17 އެޕްރީލް 2019
އޭ-ލިސްޓް ބޮޑު ކާސްޓަކާ އެކު މިއަދު ސިނަމާތަކަށް ގެނައި ފިލްމު "ކަލަންކް" އަކީ އުންމީދުކުރި ވަރުގެ ފިލްމެއް ނޫން ކަމަށް ގިނަ ކްރިޓިކުން ބުނެފި އެވެ.
އަހުމަދު އަދްޝަން
އޭ-ލިސްޓް ބޮޑު ކާސްޓަކާ އެކު މިއަދު ސިނަމާތަކަށް ގެނައި ފިލްމު "ކަލަންކް" އަކީ އުންމީދުކުރި ވަރުގެ ފިލްމެއް ނޫން ކަމަށް ގިނަ ކްރިޓިކުން ބުނެފި އެވެ.
ކަރަން ޖޯހަރު ޕްރޮޑިއުސްކޮށް، އަބީޝެކް ވަރުމަން ލިޔެ/ޑައިރެކްޓް ކުރި ފިލްމަށް ގިނަ ކްރިޓިކުން ދީފައި ވަނީ ފަސް ތަރިން 2-3 އާ ދޭތެރޭ ރޭޓިންއެކެވެ. މިއީ ހަގީގަތުގައި "ކަލަންކް" އަށް އުންމީދު ކުރި ވަރަށް ބަލާއިރު ވަރަށް ދަށް ރޭޓިންއެކެވެ.
މި ފިލްމަށް އެތައް ބަޔަކު އެންމެ ބޮޑު އިންތިޒާރުކުރި އެއް ސަބަބަކީ ވަރުގަދަ ތަރިންތަކެއް ހިމެނުމެވެ. އޭގެ ތެރޭގައި މަދޫރީ ޑިކްސިޓް، ސަންޖޭ ދަތު، އާލިއާ ބަޓް، ވަރުން ދަވަން، ސޮނާކްޝީ ސިންހާ އަދި އަދިތިޔާ ރޯއި ކަޕޫރް ހިމެނެވެ.
"ކަލަންކް" އާ ބެހޭ ގޮތުން މަޝްހޫރު ކްރިޓިކް ތަރަން އަދާޝް ބުނީ މިއީ އުންމީދުކުރި ވަރުގެ ފިލްމަކަށް ނުވި ކަމަށާއި މި ފިލްމަކީ ބޮޑު "ޑިސަޕޮއިންޓްމަންޓެއް" ކަމަށެވެ.
#OneWordReview…#Kalank: DISAPPOINTING.
— taran adarsh (@taran_adarsh) April 17, 2019
Rating: ⭐️⭐️
Doesn’t live up to the expectations... Writing, music, length play spoilsport... Few dramatic portions work... Second half engaging in parts... Good climax... Varun, Alia, Madhuri, Aditya, Kunal Kemmu top notch. #KalankReview pic.twitter.com/rJgyNi3Ain
އޭނާގެ ރިވިއުގައި ފާހަގަކުރި ގޮތުގައި ފިލްމުގެ އެންމެ ބޮޑު މައްސަލައަކީ މާ ބޮޑު އޮއްޓަރެއް، އަސަރެއް ނެތް، ފީކަޅާ ސްކްރީންޕްލޭ އެވެ. އޭގެ ސަބަބުން ފިލްމުގެ ސްޓޯރީ ލައިނުގައި މާ ޝައުގުވެރި ކަންތައްތަކެއް ނެތް ކަމަށާއި ފިލްމަކީ ފޫހިކަންމަތީ ބަލަން އިނދެވޭ ކަހަލަ ފިލްމެއް ކަމަށް ބުންޏެވެ.
