ސިނގިރެޓް ހުއްޓާލުމުން އަޑު ރީތިވެއްޖެ: ވިޝާލް

ދުންފަތުގެ އިސްތިއުމާލުކުރުން ހުއްޓާލުމުން އަޑު ރީތިވެއްޖެ: ވިޝާލް ދަދްލާނީ

21 ފެބުރުއަރީ 2020

ދުންފަތުގެ އިސްތިއުމާލުކުރުން ހުއްޓާލިތާ ހަ މަސްވީ އިރު އަޑު ރީތިވާން ފަށާފައިވާ ކަމަށާއި ދެން ދުވަހަކު ވެސް ދުންފަތުގެ އިސްތިއުމާލު ނުކުރާނެ ކަމަށް ބޮލީވުޑްގެ މަޝްހޫރު މިއުޒިކް ޑައިރެކްޓަރު/ލަވަކިޔުންތެރިޔާ ވިޝާލް ދަދްލާނީ ބުނެފި އެވެ.

އަހުމަދު އަދްޝަން

ސޮނީ ޓީވީން ދިއްކާ "އިންޑިއަން އައިޑޮލް" ސީޒަން 11 ގެ ޖަޖްކަން ވެސް ކުރަމުން އަންނަ ވިޝާލް، 46، އިންސްޓްގާމްގައި ބުނީ އޭނާ ދުންފަތުގެ އިސްތިއުމާލުކުރުން ހުއްޓައިލީ މިދިޔަ އަހަރުގެ އޮގަސްޓް މަހުގެ ފަހު ދުވަހު ކަމަށެވެ. އަދި އެކަން ހުއްޓާލީ ދުންފަތުގެ އިންތިއުމާލުކުރާތާ ނުވަ އަހަރު ފަހުން ކަމަށާއި އޭނާ އަކީ އޭރު ދުވާލެއްގެ މައްޗަށް ދެ ފޮށި ސިނގިރެޓް ހުސްކުރުމުގެ އިތުރަށް ވޭޕް ވެސް ކުރަމުން ދިޔަ މީހެއް ކަމަށް ބުންޏެވެ.

View this post on Instagram

I quit smoking on the last day of August 2019. After 9 straight years of 40+ cigarettes a day, and a year of vaping (which was worse!) plus my severe abuse of my vocals at concerts and during recordings...my voice had almost given up. I never let anyone know, but I was struggling. My range, control, tone, everything was wobbling. Singing softly was completely impossible (any singer will agree, that's far more demanding than belting out a loud take!) Everything you've heard from me in the last 2 years, has been nowhere close to 100% of what I actually sound like. BUT...NOW... Almost six months after quitting completely, my voice is almost back to what it used to be. My clean tone has returned, my control is a lot better (not yet perfect, though) and I'm actually happy to be singing again, instead of feeling discomfort and pain. ?? Basically...what I'm saying is...if you smoke...quit now.before you damage yourself permanently.

A post shared by VISHAL (@vishaldadlani) on Feb 18, 2020 at 3:03am PST

ބޮލީވުޑްގެ އެތައް ފިލްމަކަށް މިއުޒިކް ހަދައިދީ ލަވަތައް ކިޔައިދީފައިވާ ފަންނާނު ބުނީ ދުންފަތުގެ އިސްތިއުމާލުކުރި އިރު ލަވަކިޔާ އިރު ކޮންޓްރޯލް ގެއްލި، ރޭންޖް ކަޓައި، ޓޯން އެއްކޮށް ހަރާބުވެ، ލަވަކިޔާފައި ވަނީ ވަރަށް ހާލުގައި ކަމަށެވެ. ނަމަވެސް ދުންފަތުގެ އިސްތިއުމާލުކުރުން ހުއްޓައިލުމާ އެކު އަޑަށް އަންނަން ފެށި ހެޔޮ ބަދަލު ފާހަގަވާން ފެށި ކަމަށް ބުންޏެވެ.

އޭނާ ބުނީ އަޑަށް ކުރިމަތިވެފައި ހުރި ގޯހުގެ ނަތީޖާ، ފާއިތުވި ދެ ވަރަކަށް އަހަރުގެ ތެރޭގައި އޭނާ ކިޔާފައި ހުރި ލަވަތަކުން ފާހަގަކުރެވޭނެ ކަމަށާއި އެ ލަވަތަކަށް އޭނާގެ އަޑުގެ 100 ޕަސަންޓް ދެވިފައި ނެތް ކަމަށެވެ.

"އެކަމަކު މިހާރު އަހަރެންގެ ސާފު ޓޯން އަނބުރާ ލިބި، އަޑު ރީތިވެއްޖެ." ބެޗްލާ އޮފް ކޮމާޒުން ޑީގްރީ ހާސިލުކޮށްފައިވާ ވިޝާލް ބުންޏެވެ.

އޭނާ ބުނީ ދުންފަތުގެ އިސްތިއުމާލުކުރަން ހުއްޓައިލަން ބޭނުން ނަމަ އެކަން ކުރަންވީ މިހާރު ކަމަށެވެ.

"މީހާ ދާއިމީކޮށް ހަލާކުވުމުގެ ކުރިން މި ވަބާއިން ސަލާމަތްވާންވީ މިހާރު." މިއުޒިކް ޕާޓްނަރެއްގެ ގޮތުގައި ޝޭކަރު ރަވްޖިއާނީއާ އެކު މަސައްކަތްކުރާ ވިޝާލް ބުންޏެވެ.

Comments