ވެލާނާ އެއާޕޯޓަށް ބާރުބޮޑުވުމުން އަވަހަށް ޗެކިން ވާން އެދެފި

ވެލާނާ އިންޓަނޭޝަނަލް އެއާޕޯޓަށް ބާރުބޮޑުވުމުން އަވަހަށް ފަސިންޖަރުން ޗެކިން ވާން އެމްއޭސީއެލް އިން މިއަދު އެދެފި އެވެ.

އިފްރާޒް އަލީ

04 ޖޫން 2025

ވީއައިއޭ ހިންގާ އެމްއޭސީއެލުން އެކްސްގައި ކުރި ޕޯސްޓެއްގައި ބުނީ އެ އެއާޕޯޓުގެ އާ ޓާމިނަލާ ގުޅޭ މަގުތަކުގެ މަސައްކަތްކުރާތީ އާއި ގިނަ ބަޔަކު ފުރަން ދާތީ މިއަދަކީ އެ އެއާޕޯޓަށް ވަރަށް ބާރުބޮޑު ދުވަހެއް ކަމަށެވެ. އެހެންވެ، ފަސިންޖަރުން ޗެކިން ގަޑި ފެށޭ ވަގުތަށް އެއާޕޯޓަށް ދިއުމަށް އެދޭ ކަމަށް އެމްއޭސީއެލް އިން ބުންޏެވެ.

އެއާޕޯޓަށް ބާރުބޮޑުވެފައިވާއިރު، އީދު ބަންދާ ދިމާކޮށް މިއަދާއި މާދަމާ ގިނަ ބަޔަކު ރަށްރަށަށާއި ރާއްޖެއިން ބޭރަށް ވެސް ފުރާނެ އެވެ.

މި އަހަރުގެ ހައްޖު ދުވަހަކީ މާދަމާ އެވެ. އަދި އީދު ދުވަހަކީ އަންނަ ހުކުރު ދުވަހެވެ.

ހައްޖު ދުވަހާއި އީދު ދުވަހާ އެކު، އީދު ބަންދަށް މިފަހަރު ފަސް ދުވަހުގެ ބަންދެއް ލިބެ އެވެ.

VIA ge aa terminal July 26 gai hulhuvanee

The most trusted news source in the Maldives

Mihaaru

ވެލާނާ އެއާޕޯޓުގެ އާ ޓާމިނަލުގެ ބައެއް އަންނަ ޖުލައި މަހުގެ 26 ވަނަ ދުވަހު ހުޅުވުމަށް އަންނަނީ ތައްޔާރުވަމުންނެވެ. އެހެންވެ، އެ ޓާމިނަލް ހުޅުވަންވާއިރަށް، އެތަނާ ގުޅޭ މަގުތައް ހެދުމުގެ މަސައްކަތް މި ދުވަސްވަރު އަންނަނީ ކުރަމުންނެވެ.

Comments