އިނާމުތަކާ އެކު މުނި ހޯމްކެއާގެ ރޯދަ ސޭލް ތައާރަފްކޮށްފި

ގިނަ އިނާމުތަކާ އެކު މުނި ހޯމްކެއާގެ ރޯދަ ސޭލް ފަށައިފި އެވެ.

އަންނަ މޭ މަހުގެ 15 އާ ހަމައަށް ކުރިއަށް ދާ "ސުޕަ ފާސްޓް 2020" ޕްރޮމޯޝަންގެ ދަށުން ހެޔޮ އަގުގައި ފަރުނީޗަރާއި ގެދޮރު ޒީނަތްތެރިކުރާ ސާމާނާއި ގެދޮރު އިމާރަތްކުރަން ބޭނުންވާ ސާމާނު ލިބޭނެ އެވެ.

މުނި ހޯމްކެއާ އިން ބުނި ގޮތުގައި އެ ކުންފުނީގެ ފިހާރަތަކުން ވިޔަފާރިކުރުމުން ވަގުތުން ލިބޭ އިނާމްގެ އިތުރުން، ޕްރޮމޯޝަން ނިމުމުން ނަގާ ގުރްއަތުން ހޮވޭ ތިން ފަރާތަކަށް ހާއްސަ އިނާމްތަކެއް ލިބޭނެ ކަމަށެވެ. އެއް ވަނަ އަށް ދާ މީހަކަށް ލައްކަ ރުފިޔާގެ ބަދިގެ ސެޓެއް ލިބޭނެ ކަމަށް މުނި ހޯމްކެއާ އިން ބުންޏެވެ. ދެ ވަނަ އަށް ހޮވޭ މީހަކަށް 30،000ރ.ގެ ލަގްޒަރީ ބެޑްރޫމް ސެޓެއް ދޭން ހަމަޖައްސާފައިވާ އިރު، ތިން ވަނަ އަށް ހޮވޭ މީހަކަށް 20،000ރ. ގެ ސޯފާ ސެޓެއް ލިބޭނެ ކަމަށް އެ ތަނުން ބުންޏެވެ.

އަމީނީ މަގުގައި ހުންނަ މުނި ހޯމްކެއާގެ ލިވިން ސެންޓަރުގެ އިތުރުން ބޮޑުތަކުރުފާނު މަގުގައި އެމްޕީއެލް ސަރަހައްދުގައި ހުންނަ ފަރުނީޗަރު ސެންޓަރުގަ އާއި އުތުރު ބަނދަރު ކުރިމަތީގައި ހުންނަ މުނި ޓްރޭޑާސް އަދި ހުޅުމާލެ ސެންޓްރޯ މޯލްގައި ހުންނަ މުނި ހޯމްކެއާގެ ސޭލްސް ސެންޓަރުގައި ވެސް މި ސޭލް ކުރިއަށް ދާނެ އެވެ.