18 ޖޫން 2017
މޯލްޑިވްސް ޕޯޓްސް ލިމިޓެޑް (އެމްޕީއެލް)އާ ގުޅިގެން ނޯތް ޕޯޓު ކެފޭ ހިންގާނެ ބަޔަކު ހޯދުމަށް އެ ކުންފުނިން މިއަދު އިއުލާނުކޮށްފި އެވެ.
އާސިމާ ނިޒާރު
މޯލްޑިވްސް ޕޯޓްސް ލިމިޓެޑް (އެމްޕީއެލް)އާ ގުޅިގެން ނޯތް ޕޯޓު ކެފޭ ހިންގާނެ ބަޔަކު ހޯދުމަށް އެ ކުންފުނިން މިއަދު އިއުލާނުކޮށްފި އެވެ.
މާލޭގެ އުތުރު ބަނދަރުގައި މިދިޔަ އަހަރުގެ ފަހުކޮޅު ހުޅުވި ކެފޭ އަށް މަހަކު 400،000ރ. ގެ ބޮޑު ގެއްލުމެއް ލިބޭ ކަމަށް ބުނެ މިދިޔަ މަހު ވަނީ ބަންދުކޮށްފަ އެވެ.
އެމްޕީއެލްގެ ސީއީއޯ އިބްރާހިމް ހަލީމް ކުރިން ވިދާޅުވީ ކެފޭ ބަންދުކޮށް އެތަން ރީ-އޮގަނައިޒްކުރުމުގެ މަސައްކަތް ފަށާފައިވާ ކަމަށެވެ.
މި ކެފޭ އަލުން ހުޅުވުމާ ގުޅޭ ގޮތުން އެމްޕީއެލް އިން މިއަދު ކުރި އިއުލާނުގައި ބުނީ ޕާޓްނަޝިޕްގެ އުސޫލުން އެ ކެފޭ ކުއްޔަށް ހިފައިގެން ހިންގުމުގެ ފުރުސަތު އެބައޮތް ކަމަށެވެ. އަދި އެކަމާ ގުޅޭ މައުލޫމާތު ސާފުކުރުން އަންނަ ބުދަދުވަހު އޮންނާނެ ކަމަށް އިއުލާނުގައި ވެ އެވެ. ކެފޭ ހިންގުމަށް ޝައުގުވެރިވާ ފަރާތްތަކުން އަންދާސީ ހިސާބު ހުށަހެޅުމުގެ ފުރުސަތު އަންނަ ހޮނިހިރުދުވަހާ ހަމައަށް އެމްޕީއެލް އިން ވަނީ ހުޅުވާލައިފަ އެވެ.
ދެ ބުރިއަށް ހަދާފައިވާ ކެފޭ ހުޅުވުމުގެ ބޭނުމަކީ އެމްޕީއެލްގެ ބެލުމުގެ ދަށުގައި ބޭނުން ނުކޮށް ހުރި ހުސް ބިންތަކާއި އެ ނޫން ވެސް ތަންތަން ތަރައްގީކޮށް، އާމްދަނީ ލިބޭނެ ކަންކަން ކުރުން ކަމަށް އެތަން ހުޅުވުމުގެ ރަސްމިއްޔާތުގައި ކުރީގެ ސީއީއޯ މުހައްމަދު ޖުނައިދު ވިދާޅުވެފައި ވެ އެވެ.
އެމްޕީއެލް ކެފޭ ހިންގަން ބަޔަކާ ހަވާލުކޮށް، ހުޅުވައިފި
އެމްޕީއެލްގެ ކެފޭ ހުކުރު ދުވަހު އަލުން ހުޅުވަނީ
އެމްޕީއެލް ކެފޭ ހިންގާނެ ބަޔަކު އަލުން ހޯދަނީ
އެމްޕީއެލް ކެފޭގެ ކުއްޔަށް މަހަކު 200،000ރ.
ކެފޭ ބަންދުކުރީ މަހަކު 400،000ރ. ގެއްލުންވާތީ
އެމްޕީއެލް ކެފޭ ބަންދުކޮށް، މުވައްޒަފުންނަށް ނޯޓިސްދީފި
މާލޭ އުތުރު ބަނދަރުގައި ހެދި ކެފޭ ހުޅުވައިފި
އެމްޕީއެލްއަށް ބިޒްނަސްް އެކްސެލަންސް ދެ އެވޯޑެއް
ކެފޭއަކަށް ވަދެ ގެއްލުން ދިން ދެ މީހުން ހައްޔަރުކޮށްފި
ދެ ދުވަސް ތެރޭގައި މާލޭގައި ގިނަ މާރާމާރީތަކެއް
