އެންމެންގެ ލޯބި ހޯދި ފަނޑިޔާރު ފްރޭންކް ކެޕްރިއޯ އަވަހާރަވެއްޖެ

ކޯޓަށް ހާޒިރުކުރާ މީހުންނަށް އޯގާތެރިކަމާ އެކު މުއާމަލާތުކުރާ މަންޒަރު ފެންނަ ވީޑިއޯތަކުން ގިނަ ބައެއްގެ ލޯބި ހޯދި އެމެރިކާގެ ފަނޑިޔާރެއް ކަމަށްވާ ފްރެންކް ކެޕްރިއޯ އަވަހާރަވެއްޖެ އެވެ.

ރޯޑް އައިލެންޑްގެ ޕްރޮވިޑެންސްގެ ކޯޓްހައުސްއެއްގެ ފަނޑިޔާރެއްގެ ގޮތުގައި ގާތްގަނޑަކަށް ސާޅީސް އަހަރު މަސައްކަތް ކުރައްވާފައިވާ ކެޕްރިއޯގެ ރަސްމީ ފޭސްބުކް ޕޭޖްގައި އާންމުކޮށްފައިވާ ބަޔާނެއްގައި ބުނީ އޭނާ އަވަހާރަވީ ޕެންކްރިއެޓިކް ކެންސަރަށް ފަރުވާ ހޯއްދަވަމުން ގެންދަވަނިކޮށް އުމުރުން 88 އަހަރުގައި އިއްޔެ ކަމަށެވެ.

"އޯގާތެރިކަމާއި މަޑުމައިތިރިކަމާއި މީހުންގެ ހެޔޮ ނިޔަތް އޮންނާނެކަން ގަބޫލުކުރުމުގައި ފަނޑިޔާރު ކެޕްރިއޯ ވަނީ ކޯޓު ރޫމާއި ބޭރުގައި ކުރެއްވި މަސައްކަތުން އެތައް މިލިއަން ބައެއްގެ ދިރިއުޅުމާ ގުޅިފައި،" ބަޔާނުގައި ވެ އެވެ. "އޭނާގެ އޯގާތެރިކަމާއި، ހިނިތުންވުމާއި، އޯގާތެރިކަމުގެ ސަބަބުން، އޭނާ ދަންނަ އެންމެން ވެސް އޭނާގެ ހަނދާންތައް އަބަދަށް ކުރާނެ."

ގިނަ ބަޔަކަށް ކެޕްރިއޯ އެނގެނީ ޓީވީ ޝޯ "ކޯޓް އިން ޕްރޮވިޑެންސް" ގެ ވައިރަލް ވެފައިވާ ޝައުގުވެރި ވީޑިއޯ ކްލިޕްތަކުންނެވެ. އެއީ ކޯޓުގައި އޭނާއާ ދިމާވާ އެކި މީހުންނާ މުއާމަލާތުކުރާ ގޮތުގެ ތަފާތުކަމުންނެވެ.

ކެޕްރިއޯ ވަނީ "ދުނިޔޭގައި ހުރި އެންމެ ހިތްހެޔޮ ފަނޑިޔާރު" ގެ ގޮތުގައި މަޝްހޫރުވެފަ އެވެ. އެއީ ކޯޓު ރޫމްގައި އޭނާ އެހެން މީހުންނާ މެދު ހަމްދަރުދީވުމާއި މީހުންނަށް ދޭ ލުއިތަކުގެ ސަބަބުންނެވެ.