ދިރާގުން ކޮންމެ ހަފްތާއަކު ސްމާޓް ޓީވީއެއް ދޭ ޕްރޮމޯޝަނެއް

ދިރާގުން ފައިބާ ބްރޯޑްބޭންޑުގެ ހިދުމަތް އަޕްގްރޭޑްކޮށް ތައާރަފްކުރި "ލިމިޓެއް ނެތް" އިންޓަނެޓް ޕެކޭޖުތަކަށް ހާއްސަކޮށް ޕްރޮމޯޝަނެއް ފަށައިފި އެވެ.

އަންނަ މަހުގެ ނިޔަލަށް ކުރިއަށްދާ މި ޕްރޮމޯޝަނުގައި ބައިވެރިވެވޭނީ ލިމިޓެއްނެތް 30އެމް އިން މަތީގެ ޕެކޭޖުތަކަށް އަޕްގްރޭޑްކޮށްގެންނެވެ. ދިރާގު ފައިބާ ބްރޯޑްބޭންޑުގެ މިހާރުގެ ކަސްޓަމަރުންނާއި އަލަށް ގުޅޭ ކަސްޓަމަރުންނަށް ވެސް މި ޕްރޮމޯޝަނުގައި 30އެމް އިން މަތީގެ ޕެކޭޖެއް ހިޔާރުކޮށްގެން ބައިވެރިވެވޭނެ އެވެ.

މި ޕްރޮމޯޝަނުގައި ކޮންމެ ހަފްތާއަކު ގުރުއަތުން ހޮވޭ ނަސީބުވެރިއަކަށް 65 އިންޗީގެ ސްކައިވޯތު – ޔޫއެޗްޑީ 4ކޭ ސްމާޓް ޓީވީއެއް ދިނުމަށް ވަނީ ހަމަޖެހިފަ އެވެ.

ދިރާގުގެ ލިމިޓެއް ނެތް ޕެކޭޖުތަކުގެ މައުލޫމާތު އެ ކުންފުނީގެ ވެބްސައިޓުގައި ލިބެން ހުންނާނެ އެވެ.

ދިރާގުގެ ލިމިޓެއް ނެތް ލިމިޓެއް ޕެކޭޖުތަކަކީ ލިމިޓެއް ނެތި ހަލުވި ސްޕީޑުގައި އިންޓަނެޓް ބޭނުން ކުރެވޭނެ ޕެކޭޖުތަކެކެވެ. މި ޕެކޭޖުތައް އެކްޓިވޭޓް ކުރުމުން އެއް ސްޕީޑެއްގައި މުޅި މަހު އިންޓަނެޓް ލިބޭނެ އެވެ. މީގެ ކުރިން ލިބެން ހުންނަ "އަންލިމިޓަޑް" ޕެކޭޖުތަކަކީ ކޮންމެ މަހަކަށް ވަކި އަދަދެއްގެ ޑޭޓާ ލިބޭ އަދި އެ ޑޭޓާ ބޭނުންކޮށް ނިމުމުން ސްޕީޑް ދަށްވާ ޕެކޭޖުތަކެކެވެ. އެހެންވެ، މި ޕެކޭޖުތަކަކީ ސްޓްރީމްކޮށް، ގޭމްކުޅެ އަދި ބްރައުޒްކޮށް ހެދުމަށް ބޭނުން ކުރެވޭނެ އެންމެ ރަނގަޅު އެއް ޕެކޭޖުތަކުގެ ގޮތުގައި ދިރާގުން ސިފަކުރެ އެވެ.