29 މާޗް 2018
ދައުލަތުގެ ވަކީލަކަށް ހުރެގެން ގާނޫނު ހިމާޔަތްކުރުމަށް ދަތިތަކެއް އެބަހުރި ކަމަށާއި އިސްތިއުފާ ދެއްވީ އެ ސަބަބާ ހެދި ކަމަށް، އެޓާނީ ޖެނެރަލްގެ އޮފީހުގެ ސްޓޭޓް ކައުންސެލް މަގާމުން އިއްޔެ އިސްތިއުފާ ދެއްވި މަރިޔަމް ޝުނާނާ މިއަދު ވިދާޅުވެއްޖެ އެވެ.
އަހުމަދު ސާއިލް އަލީ
ދައުލަތުގެ ވަކީލަކަށް ހުރެގެން ގާނޫނު ހިމާޔަތްކުރުމަށް ދަތިތަކެއް އެބަހުރި ކަމަށާއި އިސްތިއުފާ ދެއްވީ އެ ސަބަބާ ހެދި ކަމަށް، އެޓާނީ ޖެނެރަލްގެ އޮފީހުގެ ސްޓޭޓް ކައުންސެލް މަގާމުން އިއްޔެ އިސްތިއުފާ ދެއްވި މަރިޔަމް ޝުނާނާ މިއަދު ވިދާޅުވެއްޖެ އެވެ.
މިދިޔަ މަހުގެ ފަސް ވަނަ ދުވަހު އިއުލާންކުރި ކުއްލި ނުރައްކަލުގެ ހާލަތުގެ މުއްދަތު ރައްޔިތުންގެ މަޖިލީހުން 30 ދުވަހަށް އިތުރުކުރީ ގާނޫނުއަސާސީއާ ޚިލާފަށް ކަމަށް ވިދާޅުވެ ޓްވީޓްކުރެއްވުމުން ގިނަ ބައެއްގެ ސަމާލުކަމަށް އައި ވަކީލް ވިދާޅުވި ގޮތުގައި، ރައްޔިތުންނަށް ޚިދުމަތްކުރަން ބޭނުން ނަމަ އިސްތިއުފާ ދިނުން ނޫން ގޮތެއް ނެތެވެ.
ޝުނާނާ ކުރެއްވި ޓްވީޓެއްގައި ވިދާޅުވީ 10 އަހަރު އޭޖީ އޮފީހުގައި މަސައްކަތްކުރެއްވުމަށް ފަހު އިސްތިއުފާ ދެއްވުމަކީ ފަސޭހަ ނިންމެވުމެއް ނޫން ކަމަށެވެ.
އޭނާ "މިހާރު" އަށް ވިދާޅުވި ގޮތުގައި ގާނޫނު ހިމާޔަތްކުރުމަށް އެކަށީގެންވާ ފުރުސަތު އޭޖީ އޮފީހުގައި ހުރެގެން ލިބޭކަށް ނެތެވެ.
"ދައުލަތު ވަކީލަކަށް ހުރެގެން އިސްލާހުކުރަން ފުރުސަތެއް ނެތް. ލަދުވެތިކަމަކަށްވާ ހިސާބަށް ދިޔައިމަ އިސްތިއުފާދިނީ،" އޭޖީ އޮފީހުގެ އެންމެ ސީނިއާ އެއް ވަކީލްގެ ގޮތުގައި ހުންނެވި ޝުނާނާ ވިދާޅުވި އެވެ.
It was a very difficult decision to resign from AGO where I have worked for around 10 yrs. But, this was necessary & I hope to do some good out there serving public. Will always cherish overwhelming love & respect staffs of AGO had given me.
— Mariyam Shunana (@shuna_007) March 28, 2018
ޝުނާނާ އިސްތިއުފާ ދެއްވިކަން ހާމަކުރައްވައި ކުރެއްވި ޓްވީޓް
އޭނާ ވިދާޅުވީ ދެން މަސައްކަތް ކުރައްވާނީ އަމިއްލަ ގޮތުން ކަމަށެވެ. އަދި ހައްގުތަކުގެ ވާހަކަ ދައްކައިގެން ވަޒީފާއިން ވަކިކުރާ މީހުންގެ ހައްގުގައި ވަކާލާތު ކުރެއްވުމަށް އިސްކަން ދެއްވާނެ ކަމަށް އޭނާ ވިދާޅުވި އެވެ.
