ޒުވާން ޑިފެންޑަރެއް ސޮއިކުރުވަމުގެ ރޭހުގައި ލިވަޕޫލަށް ރިވަޕްލޭޓް ޗެލެންޖަކަށް

ބިއުނޯސް އާރީސް، އާޖެންޓީނާ (ޑިސެމްބަރު 31) - އާޖެންޓީނާގެ ލީގުގައި ކުޅެމުން އަންނަ ޒުވާން ޑިފެންޑަރަކު ސޮއި ކުރުވުމުގެ ރޭހުގައި ލިވަޕޫލުގެ ބޮޑު ޗެލެންޖަކަށް ރިވަޕްލޭޓް ވެއްޖެ އެވެ.

އާޖެންޓީނާގެ ކްލަބް އެތުލެޓިކޯ ލުނަސް އަށް ކުޅެމުން އަންނަ އުމުރުން 19 އަހަރުގެ ޑިފެންޑަރު ހޫލިއޯ ސެޒާ ސޯލާ ދަނީ ލީގުގައި މޮޅު ކުޅުމެއް ދައްކަމުންނެވެ.

އޭނާގެ ކުޅުން ލިވަޕޫލުން ސްކައުޓް ކުރަމުންދާތާ އަހަރެއް ވެއްޖެ އެވެ. މިދިޔަ ހޫނު މޫސުމުގެ ޓްރާންސްފާގައި ވެސް އޭނާ ސޮއި ކުރުވަން ލިވަޕޫލުން މަސައްކަތް ކުރި ކަމަށް ރިޕޯޓްތައް ބުނެ އެވެ.

މެންޗެސްޓާ ޔުނައިޓެޑުން ވެސް އޭނާ އަށް ޝައުގުވެރިކަން ފާޅުކުރެ އެވެ. އޭނާގެ ޓްރާންސްފާ އަށް 16 މިލިއަން ޑޮލަރު ދޭން ލިވަޕޫލުން އޮތީ ތައްޔާރަށެވެ.

އެކަމަކު އެ ދެ ކްލަބަށް ވެސް އޮތް އެންމެ ބޮޑު ގެންޖެހުމަކީ އާޖެންޓީނާގެ ފުޓްބޯޅައިގެ ގަދަ ބާރު ރިވަ ޕްލޭޓެވެ. ޔުނައިޓެޑާއި ލިވަޕޫލުން ހުށަހަޅާވަރުގެ އަގެއް ރިވަ ޕްލޭޓަށް ހުށަހެޅޭކަށް ނެތެވެ.

އެކަމަކު، ސޯލާގެ އާއިލާ އަށް ރިވަ ޕްލޭޓުން ވިސްނައި ދީފައި ވަނީ، އޭނާ އަށް ކުޅެން ގިނަ ވަގުތު ދޭނެ ކަމަށެވެ. ކުޅުންތެރިޔާގެ އިހްތިޔާރުން ބޭރުން، އެހެން ކްލަބަކަށް އޭނާ ވިއްކާލާކަށް ލުނަސްއިން ބޭނުމެއް ނުވެ އެވެ.

އިސްކޮޅުގައި ފަސް ފޫޓް ނުވަ އިންޗި ހުންނަ ސޯލާގެ ކިބައިގައި ޑިފެންޑަރެއްގެ ގައިގައި ހުންނަން ޖެހޭ ހުރިހާ ސިފައެއް އެބަހުއްޓެވެ. ޕެރަގުއޭގެ އާއިލާއަކަށް އުފަންވި ނަމަވެސް، އޭނާ ވަރަށް ކުޑައިރު އެ އާއިލަގެ ދިރިއުޅުން އާޖެންޓީނާ އަށް ބަދަލު ކުރި އެވެ. މި އަހަރު ބޭއްވި އޮލިމްޕިކްސްގައި އޭނާ ކުޅެފައި ވަނީ އާޖާންޓީނާގެ 23 އަހަރުންދަށުގެ ޓީމަށެވެ.