Words for #Kalank #KalankReview
— Rohit Jaiswal (@rohitjswl01) April 17, 2019
Kalank is a Perfect Example that High BUDGET, Multi Starcast, Massive Sets and Wide Release will nvr ensure Success, if your FILM LACK SOUL
Kalank = GOLDEN OPPORTUNITY WASTED
D*I*S*S*A*P*O*I*N*T*I*N*G
1.5*/5 #VarunDhawan #AliaBhatt
ތަރަން ފާހަގަ ކުރި ގޮތުގައި ޑައިރެކްޓަރު އަބީޝެކް ވަރުމަން 2014 ގައި ގެނެސް ދިން އޭނާގެ އަލަތު ޑައިރެކްޝަން "2 ސްޓޭޓްސް" ގެ ޑައިރެކްޝަން ވަރަށް ފުރިހަމަ ނަމަވެސް "ކަލަންކް" އެއާ މުޅިން އިދިކޮޅެވެ. އޭނާ ބުނީ ފިލްމުގެ ސްކްރީންޕްލޭ ވެސް ވަނދުވުމުގެ ސަބަބުން އަބީޝެކްގެ ޑައިރެކްޝަން އޮތީ އޮޅުންބޮޅުންވެފައި ކަމަށެވެ.
#Kalank is a GARGANTUAN DISAPPOINTMENT. Film is a visual spectacle which lacks soul, odious screenplay, lousy writing, confused characterization. Director & writers had no clue about what & why is happening in the film. Kalank is a tortuous affair. Rating - ⭐️
— Sumit kadel (@SumitkadeI) April 17, 2019
ބޮޑު ބަޖެޓަކުން ހެދި އަދި ކަރަންގެ ދަރުމާ އިން ގެނެސް ދިން ފުރަތަމަ ތާރީހީ ލޯބީގެ ފިލްމު "ކަލަންކް" އަކީ 1940 ގެ ހާދިސާތަކެއް ކިޔައިދޭ ފިލްމެކެވެ. މީގައި ކިޔައި ދެނީ އަނބިމީހާ (ސޮނާކްޝީ) އަށް ކެންސަރު ޖެހިފައިވާތީ އޭނާ އަވަހަށް މަރުވެދާނެ ކަމުގެ ބިރު އޮތުމުން ފިރިމީހާ (އަދިތިޔާ) އަށް ދެވަނަ އަންބަކު (އާލިއާ/ރޫޕް) ހޯދައި ދިނުމުން ދިމާވާ ކަންތައްތަކެއްގެ ވާހަކަ އެވެ.
#OneWordReview…#Kalank: DISAPPOINTING.
— Box Office Trendz (@box_trendz) April 17, 2019
Rating: ⭐️⭐️
Doesn’t live up to the expectations... Writing, music, length play spoilsport... Few dramatic portions work... Second half engaging in parts... Good climax... Varun, Alia, Madhuri, Aditya, Kunal Kemmu top notch. #KalankReview pic.twitter.com/ZyBJGHiX7a
މަދޫރީ ވާހަކައިގެ ތެރެއަށް އަންނަނީ އާލިއާގެ ހަޔާތަށް ވެރިވެފައި އޮންނަ އަނދިރިކަމާއި އެކަނިވެރިކަމުން ފޫހި ފިލުވަން އެހީވެދޭ މިއުޒިކް ޓީޗަރެއްގެ ގޮތުގަ އެވެ. އޭގެ ތެރެއިން ދެން ރޫޕްއާ ދިމާވަނީ ވަރުން (ޒަފަރު) އެވެ. އަދި އެކަކު އަނެކަކު ދެކެ ލޯބިވެ އެވެ. ސަންޖޭ (ބަލްރާޖް) ގެ ރޯލަކީ ފިލްމުގެ ހާއްސަ ފެނިލުމެކެވެ. އޭނާ ކުޅެފައި ވަނީ އަދިތިޔާގެ ބައްޕަގެ ރޯލެވެ.
Movie Review - #Kalank
— Afroj Hussain (@AfrojHussain6) April 17, 2019
Lengthy film, not a good story, acting is poor, screenplay bit slow,dialogues are also useless,this is one of the boring movies coming from @DharmaMovies .@Varun_dvn also good but not up to mark
Rate - ? 1/2 (1.5/5)
TOTALLY KALANK
COLOSSAL DISSAPOINTED ! pic.twitter.com/SgXWuQGUdh
ތަރަން ބުނި ގޮތުގައި "ކަލަންކް" ގެ ވާހަކައިގެ ހާދިސާތަކުގައި އެހާ ގަބޫލު ކުރެވޭ ކަހަލަ ކަންތައްތަކެއް ނެތެވެ. އަދި މިއީ ސްކްރީންޕްލޭގައި ބަދަހި ކަމެއް ނެތް، ވަދު އަދި ކޫސަނި ވާހަކައެއް ކަމަށް ބުންޏެވެ.
