ބިހާރު ސްޓޭޓުގެ އެންމެ މޮޅު ދަރިވަރުން ޓެސްޓުގައި މަކަރު ހަދައިފި

ބިހާރު (ޖޫން 2) - އިންޑިއާގެ ބިހާރު ސްޓޭޓުގެ އިމްތިހާނުގެ އެންމެ މޮޅު ދަރިވަރުން ޓެސްޓުގައި މަކަރު ހެދިކަން ފަޅާ އެރުމާ އެކު އެ ކުދިންނަށް އަލުން ޓެސްޓް ހަދަން ޖެހިއްޖެ އެވެ.

ސްޓޭޓް ސަރުކާރުން ބުނީ 14 ދަރިވަރުން މަކަރު ހެދިކަން ފަޅާ އެރީ މި ދަރިވަރުންގެ ތެރޭގައި ހިމެނޭ ކުއްޖަކު މީޑިއާ ޗެނަލެއްގައި ވާހަކަ ދައްކަމުން ޕޮލިޓިކަލް ސައެންސަކީ ކެއްކުން ކަމަށް ބުނުމުންނެވެ. މި ކުއްޖާގެ އިންޓަވިއުގެ ވީޑިއޯ ވަނީ ގިނަ ބަޔަކު ޝައުގުވެރިވެގެން ބަލައިފަ އެވެ.

ބިހާރު ސްޓޭޓުގައި މިދިޔަ އަހަރު އިމްތިހާނު ހަދަމުން ދަނިކޮށް ދަރިވަރުންގެ ބެލެނިވެރިން ވަނީ ޖަވާބު ކަރުދާސް ހިފައިގެން ސްކޫލުގެ ފާރުމަތިން އަރަނިކޮށް ފޮޓޯ ނަގައިފައި. އެހެންކަމުން ސްޓޭޓް ސަރުކާރުން ވަނީ މި އަހަރުގެ ޓެސްޓުގައި މަކަރު ހަދައިފި ނަމަ ހަރުކަށި އަދަބު ދޭނެ ކަމަށް ބުނެފައި.

ބިހާރު ސްޓޭޓުގައި މިދިޔަ އަހަރު އިމްތިހާނު ހަދަމުން ދަނިކޮށް ދަރިވަރުންގެ ބެލެނިވެރިން ވަނީ ޖަވާބު ކަރުދާސް ހިފައިގެން ސްކޫލުގެ ފާރުމަތިން އަރަނިކޮށް ފޮޓޯ ނަގައިފަ އެވެ. އެހެންކަމުން ސްޓޭޓް ސަރުކާރުން ވަނީ މި އަހަރުގެ ޓެސްޓުގައި މަކަރު ހަދައިފި ނަމަ ހަރުކަށި އަދަބު ދޭނެ ކަމަށް ބުނެފަ އެވެ. ނަތީޖާ އަކީ މި އަހަރުގެ ޓެސްޓުގައި ދަރިވަރުން ހޯދި މާކްސް އާދަޔާޚިލާފަށް ދަށްވުމެވެ. އެކަމަކު އެއީ އާޓްސް ދަރިވަރުގެ އިންޓަވިއު ދެއްކުމާ ހަމައަށެވެ. ސަރުކާރުން ބުނީ ސައެންސް ޓެސްޓުން އެއް ވަނަ ހޯދި ދަރިވަރަށް ވެސް ސައެންސްގެ އެންމެ އާދައިގެ ސުވާލަކަށް ޖަވާބު ދޭން ނޭނގުނު ކަމަށެވެ. އެ ދެ ދަރިވަރުން ވަނީ ވަގުތުން ސަސްޕެންޑްކޮށްފަ އެވެ.

މި ދެ ދަރިވަރުންނާ އެކު އިމްތިހާނުން އެންމެ މަތިން މާކްސް ހޯދި 12 ދަރިވަރުން ވަނީ މާދަމާ އަލުން ޓެސްޓުގައި ބައިވެރި ކުރަން ނިންމައިފަ އެވެ. މި ދަރިވަރުން ޓެސްޓް ހަދާނީ މާއްދާތަކުގެ ޚާއްސަ ތަޖުރިބާކާރުންގެ ބެލުމުގެ ދަށުންނެވެ. ލިޔުމުގެ ޓެސްޓުގެ އިތުރުން އެ ކުދިންނާ އިންޓަވިއު ވެސް ކުރާނެ އެވެ. އަދި އެ ކުދިންގެ އަތު ލިޔުން ވެސް ބަލާނެ އެވެ. އެއީ ކުރިން ހެދި ޓެސްޓުގެ ސުވާލުތަކަށް ޖަވާބު ދީފައި ވަނީ އެ ކުދިން އަމިއްލަ އަށް ތޯ ބެލުމަށެވެ.