ގިނަ ގައުމުތަކަކަށް ދިރާގުގެ އަގުހެޔޮ އައިޑީޑީ ޕެކޭޖުތަކެއް ތައާރަފްކޮށްފި

ދިރާގުން ގިނަ ގައުމުތަކަކަށް އައިޑީޑީ ޕެކޭޖްތަކެއް ހެޔޮ އަގުތަކެއްގައި ތައާރަފްކޮށްފި އެވެ.

ދިރާގުން މިއަދު ތައާރަފް ކުރީ 55ރ. އިން ފެށިގެން 125ރ. އާ ދެމެދުގައި އަގުތަކެއްގެ އައިޑީޑީ ޕެކޭޖުތަކެކެވެ. އެ ޕެކޭޖްތަކުގެ ދަށުން އިންޓަނޭޝަނަލް މިނެޓްސްގެ އިތުރުން ހިލޭ ޑޭޓާ ލިބޭނެ އެވެ. އެ ޕެކޭޖުތަކުގެ ހިދުމަތް ލިބޭ ގައުމުތަކުގެ ތެރޭގައި އިންޑިއާ އާއި ބަންގްލަދޭޝާއި ސްރީލަންކާ އާއި މެލޭޝިއާގެ އިތުރުން ތައިލެންޑާއި ނޭޕާލާއި އޮސްޓްރޭލިއާ އާއި ޗައިނާ އަދި ސައުދީ އަރަބިއްޔާއާ އިތުރު ގައުމުތައް ވެސް ހިމެނެ އެވެ.

ދިރާގު ޕްރިޕެއިޑް އަދި ޕޯސްޓްޕެއިޑް ކަސްޓަމަރުންނަށް އެ ޕެކޭޖްތައް ދިރާގުއެޕް އަދި ދިރާގު މައިއެކައުންޓް މެދުވެރިކޮށް އެކްޓިވޭޓް ކުރެވޭނެ އެވެ.

ދިރާގުން ބުނީ އެ ޕެކޭޖުތަކާ އެކު ދިވެހިންގެ އިތުރުން ރާއްޖޭގައި ދިރިއުޅޭ ބިދޭސީންގެ އާއިލާތަކާއި ރަހުމަތްތެރިންގެ ހާލުބެލުމަށާއި ގުޅުން ބަދަހިކުރުމަށް އިތުރު ފަސޭހަތައް ލިބިގެންދާނެ ކަމަށެވެ.

ދިރާގުން ކަސްޓަމަރުންގެ އެކި ބޭނުންތައް ދެނެގަނެ، އެފަދަ އެކި ޕެކޭޖުތައް ދަނީ ތައާރަފް ކުރަމުންނެވެ.