14 ޑިސެމްބަރ 2024
ބޭރު ފަސިންޖަރުންގެ އަތުން ނަގާ އެއާޕޯޓް ޓެކްސްތަކާއި ފީތައް ބޮޑުކޮށްފައިވަނިކޮށް، މި ޑިސެމްބަރު މަހު ފެށި ރާއްޖޭގެ ޓޫރިޒަމްގެ ޕީކް ސީޒަންގައި ޓޫރިސްޓުން އަންނަ ނިސްބަތް ދަށްވެފައިވާކަން ތަފާސްހިސާބުތަކުން ދައްކައިފި އެވެ.
ބޭރު ފަސިންޖަރުންގެ އަތުން ނަގާ އެއާޕޯޓް ޓެކްސްތަކާއި ފީތައް ބޮޑުކޮށްފައިވަނިކޮށް، މި ޑިސެމްބަރު މަހު ފެށި ރާއްޖޭގެ ޓޫރިޒަމްގެ ޕީކް ސީޒަންގައި ޓޫރިސްޓުން އަންނަ ނިސްބަތް ދަށްވެފައިވާކަން ތަފާސްހިސާބުތަކުން ދައްކައިފި އެވެ.
ޓޫރިޒަމް މިނިސްޓްރީން އާންމުކޮށްފައިވާ މި މަހުގެ ފުރަތަމަ 11 ދުވަހުގެ ތަފާސްހިސާބުތައް ދައްކާ ގޮތުން، މިދިޔަ އަހަރުގެ މި މުއްދަތުގައި ރާއްޖެ އަށް ޒިޔާރަތް ކޮށްފައިވަނީ 63،523 ޓޫރިސްޓުންނެވެ. ނަމަވެސް، މި އަހަރު އެ އަދަދު ވަނީ 62،249 އަށް ދަށްވެފަ އެވެ.
މިއީ މިދިޔަ އަހަރާ އަޅާބަލާއިރު، ދެ ޕަސެންޓުގެ ދަށްވުމެކެވެ.
މިދިޔަ ނޮވެމްބަރު މަހާ އަޅާބަލާއިރު، ދުވާލެއްގެ މައްޗަށް ރާއްޖެ އަށް ޓޫރިސްޓުން އަންނަ އަދަދު ވެސް މި މަހުގެ ފުރަތަމަ 11 ދުވަހު ވަނީ ދަށަށް ގޮސްފަ އެވެ.
މިދިޔަ މަހު ދުވާލަކު އެވްރެޖުކޮށް 5،766 ޓޫރިސްޓުން ރާއްޖެއަށް ޒިޔާރަތް ކޮށްފައި ވިޔަސް އެ އަދަދު މި މަހުގެ ފުރަތަމަ 11 ދުވަހު ވަނީ 5،659 އަށް ވެއްޓިފަ އެވެ.
މި އަހަރުގެ ޓްރެންޑާ އެއްގޮތަށް، އެއް ގައުމަކުން ރާއްޖެ އަށް އެންމެ ގިނައިން ޓޫރިސްޓުން އައިސްފައިވަނީ އަދިވެސް ޗައިނާ އިންނެވެ. މިދިޔަ އަހަރު ތިން ވަނައިގެ އޮތް ޗައިނާ އިން، މި އަހަރުގެ މިހާތަނަށް 256،197 ޓޫރިސްޓުން ރާއްޖޭގައި ޗުއްޓީ ހޭދަކޮށްފައިވެ އެވެ.
މިދިޔަ އަހަރު އެއްވަނައިގައި އޮތް އިންޑިއާ މި އަހަރު ވަނީ އެ ލިސްޓުގެ ހަ ވަނަ އަށް ވެއްޓިފަ އެވެ. އެ ލިސްޓުގެ ދެވަނައިގައި، ރަޝިއާ، ތިންވަނައިގައި އިނގިރޭސި ވިލާތް އަދި ހަތަރު ވަނައިގައި އޮތީ ޖަރުމަނެވެ.
މި މަހުގެ ފުރަތަމަ 11 ދުވަހު ޓޫރިސްޓުން އައި އަދަދު ދަށްވެފައިވިޔަސް، މި އަހަރު ރާއްޖެއަށް ވަނީ ރެކޯޑް އަދަދަކަށް ޓޫރިސްޓުން ޒިޔާރަތް ކޮށްފަ އެވެ.
