ސިޔާސީ އޮއިވަރަކީ ގައުމީ ލޯބީގެ ކުރިމަތީގައި އެއްވެސް މާނައެއް ހުރި އެއްޗެއް ނޫން ކަމަށާއި އެންމެން ވެސް އިސްކުރަންވީ ގައުމު ކަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.
ސިޔާސީ އޮއިވަރަކީ ގައުމީ ލޯބީގެ ކުރިމަތީގައި އެއްވެސް މާނައެއް ހުރި އެއްޗެއް ނޫން ކަމަށާއި އެންމެން ވެސް އިސްކުރަންވީ ގައުމު ކަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.
ނ. ވެލިދު އަށް ވަޑައިގެން އެ ރަށުގެ ރައްޔިތުންނާ ކުރިއަށް އޮތް ރާއްޖޭގެ 60 ވަނަ މިނިވަންދުވަހާ ގުޅުވައިގެން ވާހަކަފުޅު ދައްކަވަމުން ރައީސް ވިދާޅުވީ، ދިވެހިން އިސްކުރަން ޖެހޭނީ ދިވެހިވަންތަ ކަމާއި އިސްލާމް ދީނާއި ދިވެހި ބަސް ކަމަށެވެ.
"އެކަން އިސްކޮށް ނޫނިއްޔާ ކިތަންމެ އެއާޕޯޓެއް އެޅިޔަސް ކިތަންމެ ބަނދަރެއް ހެދިޔަސް ކިތަންމެ މަގެއް ހެދިޔަސް ސްކޫލެއް އެޅިޔަސް ހޮސްޕިޓަލެއް ހެދިޔަސް ހަގީގީ ތަރައްގީއެއް ނާންނާނެ. ހަގީގީ ތަރައްގީ އަންނަނީ ސިކުނޑިން. އެ ކަން ކުރާނީ އަމިއްލަ އަށް،" ރައީސް ވިދާޅުވި އެވެ.
އެ މަނިކުފާނު ވިދާޅުވީ، ސިކުނޑި ތަރައްގީ ކުރެވޭނީ އެ މީހަކު އަމިއްލަ އަށް އެ ކަމަށް އަޒުމް ކަނޑައެޅި ދުވަހަކުން ކަމަށާއި އަޅުގަނޑުމެންނަށް ހަގީގީ މާނައިގައި އުފާވެރިކަން ލިބޭނީ އޭރުން ކަމަށެވެ.
ވެލިދޫގެ ޖަލްސާ އަށް ރައީސް މުއިއްޒު ވަޑައިގެން އާންމުންނާ ސަލާން ކުރައްވަނީ.---ފޮޓޯ: ރައީސް އޮފީސް
ރައީސް ވިދާޅުވިގޮތުގައި މިނިވަންކަމުގެ އިހުސާސް ކުރެވޭނީ އަމިއްލަ ނަފުސަށް ވުރެ ގައުމު އިސްކުރާ ބަޔަކަށް ވެގެންނެވެ. އެ މިނިވަންކަން ކުރިއަށް އޮތް ޖީލަށް ޒިންމާދާރުކަމާ އެކު ގެންގޮސް ދެވޭނީ ވެސް އެއިރުން ކަަމަށް އެ މަނިކުފާނު ވިދާޅުވި އެވެ.
"... އަމިއްލަ މަސްލަހަތަށް ވުރެ ގައުމު އިސްކޮށްގެން. އެ ގައުމީ ލޯތްބާއި އެ ގައުމީ ވާޖިބު އަދާކުރުމުގެ އިހުސާސް އަދި އެ އަޒުމް އަޅުގަނޑުމެންގެ ހިތުގައި އަށަގަތް މިންވަރަކު އަޅުގަނޑުމެންގެ ގައުމު އަންނަން އޮތް ޖީލުތަކަށް އަޅުގަނޑުމެންގެ ޅަދަރިންނަށް އަދި އެ ދަރިންގެ ދަރިންނަށް ރަނގަޅު ގޮތުގައި ރައްކާތެރިކަމާ އެކީގައި ފޯރުކޮށްދެވޭނީ،" ރައީސް ވިދާޅުވި އެވެ.
އެ މަނިކުފާނު ވިދާޅުވީ، ވަށައިޖެހޭ ތަރައްގީ ގެނެވޭނީ ވެސް އެ މީހެއްގެ އަމިއްލަ ނަފުސާ ހިސާބުން އެ ތަރައްގީ ގެންނަން ފަށައިގެން ކަމަށެވެ.
ވެލިދޫގައި ރޭ ބޭއްވި ޖަލްސާގައި ރައީސް މުއިއްޒު ބައިވެރިވެވަޑައިގަންނަވަނީ.---ފޮޓޯ: ރައީސް އޮފީސް
"އަމިއްލަ ނަފުސަށް ގެންނަ ތަރައްގީއަކީ ސަރުކާރުން ހިންގާ މަޝްރޫއަކުން ގެނެވޭނެ ތަރައްގީއެއް ނޫން. އެއީ އަމިއްލަ އަށް އެ ނިންމުން ނިންމައިގެން ގެންނަ ތަރައްގީ. އަޅުގަނޑަށް ކުރެވޭނެ ކަމަކީ ސަރުކާރަށް ކުރެވޭނެ ކަމަކީ މި ކަމަށް ގޮވައިލުން. އެ ކަމަށް ބާރު އެޅުން،" ރައީސް ވިދާޅުވި އެވެ.
ރައީސް މުއިއްޒު ފާހަގަކުރެއްވި ގޮތުގައި، މަގާމުގެ ހުވާކުރެއްވި ދުވަހުން ފެށިގެން އެ މަނިކުފާނު ގެންދަވަނީ އެ ވާހަކަތައް ތަކުރާރު ކުރައްވަމުންނެވެ.
ގިނަ ދުވަހު ހިދުމަތްކުރެއްވި 94 ބޭފުޅަކަށް އިނާމު
"އެކި މީހުން އެކި ދިމާލަށް ގޮސްގެން ގައުމެއް ނޯންނާނެ
ގާސިމާއި ސޯބިރަށް ދައުލަތުގެ މަތިވެރި އިއްޒަތް
ހާރިޖީ ހިދުމަތުގެ މަތިވެރި ޝަރަފު ނަންރީތި ސަލީމަށް
މުއުތަސިމަށް ދައުލަތުގެ އިއްޒަތް އަރުވައިފި
މިނިވަން ދުވަހަށް ހެވިކަމުގެ ކުޅިވަރުތައް ބާއްވައިފި
"ސަލާމަތަށް ކޮންމެ އިންޗިއެއް ބަލަހައްޓާނީ ދިވެހިން"
ވެލިދޫގައި ސީޕްލޭންގެ ހިދުމަތް ޖެނުއަރީ މަހު ފަށަނީ
މިނިވަން އުފަލުގައި ބައިވެރިވުމަކީ ލިބޭ ފަހުރެއް: މޯދީ
ގައުމީ ނިޝާން ވެއްޓުނަ ނުދެއްވައި ދެއްކެވި ހުޝިޔާރުކަން