ތިން ގަޑިއެއްހާ އިރަށް ދެމިގެންދާ ފިލްމުގެ ސްޓޯރީ ލައިން ފޫހިވިޔަސް، ތަރިންގެ އެކްޓިން ވަރަށް ފުރިހަމަ ކަމަށް ތަރަން ބުންޏެވެ. ވަކިން ހާއްސަކޮށް އާލިއާ އާއި ވަރުންގެ ލޯބީގެ ޓްރެކަކީ މުޅި ފިލްމުން ވެސް އެންމެ ޝައުގުވެރި ބައި ކަމަށާއި އެ ދެ ތަރިން ވަރަށް މޮޅު އެކްޓިންއެއް ދައްކާފައިވާ ކަމަށް ވެސް ބުންޏެވެ.
މީގެ އިތުރުން މަދޫރީ އާއި އަދިތިޔާ ވަރަށް ފުރިހަމަ އަށް އެކްޓިންއެއް ދައްކާފައިވާ ކަމަށް ބުންޏެވެ.
Yeh mohabbat ki dastaan dekhi nahi, mehsoos ki jaayegi. #KalankTrailer out now - https://t.co/vXFVprBL5S#Kalank@duttsanjay #AdityaRoyKapur @aliaa08 @sonakshisinha @MadhuriDixit @abhivarman
— Varun ZAFAR Dhawan (@Varun_dvn) April 3, 2019
"ކަލަންކް" ގެ ރަނގަޅު ކަންކަމުގެ ތެރޭގައި ހިމެނެނީ ފިލްމު ބިނާކޮށްފައި އޮތް ދުވަސްރު ޕްރެޒެންޓްކޮށް ދޭން ކޮށްފައި އޮތް މަސައްކަތެވެ. އެގޮތުން ފިލްމުގެ ސެޓްތަކާއި ކޮސްޓިއުމާއި ސިނަމޮޓޯގްރީ ފަދަ ކަންކަން ފުރިހަމަ ކަމަށް ގިނަ ކްރިޓިކުން ވެސް ބުނެފައިވެ އެވެ.
އެކަމަކު ކަރަންގެ ތައްގަނޑުގެ ގެނެސް ދިން ފިލްމަކާ ބަލާފައި މި ފިލްމަކީ އެހާ ކަމުދާ ފިލްމެއް ނޫން ކަމަށް ގިނަ ކްރިޓިކުން އިއްތިފާގުވެފައިވެ އެވެ.
ތަރަން ބުނި ގޮތުގައި "ކަލަންކް" އަކީ އެހާ ހިނގާނެ ފިލްމަކަށް ވާނެ ކަމުގެ އުންމީދެއް ނެތެވެ. އަދި ފިލްމު ބަލާ މީހުން ވެސް މިއާ ބެހޭ ގޮތުން ދައްކަން ހުރި ނެގަޓިވް ވާހަކަތައް ގިނަކަމުން ފިލްމުގެ ވިޔަފާރި ވެސް ދަށްވާނެ ކަމަށް ބުންޏެވެ.
ފިލްމު ބެލި ބައެއް މީހުން ވެސް މިހާރު ވެސް ވަނީ މީގެ ފީކަޅާކަމުގެ ވާހަކަ ޓްވިޓާގައި ހިއްސާކޮށްފަ އެވެ.
"ކަލަންކް" ޕްލޮޕްވުމުގެ ޒިންމާ އަބީޝެކަށް؟
"ކަލަންކް" އަކީ ކަރަންގެ އެންމެ ބޮޑު ފްލޮޕް
ބޮލީވުޑްގެ ޚަބަރުތައް ކުރުކޮށް
ބޮލީވުޑްގެ ޚަބަރުތައް ކުރުކޮށް
ބޮލީވުޑްގެ ޚަބަރުތައް ކުރުކޮށް
ބޮލީވުޑްގެ ޚަބަރުތައް ކުރުކޮށް
ބޮލީވުޑްގެ ޚަބަރުތައް ކުރުކޮށް
ބޮލީވުޑްގެ ޚަބަރުތައް ކުރުކޮށް
"ކަލަންކް" ގެ ޓީޒާ: ވަރަށް ސީރިއަސް
"ކަލަންކް" އާ އެކު ކަރަން ޖަޒުބާތީވެފައި
