މޫނު ފޮރުވައިގެން ވަދެ ވައްކަންކުރީ މޫނު ދައްކައިގެން

ވައްކަންކުރާ މީހުން ވަރަށް މޮޅު ކަމެއް ކަމަށް ހީކޮށް ކުރާ ކަންކަމުގެ ފަޅާއަރައި، އެކަން ބޮޑު މަޖާގަނޑަކަށްވާ ފަހަރު ވެސް އާދެ އެވެ.

އެމެރިކާގެ ކޮލަރާޑޯގެ އެޕާޓްމަންޓަކަށް އަންހެނަކު ވައްކަން ކުރަން ވަނީ ރެއިންޑިއާއެއްގެ "ބޮލެއް" ބޮލަށް ފައްތައިގެންނެވެ. މީގައި އެންމެ މަޖާ ކަމަކީ ވައްކަމުގެ ތެރޭގައި މި އަންހެން މީހާ ބޯ ނައިގައި ސީސީޓީވީ ކެމެރާ އަށް ވެސް ވަރަށް ރީތިކޮށް ބަލައިލާ ކަމެވެ.

ކޮލަރާޑޯގެ ފޯޓް ކޮލިންސް ޕޮލިހުންގެ ފޭސްބުކް ޕޭޖްގައި އާންމުކޮށްފައިވާ ވީޑިއޯ އިން މި އަންހެން "ރެއިންޑިއާ ވަގު" ކުރާ ކަންތައް ވަރަށް ރީތިކޮށް ފެނެ އެވެ. އެގޮތުން ގޭތެރޭގެ އެކި ތަންތަނުގައި ހުރި އެއްޗެހި ނަގައިގެން ބަލައި އޭނާ އަށް ކަމުދާ އެއްޗެހި ކޮތަޅަކަށް އަޅާ ތަން ފެނެ އެވެ.

ފުލުހުން ވީޑިއޯ އާންމުކޮށް އެ އަންހެން މީހާއަކީ ކާކުކަން އެނގޭ ނަމަ އެކަން ފުލުހުންނާ ހިއްސާ ކުރަން އެދިފައިވެ އެވެ.

ފުލުހުން ވީޑިއޯ އަޕްލޯޑް ކުރީ އެއަށް މަޖާ ނަމެއް ވެސް ދީފަ އެވެ. އެއީ ރުޑޯލްފް ދަ ރެޑް-ނޯޒްޑް ބާގްލާ އެވެ. އެ ނަމަކީ ސަންތާ ނައިންތު ރެއިންޑިއާގެ ނަމުގައި މަޝްހޫރު ހިޔާލީ ކެރެކްޓާއެކެވެ.

ފުލުހުން ބުނި ގޮތުގައި މިއީ މި މަހުގެ 18 ވަނަ ދުވަހު ކޮށްފައިވާ ވައްކަމެކެވެ.