ބޭރުގެ ލީޑަރަކަށް އެމެރިކާ އިން ކީ އެންމެ ހޫނު މަރުހަބާ މޯދީ އަށް

ޓެކްސަސް (ސެޕްޓެމްބަރު 23) - ބޭރުގެ ލީޑަރަކަށް އެމެރިކާ އިން މިހާތަނަށް ނުކިޔާވަރުގެ ހޫނު މަރުހަބާއެއް އިންޑިއާގެ ބޮޑު ވަޒީރު ނަރެންދުރަ މޯދީ އަށް ކިޔައިފި އެވެ.

މޯދީ އަށް މަރުހަބާ ދެންނެވުމަށް ޓެކްސަސްގައި ބޭއްވި ބޮޑު އެއްވުން ރައީސް ޑޮނަލްޑް ޓްރަމްޕް ސިފަކުރައްވާފައި ވަނީ "ވަރަށް ތާރީޚީ އިވެންޓެއް"ގެ ގޮތުގަ އެވެ. ނުވަ ދިހަ މިނިޓަށް ދެމިގެން ދިޔަ އިވެންޓުގައި 400 ޕާފޯމަރުން ބައިވެރިވި އެވެ.

"އެމެރިކާގެ އެންމެ ވަފާތެރި، ތެދުވެރި ރަހުމަތްތެރިއާއާ އެކު ޓެކްސަސްގައި ހުރެވޭކަމީ އަޅުގަނޑަށް ލިބޭ ވަރަށް ބޮޑު އުފަލެއް،" ގާތްގަނޑަކަށް ބައިލައްކައެއްހާ މީހުން ބައިވެރިވި ހިއުސްޓަންގެ އެންއާރްޖީ ސްޓޭޑިއަމްގައި ބޭއްވި އިންވެންޓުގައި މޯދީއާ އެކު ސްޓޭޖަށް އަރައިވަޑައިގެން ޓްރަމްޕް ވިދާޅުވި އެވެ.

މޯދީގެ ތަގްރީރުގައި ވަނީ ޓްރަމްޕަށް ތައުރީފް ކުރައްވައި އެއީ "ވަރަށް ހިތްހެޔޮ، ހިތްވަރުގަދަ ކެރޭ ލީޑަރެއް" ކަމަށް ވިދާޅުވެފަ އެވެ.

"ސީއީއޯ ކަމުން ކޮމާންޑަ-އިން-ޗީފްގެ މަގާމަށް، ބޯޑްރޫމްތަކުން އޯވަލް އޮފީހަށް، ސްޓޫޑިއޯތަކުން ދުނިޔޭގެ ސްޓޭޖަށް... ޓްރަމްޕް ވަނީ ކޮންމެ ތަނެއްގައި ވެސް އެމަނިކުފާނުގެ ހަނދާންތައް ދިރުވާފައި،" ޓްރަމްޕަށް ތައުރީފް ކުރައްވައި މޯދީ ވިދާޅުވި އެވެ.

މަރުހަބާގެ އިވެންޓު ކުރިއަށް ދިޔަ އިރު ސްޓޭޑިއަމްގެ ބޭރުގައި ވަނީ މޯދީއާ ދެކޮޅަށް މުޒާހަރާކޮށްފަ އެވެ.