުކަން ކަމަށެވެ.

"ހާއްސަކޮށް ދުވަސްވީ މީހުން އެފަދަ ހާލަތަކަށް ތައްޔާރުކޮށްފައި ބޭތިއްބުމުގެ މުހިއްމުކަން ވަރަށް ބޮޑު. އޭރުން ކުރިމަތިވާ އިތުރު ސިއްހީ މައްސަލަތައް ވަރަށް ބޮޑަށް ދަށްކުރެވޭނެ،" އޭނާ ވިދާޅުވި އެވެ.

COVID-19, Inter-household Contact and Mental Well-Being Among Older Adults in the US and the UK

Interacting with family members and friends from other households is a key part of everyday life and is crucial to people’s mental well-being. The COVID-19 pandemic severely curtailed face-to-face contact between households, particularly for older adults (aged 60 and above), due to their high risk...

Frontiers

Comments