އެނގިފައިވާ ގޮތުގައި ޝުނާނާ އިސްތިއުފާ ދެއްވާފައި މި ވަނީ އޭނާ ކުރެއްވި ޓްވީޓެއްގެ މައްސަލަ އޭޖީ އޮފީސްތެރޭ ހޫނުވެފައި ވަނިކޮށެވެ. މައްސަލަ ބޮޑުވި ޓްވީޓްގައި ޝުނާނާ ވިދާޅުވެފައި ވަނީ ދައުލަތުގެ ވަކީލުންނަކީ ދައުލަތުގެ މަގާމުތަކުގައި ތިއްބަވާ ބޭފުޅުންނާއި މުއައްސަސާތަކުން ކުރާ ޣައިރު ގާނޫނީ ކަންކަން ދިފާއުކުރަން ތިބެންޖެހޭ ބައެއް ނޫން ކަމަށެވެ. ޝުނާނާ އެ ޓްވީޓް ކުރައްވާފައި ވަނީ ރައްޔިތުންގެ މަޖިލީހުގެ 12 މެންބަރެއްގެ ގޮނޑި ނުގެއްލޭ ކަމަށް މިދިޔަ މަހު ސުޕްރީމް ކޯޓުން ކުރި އަމުރު ބާތިލްކުރުމަށް ދައުލަތުން ހުށަހެޅި މައްސަލާގައި ބޭއްވި ޝަރީއަތަށް ފަހުގަ އެވެ. އެ ޝަރީއަތުގައި އޭޖީގެ ފަރާތުން ވަކާލާތު ކުރެއްވީ މާޝާ ލުތުފީ އެވެ.
A state lawyer should not be a “hired gun” who is there to defend unconstitutional act of public officials or state entities. But rather, they have a higher burden and duty to uphold and protect law and rights of citizens of state. #legalethics.
— Mariyam Shunana (@shuna_007) March 27, 2018
ޝުނާނާގެ މި ޓްވީޓާ ގުޅިގެން އޮފީސް ތެރޭ މައްސަލަ ޖެހުނު ކަމަށް އެނގިފައިވާ
ބަންޑާރަ ނައިބު އަމަލުކުރައްވާ ގޮތާ މެދު ހިތްމަޖެހިވަޑައިނުގެން، އޭޖީ އޮފީހުގެ ޑެޕިއުޓީ ކައުންސެލާ ޖެނެރަލް ޝަފީއާ ރިޒާ ވެސް މިދިޔަ މަހު ވަނީ އިސްތިއުފާދެއްވައިފަ އެވެ. އޭނާގެ އިސްތިއުފާގެ ކުރިން އޭޖީ އޮފީހުގެ ވަކީލުންތަކެއް ވަނީ ކުއްލި ނުރައްކަލުގެ ހާލަތާ ގުޅިގެން އޭޖީ އަމަލުކުރައްވާ ގޮތާ މެދު ހިތްހަމަނުޖެހިގެން ޕެޓިޝަނެއް ހަދަން މަސައްކަތް ކޮށްފަ އެވެ.
ރާއްޖޭގެ ސަރަހައްދެއް ނުގެއްލޭނެ: ޕްރޮފެސަރު ޕަޔަމް
ބަންޑާރަ ނައިބާ ދެކޮޅަށް ހެދި ޕެޓިޝަނެއް ހުއްޓުވައިފި
ބަލައި ފާސްކުރަނީ އިޖުރާއަތުތައް ފުރިހަމަކޮށްގެން: އޭޖީ
އޭޖީ އަށް "ބޮޑު" ގާނޫނުއަސާސީއެއް ހަދިޔާކޮށްފި
އޭޖީން ހުށަހެޅި މައްސަލައަށް ފާޑުކިއުންތައް އަމާޒުވެއްޖެ
ޕަބްލިކް ޑިފެންޑާސް އޮފީސް: ބޭނުންތެރި ކަމެއް
ދިފާއީ ވަކީލުންނާ ބެހޭ ހާއްސަ އޮފީހެއް ގާއިމު ކުރަނީ
ވަކީލުން ލިބުމުގެ ދަތިކަން އެބަަހުރި: އުއްތަމަފަނޑިޔާރު
ގާނޫނުތައް އުވިގެންނެއް ނުދޭ، ހުސް ކަމެއް ނެތް: އޭޖީ
ސިޔާސީ މަގާމުގައި ދައުލަތާ ދެކޮޅަށް ވަކާލާތެއްނުކުރެވޭނެ
