ކަދުރު ބެހުމުގައި ޔޫތު މިނިސްޓްރީގެ ވޮލަންޓިއަރުން

28 އެޕްރީލް 2020

ސައުދީ އަރަބިއްޔާ އިން ރާއްޖެ އަށް ހަދިޔާކުރި ކަދުރު ބެހުމުގައި ޔޫތު މިނިސްޓްރީގެ ވޮލެންޓިއަރުން ހަރަކާތްތެރިވާން ފަށައިފި އެވެ.

އާސިމާ ނިޒާރު

މިނިސްޓަރު އަހުމަދު މަހުލޫފް މިރޭ ކުރެއްވި ޓްވީޓެއްގައި ވިދާޅުވީ، އެންމެ މަދުން އާމްދަނީ ލިބޭ ކަމަށް ރަޖިސްޓަރީ ކޮށްފައިވާ 426 ގެއަކަށް ކަދުރު ބަހަމުން އަންނަ ކަމަށެވެ އެ ވޮލަންޓިއަރުން އެ މަސައްކަތް ފެށީ، އިސްލާމިކް މިނިސްޓަރު ޑރ. އަހުމަދު ޒާހިރުގެ އެދިވަޑައިގަތުމަކަށެވެ.

އިސްލާމިކް މިނިސްޓްރީން ކުރިން ބުނީ މި ފަހަރު ކަދުރު ބަހާނީ، ފަގީރުންގެ ގޮތުގައި މިިދިޔަ އަހަރު ރަޖިސްޓަރީ ވެފައި ތިބި ފަގީރުންގެ ކޮންމެ ގޭބިސީއަކަށް ކަދުރު ޕެކެޓެއް ކަމަށެވެ. ފަގީރުންނަށް ބެހުމަށް ފަހު ދެން ބާކީ ހުރި ކަދުރު ބަހާނީ ބަލައި މީހުން ދާ ތަރުތީބުން ކަމަށް ވެސް މިނިސްޓްރީން ބުންޏެވެ.

Upon request of Islamic Minister @AhmedZahirAli our team of volunteers have begun their work to distribute dates “ Donated by Saudi Arabia “ to the 426 households registered as the lowest-income families in @MoIAmv. Thanks to all the volunteers. ?????? pic.twitter.com/LUOpCCHy0C
— Ahmed Mahloof (@AhmedMahloof) April 27, 2020

ރާއްޖޭގެ ފަގީރުންގެ ދަފްތަރުގައި 16،209 މީހުން ރަޖިސްޓަރީ ވެފައި ވެ އެވެ. މާލޭގައި ފަގީރުންގެ ގޮތުގައި ރަޖިސްޓްރީވެފައި ވަނީ 3،300 މީހުންނެވެ.

ކޮވިޑް-19 އިން ރައްކާތެރިވުމަށް މާލެ ސަރަހައްދު ލޮކްޑައުންކުރުމުގެ ސަބަބުން ގޭގެއަށް ބޭނުންވާ ޒަރޫރީ ތަކެތި ފޯރުކޮށްދިނުމުގައި ވެސް އެ ވޮލެންޓިއަރުން އަންނަނީ ހަރަކާތްތެރިވަމުންނެވެ. އެގޮތުން އެކި ކުންފުނިތަކާއި ފިހާރަތަކާ ގުޅިގެން އަންނަނީ ތަކެތި ގޭގެއަށް ޑެލިވަރީ ކޮށްދެމުންނެވެ.

Comments