އެމެރިކާގެ ރިޔާސީ އިންތިހާބުގެ ނަތީޖާ "އޮޅުވާލި" ވާހަކަ އަށް ފިލްމެއް

އެމެރިކާގެ މިހާރުގެ ރައީސް ޑޮނަލްޑް ޓްރަމްޕް އެމެރިކާގެ ރައީސް ކަމަށް އިންތިހާބުވި 2016 ގެ ރިޔާސީ އިންތިހާބުގެ ތެރެއަަށް ރަޝިއާ އިން "އަތް ބޭނި" ކަމަށް ބުނާ ވާހަކަތަކުގެ މައްޗަށް ލިޔެފައިވާ ފޮތް "ރަޝިއަން ރޫލެޓް: ދި އިންސައިޑް ސްޓޯރީ އޮފް ޕުޓިންސް ވޯ އޮން އެމެރިކާ އެންޑް ދި އިލެކްޝަން އޮފް ޑޮނަލްޑް ޓްރަމްޕް" އަށް ބިނާކޮށް ފިލްމެއް ހަދަން ނިންމައިފި އެވެ.

މައިކަލް އިޒިކޮފާއި ޑޭވިޑް ކޯން މިދިޔަ މާޗް މަހު ނެރުނު ފޮތުގެ މައްޗަށް ބިނާކޮށް ފިލްމެއް ހަދަން ނިންމިކަން ސީބީއެސް އިން އިއުލާންކޮށްފައި ވަނީ ބުރާސްފަތި ދުވަހު އެވެ. މި ފިލްމްގެ އެކްޒެކެޓިވް ޕްރޮޑިއުސަރުންގެ ތެރޭގައި ފޮތުގެ ދެ ލިޔުންތެރިންގެ އިތުރަށް، "އެމެރިކަން އެސަސިސް" ގެ އެކްޒެކެޓިވް ޕްރޮޑިއުސަރު ނިކް ވެލްޝާ ވެސް ހިމެނެ އެވެ.

ސީބީއެސް އަށް "ރަޝިއަން ރޫލެޓް" ޑައިރެކްޓްކޮށް ދޭނީ 2016 ގައި "ކާސް އޮފް ދަ ފެންޓަމް ޝެޑޯ" ގެނެސް ދިން މާކް ރޮސް އެވެ. އޭނާގެ ކުރިއަށް އޮތް ފިލްމަކީ މި އަހަރު ރިލިޒް ކުރާ "އެންތޫޒިއަޒަމް އެބައުންޑްސް" އެވެ.

"ރަޝިއަން ރޫލެޓް" އަށް ފިލްމެއް ހަދަން ނިންމި ނަމަވެސް، ޕްރޮޖެކްޓާ ބެހޭ މާ ބޮޑު ތަފުސީލެއް އަދި ހާމައެއް ކުރެވެ އެވެ. އެކަމަކު ބެލެވޭ ގޮތުން މިއީ ޓީވީ ފިލްމެކެވެ.

"ރަޝިއަން ރޫލެޓް" އަށް ފިލްމެއް ހަދަން ނިންމި އިރު، އެމެރިކާގެ ރިޔާސީ އިންތިހާބުގެ ނަތީޖާ ޓްރަމްޕްގެ ކޮޅަށް އަނބުރާލަން ލަޑިމިއާ ޕުޓިންގެ ސަރުކާރުން ވަނީ ޓްރަމްޕްގެ ކެމްޕޭން އޮފިޝަލުންނާ ގުޅިގެން ސިއްރު ކުޅިގަނޑެއް ކުޅެފަ އެވެ. އަދި އެ މައްސަލަތައް ބެލުމަށް ގިނަ ބަޔަކު އަންނަނީ ޕްރެޝަރު ވެސް ކުރަމުންނެވެ.