މި މަހުގެ 11 އާ ހަމައަށް 1،899،884 ޓޫރިސްޓުން ރާއްޖޭގައި ޗުއްޓީ ހޭދަކޮށްފައިވާއިރު، މިއީ މިދިޔަ އަހަރާ އަޅާބަލާއިރު 8.7 ޕަސެންޓުގެ ކުރިއެރުމެކެވެ.
މިދިޔަ އަހަރު ރާއްޖެއަށް ޒިޔާރަތްކޮށްފައިވަނީ 1،747،370 ޓޫރިސްޓުންނެވެ.
އެއާޕޯޓު ޑިވެލޮޕްމެންޓް ފީ (އޭޑީއެފް) އާއި ޑިޕާޗާ ޓެކްސް އަށް ބޮޑެތި ބަދަލުތަކެއް ގެނެސް، ރާއްޖޭގެ އެއާޕޯޓަކުން ބޭރަށް ފުރާ ފަސިންޖަރުންގެ އަތުން ޓެކްސް އާއި ފީ ބޮޑުކޮށްފައިވަނީ މި މަހުން ފެށިގެންނެވެ.
އެއާޕޯޓު ޑިވެލޮޕްމެންޓް ފީ އާއި ޑިޕާޗާ ޓެކްސްއަށް ގެނައި ބަދަލާއެކު، އިކޮނޮމީ ކްލާހުގައި ރާއްޖެއިން ބޭރަށް ދަތުރުކުރާ ދިވެހިންގެ އަތުން ނަގާ ޓެކްސްއަށް ބަދަލެއް ނަޔަސް، ބިދޭސީންގެ އަތުން ނަގަމުން އައި 30 ޑޮލަރުގެ ބަދަލުގައި 50 ޑޮލަރަށް ބޮޑުވާނެ އެވެ.
ބިޒްނަސް ކްލާހުގައި ދަތުރުކުރާ ދިވެހިންނާއި ބިދޭސީންގެ އަތުން ނަގާ ފީ ވެސް 120 ޑޮލަރަށް ބޮޑުވާއިރު، ފަސްޓް ކްލާހުގައި ދަތުރުކުރާ މީހުންގެ އަތުން ނަގާ ފީ 240 ޑޮލަރަށް ބޮޑުވާނެ އެވެ.
މީގެ އިތުރުން ޕްރައިވެޓް ޖެޓުގައި ދަތުރު ކުރާ މީހުންގެ އަތުން 480 ޑޮލަރު ނަގާނެ އެވެ. އެއީ ކުރިން ނަގަމުން އައި އަދަދަށް ވުރެ 300 ޕަސެންޓުގެ އިތުރުވުމެކެވެ.
ރާއްޖެ އައި ޓޫރިސްޓުންގެ އަދަދު 67 ޕަސެންޓު ދަށަށް
ޓޫރިޒަމް ސީޒަން ފެށީ 16 ޕަސެންޓުގެ ކުރިއެރުމަކާ އެކު
މިދިޔަ މަހު ޓޫރިސްޓުންގެ އަދަދު 11 ޕަސެންޓް އިތުރު
ދެ މިލިއަން ޓޫރިސްޓުން ގެންނަން ބޮޑު ފެއާއެއް ބާއްވަނީ
ޓެކްސްތައް ބޮޑުކޮށްގެން 2.7 ބިލިއަންގެ އާމްދަނީއެއް
ޓޫރިޒަމުން ވަންނަ ޑޮލަރު ބޭންކަށް ޖަމާކުރަންލާޒިމްކޮށްފި
އަހަރަކު 750 މިލިއަން ބޭންކުތަކަށް މާރުކުރަން ޖެހޭ!
ލަގްޒަރީ ޓޫރިޒަމަށް އަލުން އޮފުއެރުވުން: ވިސްނަންވެއްޖެ
ހަނިމާދޫ އެއާޕޯޓުން ފައިދާވާން 8،000އެނދު ބޭނުންވޭ
ޓޫރިސްޓުން އިތުރަސް އާމްދަނީން 3 ބިލިއަން ގެއްލިއްޖެ