ބ. ކަމަދޫގައި ހޯމް ކަރަންޓީނުގެ މުއްދަތު ފުރިހަމަކުރުމަށް ފަހު ޓެސްޓްކުރި މީހަކު ކޮވިޑް-19 އަށް ޕޮޒިޓިވް ވެއްޖެ އެވެ. އެނގިފައިވާ ގޮތުގައި މާލެ އިން ގޮސް ހުރި އެ މީހާ ޕޮޒިޓިވްވެފައި ވަނީ 14 ދުވަހުގެ ކަރަންޓީނުގެ މުއްދަތު ހަމަކުރުމަށް ފަހު މިއަދު ހެދި ޓެސްޓުންނެވެ.
30 ޖުލައި 2020
ބ. ކަމަދޫގައި ހޯމް ކަރަންޓީނުގެ މުއްދަތު ފުރިހަމަކުރުމަށް ފަހު ޓެސްޓްކުރި މީހަކު ކޮވިޑް-19 އަށް ޕޮޒިޓިވް ވެއްޖެ އެވެ. އެނގިފައިވާ ގޮތުގައި މާލެ އިން ގޮސް ހުރި އެ މީހާ ޕޮޒިޓިވްވެފައި ވަނީ 14 ދުވަހުގެ ކަރަންޓީނުގެ މުއްދަތު ހަމަކުރުމަށް ފަހު މިއަދު ހެދި ޓެސްޓުންނެވެ.
އެ ރަށުން ވާހަކަ ދެއްކި މީހަކު ބުނީ ޕޮޒިޓިވްވި މީހާ ކަރަންޓީނުގައި ހުރީ އެކަނި ކަމަށާއި އެހެންވެ، އޭނާގެ ސަބަބުން އެހެން މީހަކަށް ބަލި ޖެހުމުގެ ފުރުސަތު ކުޑަވާނެ ކަމަށެވެ.
މާލެ އިން ރަށްރަށަށް ދާ މީހުން 14 ދުވަސް ވަންދެން ކަރަންޓީނުގައި ތިބެން ޖެހޭއިރު، ބައެއް ރަށްރަށުގައި ކަރަންޓީނުގައި ތިބި މީހުން ވަނީ ޕޮޒިޓިވްވެފަ އެވެ. އޭގެ ތެރޭގައި ރ. ދުވާފަރުގައި ކަރަންޓީނުގެ މުއްދަތު ހަމަވި ފަހުން ޓެސްޓް ނެގެޓިވްވެގެން ދޫކޮށްލި ފަހުން ޕޮޒިޓިވްވި ތިން މީހަކު ހިމެނެ އެވެ. އެކަމާ ގުޅިގެން އެ ރަށުގެ 24 މީހަކު ވަނީ ޓެސްޓް ހައްދައިފަ އެވެ. އެކަމަކު އެ އެންމެން ވެސް ނެގެޓިވް އެވެ.
ހެލްތު އިމަޖެންސީ އޮޕަރޭޝަން ސެންޓަރުން ބުނެފައިވާ ގޮތުގައި ހޯމް ކަރަންޓީނުގައި ތިބޭ މީހުން ޕޮޒިޓިވްވުމަކީ އެ ރަށެއްގެ ރައްޔިތުންނަށް މާބޮޑު ނުރައްކަލެއް ކުރިމަތިވާނެ ކަމެއް ނޫނެވެ. އަދި ކަރަންޓީނު ރަނގަޅަށް ތަންފީޒުކުރާ ނަމަ ރަށުގެ އެހެން މީހުން ބައްޔަށް ހުށަ ނޭޅޭނެ ކަމަށް އެތަނުން ބުނެފައިވެ އެވެ.
ކަމަދޫން އިތުރު މީހަކު ކޮވިޑަށް ޕޮޒިޓިވްވެއްޖެ
ޒުވާނުންގެ ހާޓްއެޓޭކް އިތުރުވާތީ ޑޮކްޓަރުގެ ކަންބޮޑުވުން
މެނިންގޯކޮކަލް ބަލީގައި މީހަކު މަރުވުމުން ފިޔަވަޅުއަޅަނީ
"ބައްޔެއްހުރި ބިދޭސީއަކު ފިލައިގެން ރިޕޯޓެއް ނުކުރޭ"
ގައިންގަޔަށްއަރާ ބައްޔެއް ހުރި މީހަކު ފިލައިގެން ހޯދަނީ
ރޯގާތައް އިތުރު، އެންމެ ގިނައީ ކޮވިޑާއި އިންފުލުއެންޒާ
ކެންސަރު ދުވަސް:ރައީސް އެދިވަޑައިގަތީ ދުންފަތާ ދުރުވާން
ހަކުރުބަލި، ލޭމައްޗަށް ދިއުމުގެ ބައްޔަށް ބޮޑު ހޭދައެއް
ލޭ ހަދިޔާކުރުމަކީ އުފަލަކަށް ވާން ޖެހޭ: ނައިބު ރައީސް
ތެލެސީމިއާ ހޮސްޕިޓަލު އަޅަން އެއްބަސްވުމުގައި ސޮއިކޮށްފި