14 ތަނެއް ބެލިއިރު، 25 ބިދޭސީއަކު ގަވައިދާ ޚިލާފު

14 ތަނެއް ޗެކްކުރިއިރު 25 ބިދޭސީއެއްގެ ވިސާއެއް ނެތް: އިމިގްރޭޝަން

27 ނޮވެމްބަރ 2019

މާލޭގައި ހިންގާ ކެފޭ/ރެސްޓޯރަންޓް އަދި ފިހާރަތައް ޗެކް ކުރުމަށް އިއްޔެ ހިންގި އޮޕަރޭޝަނެއް ގައި، 25 ބިދޭސީއަކު ގަވައިދާ ޚިލާފު ވެފައިވާ ކަމަށް މޯލްޑިވްސް އިމިގްރޭޝަނުން މިއަދު ބުނެފި އެވެ.

އިދުހާމް ނައީމް

އިމިގްރޭޝަނުން ކުރި ޓުވީޓެއް ގައި ބުނީ 14 ތަނެއް އިއްޔެ ޗެކް ކުރި ކަމަށާއި 25 ބިދޭސީއަކު މަސައްކަތް ކުރަމުން ދިޔައީ ވޯކް ވިސާ ނެތި ކަމަށެވެ. އަދި ބިދޭސީންނާ ގުޅޭ ޑޮކިއުމަންޓްތައް ފުރިހަމަ ކުރުމަށް ހަ ތަނަކަށް އިންޒާރުގެ ސިޓީ ފޮނުވާފައިވާ ކަމަށް އިމިގްރޭޝަނުން ބުނެ އެވެ.

MI conducted an operation to inspect some café / restaurants and shops in Male’ yesterday. Total 14 places were inspected and 25 expatriates without a valid work visa were observed. Warning letters were issued to 6 places to improve documentation.#RayyithungeHidhumathuga pic.twitter.com/eeOYPHnj6o
— Maldives Immigration (@ImmigrationMV) November 27, 2019

އިމިގްރޭޝަންގެ ޓުވީޓު

އިމިގްރޭޝަންގެ މީޑިއާ އޮފިޝަލް ވިދާޅުވީ، ކެފޭ/ރެސްޓޯރަންޓް އަދި ފިހާރަތައް އިންސްޕެކްޝަނެއް މިހާރު ފަށާފައިވާ ކަމަށާއި ގަވައިދާ ޚިލާފަށް އުޅޭ ބިދޭސީން ގަވައިދަށް ފެއްތުމަށް ފުރުސަތު ދޭނެ ކަމަށެވެ.

"ގަވައިދަށް ނުފެތޭ ބައެއް ނަމަ މިކޮޅަށް ގެނެސް އެ އަޅަންޖެހޭ ފިޔަވަޅެއް އަޅާނަން،" އޭނާ ވިދާޅުވި އެވެ.

އިމިގްރޭޝަނުން ގަވާއިދާ ހިލާފަސް އުޅޭ ބިދޭސީން ހޯދުމަށް އޮޕަރޭޝަންތައް ކުރިއަށް ގެންދާއިރު، އިކޮނޮމިކް މިނިސްޓްރީން ވެސް އަންނަނީ އެފަދަ ބިދޭސީން ގަވާއިދަށް ފައްތަން މަސައްކަތް ކުރަމުންނެވެ. އެގޮތުން، އެ މީހުން އިކޮނޮމިކް މިނިސްޓްރީ ގައި ރަޖިސްޓަރީކޮށް، ޑޮކިއުމަންޓްތައް ހަމަކުރުމުގެ ޕްރޮގްރާމެއް ވަނީ ފަށައިފަ އެވެ.

ރާއްޖޭގައި އެންމެ ގިނައިން މަސައްކަތް ކުރަނީ ބަންގްލަދޭޝް މީހުންނެވެ. ނަމަވެސް ގަވައިދާ ޚިލާފަށް އުޅޭ މީހުންގެ އަދަދު ގިނަވެ، އެ މީހުންގެ މައްސަލަ ބޮޑުވެފައިވާތީ، ބަންގްލަދޭޝްގެ ލޭބަރުން ރާއްޖެ އަށް ގެނައުން ވަނީ އެއް އަހަރަށް ހިފަހައްޓައިފަ އެވެ.

Comments