އަޒަރުބައިޖާން އެއާލައިނުން ރާއްޖެއަށް ސީދާ ދަތުރުތައް ފަށައިފި

އަޒަރުބައިޖާންގެ ވެރިރަށް ބަކޫ އިން ވެލާނާ އިންޓަނޭޝަނަލް އެއާޕޯޓަށް އަޒަރުބައިޖާން އެއާލައިންގެ ސީދާ ދަތުރުތައް މިއަދު ފަށައިފި އެވެ.

އަޒަރުބައިޖާން އެއާލައިނުގެ ފުރަތަމަ ފްލައިޓް ވެލާނާ އިންޓަރނޭޝަނަލް އެއާޕޯޓަށް ޖައްސާފައިވަނީ މިއަދު ހެނދުނު 09:45 ގަ އެވެ.

އެއާޕޯޓު ހިންގާ އެމްއޭސީއެލްގެ ޗީފް ކޮމާޝަލް އޮފިސަރު މުހައްމަދު މިހާދު ވިދާޅުވީ އާ ރޫޓުގެ ސަބަބުން ދެ ގައުމުގެ މެދުގައި ދަތުރުފަތުރުގެ ގުޅުން ވަރުގަދަވެ، އަޒަރުބައިޖާނުން ރާއްޖެއަށް ޒިޔާރަތްކުރާ ޓޫރިސްޓުންނަށް ފަސޭހައިން ދަތުރުކުރެވޭނެ މަގު ހުޅުވޭނެ ކަމަށެވެ.

އަޒަރުބައިޖާން އެއާލައިންގެ ޗީފް ކޮމާޝަލް އޮފިސަރު ޖަމީލް މަނިޒާޑޭ ވިދާޅުވީ ވިންޓާ ސީޒަންގައި ރާއްޖެ ފަދަ މަގްބޫލު މަންޒިލަކަށް ސީދާ ދަތުރުތައް ފެށުމަކީ އަޒަރުބައިޖާނުގެ ޓޫރިސްޓުންނަށް ލިބޭ ބޮޑު ފަސޭހައެއް ކަމަށެވެ.

އަޒަރުބައިޖާން އެއާލައިނުން ބަކޫ އިން ރާއްޖެއަށް ހަފްތާއަކު ދެ ފްލައިޓެއް އޮޕަރޭޓްކުރުމަށް ވަނީ ހަމަޖެހިފަ އެވެ. އެ ދަތުރުތަކުގައި ބޭނުންކުރާނީ އެއާބަސް ބ787ީ މަރުކާގެ މަތިންދާ ބޯޓެވެ.