Roadha Mihaaru
ނަޝީދު އިނގިރޭސިވިލާތަށް ވަޑައިގެންފި

ނަޝީދު އިނގިރޭސިވިލާތަށް ވަޑައިގެންފި

12 މެއި 2017

ކުރީގެ ރައީސް މުހައްމަދު ނަޝީދު ސްރީލަންކާގައި ހުންނެވުމަށް ފަހު، އެމަނިކުފާނަށް ހިމާޔަތް ދީފައިވާ އިނގިރޭސިވިލާތަށް އަނެއްކާވެސް ވަޑައިގެންފި އެވެ.

މުއިއްޒު އިބްރާހިމް މުއިއްޒު އިބްރާހިމް

ކުރީގެ ރައީސް މުހައްމަދު ނަޝީދު ސްރީލަންކާގައި ހުންނެވުމަށް ފަހު، އެމަނިކުފާނަށް ހިމާޔަތް ދީފައިވާ އިނގިރޭސިވިލާތަށް އަނެއްކާވެސް ވަޑައިގެންފި އެވެ.

މިދިޔަ މާޗް މަހުގެ ތެރޭގައި ސްރީލަންކާ އަށް ވަޑައިގެންނެވި ނަޝީދު ރޭގެ ވަގުތެއްގައި އިނގިރޭސިވިލާތަށް ފުރާވަޑައިގެންފައިވާ ކަން އެމްޑީޕީގެ އޮފިޝަލަކު ކަށަވަރުކޮށް ދެއްވި އެވެ. ނަޝީދު ލަންކާގައި ހުންނަވައިގެން ވަނީ ސިޔާސީ އެކި ފަރާތްތަކާއި، ބޭރުގެ ޑިޕްލޮމެޓުންނާ ވެސް ބައްދަލު ކުރައްވައިފަ އެވެ.

ނަޝީދުގެ މައްޗަށް އިއްވި 13 އަހަރުގެ ޖަލު ހުކުމް ތަންފީޒު ކުރައްވަމުން ގެންދަވަނިކޮށް ބޭސް ފަރުވާ އަށް އިނގިރޭސިވިލާތަށް ފޮނުވުމުން އެ ގައުމުން އެމަނިކުފާނަށް ވަނީ ހިމާޔަތް ދީފަ އެވެ. ހިމާޔަތް ދިން ފަހުން ދޭތެރެ ދޭތެރެއިން ނަޝީދު ލަންކާ އަށް ވަޑައިގަންނަވަ އެވެ.

ނަޝީދު ވިދާޅުވެފައިވާ ގޮތުން އެމަނިކުފާނު އެނބުރި ރާއްޖެ ވަޑައިގަންނަވާނެ އެވެ. އެކަމަކު ރާއްޖެ ވަޑައިގަންނަވާނެ ދުވަހެއް އެމަނިކުފާނު ވިދާޅެއް ނުވެ އެވެ.

ނަޝީދަށް 13 އަހަރުގެ ޖަލު ހުކުމް އިއްވީ ކްރިމިނަލް ކޯޓުގެ އިސްގާޒީ އަބްދުﷲ މުހައްމަދު ބަންދުކުރި މައްސަލާގަ އެވެ. އޭގެ އިތުރުން އެމަނިކުފާނުގެ ވެރިކަމުގައި މިހާރުގެ ރައީސް އަބްދުﷲ ޔާމީން ބަންދުކުރި މައްސަލާގައި ވެސް އެމަނިކުފާނަށް ވަނީ ދައުވާކޮށްފަ އެވެ. އެކަމަކު އެމަނިކުފާނު ރާއްޖެއިން ބޭރުގައި ހުންނެވުމުން ޝަރީއަތް ކުރިއަކަށް ނުދެ އެވެ.