ހޫތީންގެ މިސައިލް ހަމަލާއެއް އިޒްރޭލުގެ މައި އެއާޕޯޓަށް

އިޒްރޭލުގެ ބައިނަލްއަގުވާމީ މައި އެއާޕޯޓް ކަމަށްވާ ބެން ގުރިއޮން އެއާޕޯޓަށް ޔަމަންގެ ހޫތީން މިސައިލް ހަމަލާއެއް ދީފި އެވެ.

ފަލަސްތީނުގެ ޣައްޒާއަށް އިޒްރޭލުން ދެމުން ގެންދާ ހަމަލާތަކުގެ ބަދަލު ހިފުމަށާއި ޣައްޒާގެ ރައްޔިތުންނާ އެކުގައި ތިބިކަން ހާމަކުރުމުގެ ގޮތުން ހޫތީން ދިން މި ހަމަލާއާ ބެހޭ ގޮތުން ނެރުނު ބަޔާނުގައި ބުނީ މި ހަމަލާގައި ބޭނުންކުރީ ހައިޕަސޮނިކް ބެލިސްޓިކް މިސައިލެއް ކަމަށެވެ.

"މިސައިލް ވަނީ ކާމިޔާބުކަމާ އެކު އޭގެ އަމާޒަށް ވާސިލްވެފައި،" ހޫތީންގެ ބަޔާނުގައިވެ އެވެ.

A missile has made it past Israel's IronDome defense system and hit down near the Ben Gurion Airport.

They think it came from Yemen. pic.twitter.com/ClJqHZPxPX
— Justin Theory (@realJustATheory) May 4, 2025

ހޫތީންގެ މިސައިލް އިޒްރޭލުގެ މައި އެއާޕޯޓް ކައިރިއަށް ވެއްޓެނީ

ޔަމަންގެ ބޮޑު ސަރަހައްދެއް ކޮންޓްރޯލްކުރާ ހޫތީން ވަނީ އިޒްރޭލުން އޮކްޓޫބަރު 7، 2023 ގައި ޣައްޒާއަށް ހަމަލާދޭން ފެށި ފަހުން މިސައިލާއި ޑްރޯން ބޭނުންކޮށްގެން އިޒްރޭލަށް އެތައް ހަމަލާއެއް އަމާޒުކޮށްފަ އެވެ. އަދި ރަތް ކަނޑުގައި ދަތުރުކުރާ އިޒްރޭލާ ގުޅުން ހުރި ކަމަށް ބެލެވޭ އުޅަނދުތަކަށް ވެސް ގެންދަނީ ހަމަލާ ދެމުންނެވެ.

ހޫތީންގެ ގިނަ ހަމަލާތައް އިޒްރޭލުން އިންޓަސެޕްޓުކޮށް ނާކާމިޔާބުކޮށްލި ނަމަވެސް މިއަދު ފޮނުވާލި މިސައިލް އެއާޕޯޓް ސަރަހައްދަށް އަމާޒުވި ކަމަށް އިޒްރޭލުން ވަނީ ބުނެފަ އެވެ. އެހެންވެ އެ ވަގުތު ވައިގެ ދަތުރުތައް ހުއްޓުމަކަށް ވެސް ގެންނަން ޖެހުނެވެ.

A ballistic missile from Yemen struck near Ben Gurion Airport in central Israel. Footage shows damage close to the impact site. In response, Lufthansa and Air Europa have suspended all flights to and from Tel Aviv for the day amid rising security concerns. pic.twitter.com/Ciax84eItt
— Geopoliti? Monitor (@GeopolitixM) May 4, 2025

ހަމަލާ އަމާޒުވި ތަނުގައި ބޮޑު ވަޅުގަނޑެއް ހެދިފައި

އިޒްރޭލުގެ އަސްކަރިއްޔާއިން ވަނީ މިސައިލް ހަމަލާއެއް އައި ކަމަށާއި އެ މިސައިލް ވައްޓާލަން ވަރަށް ގިނަ މަސައްކަތްކުރި ކަމަށް ވެސް ބުނެފަ އެވެ.

މި ހަމަލާއަށް ފަހު އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ ވަނީ އެކި ފިޔަވަހިތަކަށް ބަހާލައިގެން ހޫތީންނަށް ހަމަލާ ދޭނެ ކަމުގެ އިންޒާރު ދީފަ އެވެ.

"ކުރިން ވެސް ވާނީ އެ މީހުންނާ ދެކޮޅަށް ފިޔަވަޅު އަޅާފައި. އަދި ކުރިއަށް އޮތް ތަނުގައި ވެސް އަޅާނަން. މިކަމުގެ ތަފްސީލަކަށް ނުދެވޭނެ ... މިއީ އެންމެ ގޮވުމަކުން ނިމޭނެ ކަމެއް ނޫން. އެތައް ގޮވުމެއް ހިމެނޭނެ،" ޓެލެގްރާމް ޗެނަލެއްގައި އާންމުކުރި ވީޑިއޯ މެސެޖެއްގައި ނަތަންޔާހޫ ބުނެފައިވެ އެވެ.

ހޫތީން ވަނީ އިޒްރޭލުގެ ބެން ގުރިއޮން އެއާޕޯޓަށް ދަތުރުކުރާ އިންޓަނޭޝަނަލް އެއާލައިންތަކަށް އިންޒާރުދީ، މިހާރު އެއީ ދަތުރުކުރަން ރައްކާތެރި ތަނެއް ނޫން ކަމަށް ބުނެފަ އެވެ. -- އޭއެފްޕީ

Comments