ފެޒޫއާ އެކު މިހާރު ބަދިގެ: ސްޓީމްޑް އެގްސް

ދިރާގާ ގުޅިގެން ގެނެސްދޭ މިހާރު ބަދިގެ މިއަދު އޮތީ ވަރަށް ފަސޭހަ ބިސްގަނޑެއް އަޅާނެ ގޮތެވެ. ކެރަމަލް ޕުޑިން ސްޓީމްކުރާ ގޮތަށް، މިފަހަރު ސްޓީމްކުރާނީ ބިސްގަނޑެކެވެ.

ޑިޓިއުންބޭންޑްގެ ފާތުމަތު ފެޒްލީން (ފެޒޫ)ގެ މި ރެސިޕީއަށް ނަގާނީ މަދު ވަގުތުކޮޅެކެވެ.

ބޭނުންވާ ތަކެތި

4 ބިސް

1/2 ޖޯޑު ޗިކަން ސްޓޮކް

ލޮނުމެދު

ސޯޔާ ސޯސް

ގްރީން އަނިއަންސް

ކުޑަ ތެޔޮކޮޅެއް

ތައްޔާރުކުރާނެ ގޮތް

ބިސް ގިރާލާނީ ޗިކަން ސްޓޮކާ އެކުގަ އެވެ. އޭގެތެރެއަށް ލޮނުމެދުކޮޅެއް ވެސް އަޅާލެވިދާނެ އެވެ. ތައްޓަކަށް އަޅައި އާވިން ކައްކާލާށެވެ. އަވަނުގައި ނުވަތަ ތެއްޔެއްގައި ވެސް ކައްކާލެވިދާނެ އެވެ. ވިހި މިނެޓް ވާއިރު ބިސްގަނޑު އިންނާނީ ރަނގަޅަށް ކެކިފަ އެވެ.

ބިސްގަނޑު މައްޗަށް އަޅަން ތެޔޮކޮޅެއްގައި ލޮނުމެދު ފްރައިކޮށްލާށެވެ. ރަތްވެލީމަ ބިސްގަނޑު މައްޗަށް ތެޔޮކޮޅު އަޅާލާށެވެ. މައްޗަށް ސްޕްރިންގް އަނިއަންކޮޅު އަޅާލާށެވެ.