ސެސްމޯގެ ފަހު ބުރަށް ބްރައިޓްވޭގެ 15 ކުދިން

ސިންގަޕޫރާއި އޭޝިއާ ސްކޫލްތަކުގެ ހިސާބު އޮލިމްޕިއަޑް (ސެސްމޯ)ގެ ފަހު ބުރަށް ބްރައިޓްވޭ އިންޓަނޭޝަނަލް ސްކޫލުގެ 15 ދަރިވަރުން ހޮވިއްޖެ އެވެ.

ބްރައިޓްވޭ ސްކޫލުން ބުނި ގޮތުގައި މި މުބާރާތުގައި އެ ސްކޫލުގެ ފަރާތުން ބައިވެރިވީ ގްރޭޑް 2-10 އާ ދެމެދުގެ 57 ދަރިވަރުންނެވެ. މިދިޔަ މަހު 13 ގައި ބްރައިޓްވޭގައި ބޭއްވި ފުރަތަމަ ބުރުން ފަހު ބުރަށް ހޮވުނު ދަރިވަރުން އަންނަ ޖުލައި މަހުގެ 6-9 އަށް ސިންގަޕޫރަށް ދާނެ ކަމަށް ވެސް އެތަނުން ބުންޏެވެ.

މި މުބާރާތުގެ ފަހު ބުރަށް ހޮވުނީ މިދިޔަ މަހު ބޭއްވި މަރުހަލާގައި އެކި މެޑަލްތައް ކާމިޔާބު ކުރި ދަރިވަރުންނެވެ. ބްރައިޓްވޭ ދަރިވަރުންގެ ތެރެއިން ރަން މެޑަލް ލިބުނީ ގްރޭޑް ދޭއްގެ މަރިޔަމް މައިޝާ މޫސާ އަލީ އަށެވެ. އިތުރު ދެ ދަރިވަރަކަށް ރިހި މެޑަލް ލިބުނު އިރު ބްރޮންޒް މެޑަލް ލިބުނީ 13 ދަރިވަރަކަށެވެ.

ސެސްމޯގެ ފަހު ބުރަށް ހޮވުނު ދަރިވަރުން

ރަން މެޑަލް: މަރިޔަމް މައިޝާ މޫސާ އަލީ، ގްރޭޑް 2

ރިހި މެޑަލް: އިބްރާހިމް އާކިފް އަބްދުﷲ، ގްރޭޑް 6

ރިހި މެޑަލް: ފާތިމަތު ޝާއީ ނަސީރު، ގްރޭޑް 9

ބްރޮންޒް މެޑަލް: އައިޝަތު ވިވިއަން އަހްމަދު ޝިފާއު، ގްރޭޑް 2

ބްރޮންޒް މެޑަލް: މުހައްމަަދު އަކިލް ނަޒީރު، ގްރޭޑް 2

ބްރޮންޒް މެޑަލް: އީޝަލް ޝިއަސް، ގްރޭޑް 2

ބްރޮންޒް މެޑަލް: ޔޫސުފް ޔުއާން ޔާސިރު، ގްރޭޑް 2

ބްރޮންޒް މެޑަލް: އައިޝަތު އަންޖަލް އަސްލަމް، ގްރޭޑް 2

ބްރޮންޒް މެޑަލް: ސުލްތާން މަރްޒޫގް ރަހާ، ގްރޭޑް 5

ބްރޮންޒް މެޑަލް: ޔަޒާން އަބްދުﷲ ސާއިދް، ގްރޭޑް 5

ބްރޮންޒް މެޑަލް: ރުއީގީ އައި، ގްރޭޑް 5

ބްރޮންޒް މެޑަލް: އަހްމަދު ޝަހާއު އިބްރާހިމް މޫސާ، ގްރޭޑް 6

ބްރޮންޒް މެޑަލް: ހައްވާ ރާއިމް އަހްމަދު ޝިފާއު ، ގްރޭޑް 8

ބްރޮންޒް މެޑަލް: އިނާން އަހްމަދު ޝަކީބް، ގްރޭޑް 8

ބްރޮންޒް މެޑަލް: ތީބާ އަލީ ޝަފީއު، ގްރޭޑް 9

ބްރައިޓްވޭ ސްކޫލް ހިންގާ ކޮލިކޭޓް އެޑިއުކޭޝަންގެ އެމްޑީ މޫސާ ރަޝީދު ވިދާޅުވީ އުންމީދު ނުކުރާހާ ބޮޑު ކާމިޔާބީއެއް އެ ސްކޫލުގެ ދަރިވަރުން ހޯދި ކަމަށެވެ. ސިންގަޕޫރު މަންހަޖާ އެއްގޮތަށް ކުރިއަށް ގެންދާ މި މުބާރާތުގައި އެހެން ދިވެހި ސްކޫލުތަކަށް ބައިވެރިވުމުގެ ފުރުސަތު ހުޅުވާލަން މަސައްކަތްކުރައްވަމުން އަންނަ ކަމަށް ވެސް އޭނާ ވިދާޅުވި އެވެ.

އޭޝިޔާގެ 20 ގައުމަކުން 30،202 ދަރިވަރުން މި މުބާރާތުގައި ބައިވެރިވި އެވެ. މިއީ ރާއްޖޭގެ ސްކޫލަކުން މި މުބާރާތުގައި ބައިވެރިވި ފުރަތަމަ ފަހަރެވެ.