މިހާރުގެ ރެސިޕީ: ޕާން ޕުޑިން ބޯކިބާ

ބޭނުންވާތަކެތި

1 ޕާން (ބޮޑު، އަރިމަތި ކަފާފައި)

1 ދަޅު ގެރިކިރު (ޑަބަލް ޕީޗް)

1 ޖޯޑު ފެން

4 ކުކުޅު ބިސް

2 ސައިސަމުސާ ވެނީލާ އެސެންސު

2 މޭޒުމަތީ ސަމުސާ މާޖިރީން

2 މޭޒުމަތީ ސަމުސާ ހަކުރު

50 ގުރާމު ހިކި މޭބިސްކަދުރު

ޕާނަށް އަޅާ ސޯސްގަނޑު

ދަޅުގެ ތިންބައި ކުޅަ ދެބައި ގެރިކިރު، 4 ކުކުޅު ބިސް، ފެން ޖޯޑާއި، ވެނީލާ އެސެންސު މިކްސަރަށް އަޅައި ތިން މިނެޓު ވަންދެން ގިރާލުން.

ޕާންފޮތިތަކުގެ ދެ ފުށުގައި (ކުޑަކޮށް) މާޖިރީން ހާކާފައި، (ފުލަށް ހަކުރުކޮޅެއް ފަތުރާލާފައި ހުރި) ޓްރޭގައި އެތުރުން. އޭގެ މައްޗަށް ހަކުރުކޮޅެއް ބުރުވާލާފައި، (ބޭނުމިއްޔާ ހިކި މޭބިސްކަދުރު އަޅާފައި) އޭގެ މަތީގައި ދެން ހުރި ޕާންފޮތިތައް އެތުރުން. އެ ގޮތަށް އެއްކޮށް އަތުރާ ނިންމާފައި، އޭގެ މައްޗަށް ސޯސްގަނޑު އެޅުން. ޕާނުގެ ތެރެއަށް ސޯސްގަނޑު ވަންނަންދެން ބަހައްޓާލުމަށް ފަހު، އެއްކޮށް ވަދެ ނިމުނީމައި، އަވަނުން ނުވަތަ މައިކްރޯވޭވުން ފިހެލުން.

އެޑިޓަރގެ ނޯޓް

މި ރޯދަ މަހު "މިހާރު"ގެ ކިޔުންތެރިންނަށް މި ގެނެސްދެނީ ފާތިމަތު ޚުރުޝިދާގެ ރެސިޕީތަކެކެވެ. އޭނާ ވަނީ ދިވެހި ރަހަތައް ހިމެނޭ ގޮތަށް ވަރަށް ގިނަ އަދަދަކަށް އަމިއްލަ ރެސިޕީތައް ހަދައި، އާންމުންނަށް ދޫކޮށްލައިފަ އެވެ. އެ ހުރިހާ ރެސިޕީއެެއް އޭނާ ވަނީ https://web.facebook.com/Rumaa-495764227208278 ގައި ހިމަނައިފަ އެވެ.