12ރ. އަށް ލިބުނު ކަރާ މިހާރު 25ރ. އަށް!

ރޯދަ މަހުގެ ކުރީކޮޅު ހެޔޮ އަގުގައި ލިބެން ހުރި ކަރާގެ އަގު ވަރަށް ބޮޑުތަން މިއަދު އުފުލިއްޖެ އެވެ.

ރޯމަ މަސް ފެށުނު އިރު މާކެޓުގައި ކަރާ ކިލޯއެއް އުޅުނީ 12ރ. އާއި 15ރ. އަށެވެ. އެހެން ނަމަވެސް މިހާރު ކަރާ ކިލޯއެއްގެ އަގު ހުރީ 20ރ. އާއި 25. އަށެވެ.

ލޯކަލް މާރުކޭޓުގެ ވިޔަފާރިވެރިއަކު ބުނީ، ކަރާގެ އަގު އުފުލުނީ އެއްދުވަހުން ނޫން ކަމަށާއި މަޑު މަޑުން އުފުލެމުން އުފުލުނީ ކަމަށެވެ. އަގު އުފުލުނީ ހޯލްސޭލްކޮށް ލިބޭ އަގު އުފުލި، ކަރާ ޑިމާންޑު ބޮޑުވުމުން ކަމަށް އޭނާ ބުންޏެވެ.

ކަރަލުގެ އަގު އުފުލުނު އިރު މި އަހަރަކީ ބާޒާރުގއި ކާބޯތަކެތި އެންމެ ހެޔޮވި ރޯދަ މަހެވެ. އެގޮތުން ކުރިން އެންމެ ބޮޑަށް އަގު އުލުނު ކަނޑޫދޫ މިރުހުގެ އަގު ވެސް ހުރީ އެއްވަރެއްގައި ހިފެހެއްޓިފަ އެވެ. އެގޮތުން ކުރިން ރޯދަ މަސްތަކުގައި 800ރ. އަށް އެރި ކަނޑޫދޫ މިރުސް ކިލޯ މިހާރު ލިބެން ހުރީ 200ރ. އާއި 300ރ. އާ ދެމެދުގަ އެވެ.