އާމިރު ޚާންގެ "ލާލް ސިންގް ޗައްޑާ" ގައި ޝާހްރުކް ޚާންގެ ރޯލެއް

11 ނޮވެމްބަރ 2020

އާމިރު ޚާނާއި ޝާހްރުކް ޚާން ފިލްމަކުން އެކީގައި ފެނުމަށް މި ދެ ސްޓާރުންގެ ފޭނުން އަަބަދުވެސް އިންތިޒާރުކުރެ އެވެ. "ލާލް ސިންގް ޗައްޑާ" ގެ ވަރަށް ހާއްސަ ފެނިލުމަކުން ދެ މީހުން އެކީގައި ފެންނާނެ އެވެ.

އަހުމަދު އަދްޝަން

ބޮލީވުޑް ހަންގާމާ އިން ބުނި ގޮތުގައި އެ ފިލްމުގައި ހިމެނޭ ޝާހްރުކްގެ ކެމިއޯ ވަނީ ޝޫޓް ވެސް ކޮށް ނިންމައިފަ އެވެ. އަދި އެ މަންޒަރު ޑައިރެކްޓްކުރީ ސީދާ އާމިރު ކަމަށް ބުންޏެވެ. ކަރީނާ ކަޕޫރް ބަތަލާގެ ރޯލް ކުޅޭ "ލާލް ސިންގް ޗައްޑާ" އަކީ އާމިރު 2017 ގައި ކުޅުނު "ސީކްރެކްޓް ސުޕަސްޓާ" ގެނެސްދިން އަދުވައިތު ޗަންދަން ޑައިރެކްޓްކުރާ ފިލްމެކެވެ.

އާމިރާއި ޝާހްރުކް "ލާލް ސިންގް ޗައްޑާ" އިން ފެނިގެން ދިއުން ވާނީ ވަރަށް ވެސް ހާއްސަ ކަމަކަށެވެ. އަދި މިއީ މި ފިލްމަށް ގިނަ ބަޔަކު މާ ބޮޑަށް އިންތިޒާރުކުރާނެ އިތުރު ސަބަބަކަށް ވާނެ އެވެ.

View this post on Instagram

What are you talking about Kareena? End of journey? No way! I've requested Advait to write a few more scenes for us, so we can continue shooting with you ? #Repost @kareenakapoorkhan • • • • • • And all journeys must come to an end. Today, I wrapped my film Laal Singh Chaddha... tough times... the pandemic, my pregnancy, nervousness but absolutely nothing could stop the passion with which we shot, with all safety measures ofcourse. Thank you @_aamirkhan and @advaitchandan for an intense yet poignant journey... thank you to my most wonderful team @avancontractor, @teasemakeup, @makeupbypompy, @poonamdamania and the entire crew... @nainas89 you were missed. Till we cross paths again...❤️❤️??

A post shared by Aamir Khan (@_aamirkhan) on Oct 15, 2020 at 7:43am PDT

ހޮލީވުޑްގެ މަޝްހޫރު ތަރި ޓޮމް ހޭންކްސް 1994 ގައި ކުޅުނު "ފޮރެސްޓް ގަމްޕް" އަސްލަކަށް ބަލައިގެން ހަދާ "ލާލް ސިންގް ޗައްޑާ" އަކީ އަންނަ އަހަރުގެ ޑިސެމްބަރު 25 ގައި ރިލީޒްކުރަން ތާވަލުކޮށްފައިވާ ފިލްމެކެވެ. މީގެ ކާސްޓުންގެ ތެރޭގައި ޓީވީ ބަތަލާ މޯނާ ސިންގް އާއި މަޝްހޫރު ތަމަޅަ އެކްޓަރުން ކަމަށްވާ ވިޖޭ ސެތުޕަތީ އާއި ޔޯގީ ބާބޫ ވެސް ހިމެނެ އެވެ.

ޝާހްރުކް މި ވަގުތު އަންނަނީ ސިދާތު އާނަންދު ޑައިރެކްޓްކުރާ އެކްޝަން ތުރިލާ "ޕަތާން" އަށް ތައްޔާރުވަމުންނެވެ. ޖޯން އަބްރަހަމާއި ދީޕިކާ ޕަދްކޯން ވެސް މުހިއްމި ރޯލްތަކުން ފެނިގެންދާ އެ ފިލްމުގެ ހާއްސަ ފެނިލުމަކުން ސަލްމާން ޚާން ވެސް ފެނިގެން ދާނެ ކަމަށް ރިޕޯޓްތައް ބުނެ އެވެ.