ފެޒޫއާ އެކު މިހާރު ބަދިގެ: ވަޅޯމަސް ބިރިޔާނީ

ރޯދަ މަހު އެކި ވައްތަރުގެ ކެއުންތަކަށް ފަހު، އީދަކީ ގިނަ ބަޔަކު ބިރިޔާނީ ހަދާ ދުވަހެވެ. މިއަދު އޮތީ އާއްމުކޮށް ކައްކާ ބިރިޔާނީއާ ތަފާތު، ދިވެހި ބިރިޔާނީއެކެވެ.

ދިރާގާ ގުޅިގެން ގެނެސްދޭ މިހާރު ބަދިގެ މިއަދުގެ އެޕިސޯޑުގައި ޑިޓިއުންބޭންޑްގެ ފާތުމަތު ފެޒްލީން (ފެޒޫ) ކިޔައިދެނީ މީރުކޮށް ވަޅޯ މަސް ބިރިޔާނީ ހަދާނެ ގޮތެވެ.

ބޭނުންވާ ތަކެތި

2 ވަޅޯ މަސް

3 ފިޔާ

1 ތަށި ގްރީކް ޔޯގަޓް

5 ލޮނުމެދު

1 ސަމްސާ އިނގުރު

ބިރިޔާނީ މަސާލާ

ހިކިމިރުސް

2 ސަމްސާ ރީނދޫ

2 ޓޮމާޓޯ

5 ގްރީންޗިލީ

ކޮރިއެންޑާ

އޮލިވްއޮއިލް

ބަތްކައްކަން ބޭނުންވާނީ:

1 ޕެކެޓް ބާސްމަތީ ހަނޑޫ

1 ސަމްސާ ކޮރިއެންޑާ ސީޑްސް

1 ސަމްސާ ދިރި

3 ބޭލީވްސް

1 ލުނބޯ

ފޮނިތޮށި

ކާފޫރުތޮޅި

ކަރަންފޫ

ޗިކަންސްޓޮކް

މިންޓް ލީފް ކޮޅެއް

ތައްޔާރުކުރާނެ ގޮތް

ފުރަތަމަ ބަތް ކައްކަން އަޅަން ޖެހޭ ބާވަތްތަކާ އެކު ބަތް ކައްކާލާށެވެ. ބޮޑު ތިން ފިޔާ މީރުކޮށްލާށެވެ. އެއްބައި ބިރިޔާނީ މައްޗަށް އަޅަން ނަގާފައި ބާކީ ބައިގެ ތެރެއަށް ވަޅޯ މަސް އަޅާލާށެވެ. ވަޅޯ މަސް މެރިނޭޓްކުރާނީ ގްރީކް ޔޯގަޓާއި ބިރިޔާނީ މަސާލާ އެކުގަ އެވެ.

ބިރިޔާނީގެ މަސްގަނޑު ކައްކައި ނިމުމުން ތެއްޔެއްގައި ފަތުރާލާފައި މައްޗަށް ބަތް އަޅާލާށެވެ. މައްޗަށް މީރުކޮށްލާފައި ހުރި ފިޔާކޮޅާއި ކޮރިއެންޑާކޮޅު އަޅާލާށެވެ. މިގޮތަށް ދެ ފަހަރު ބަތާއި މަސް ފަތުރާލާށެވެ. މައްޗަށް ލުނބޯކޮޅު އަޅާލާށެވެ.