ހިމަންދު އަށް ބީއެމްއެލްގެ އޭޓީއެމް ސެންޓަރެއް

ބީއެމްއެލް އިން އއ. ހިމަންދޫގައި އޭޓީއެމް ސެންޓަރެއް ހުޅުވައިފި އެވެ.

މި ސެންޓަރުން ދުވާލަކު 24 ގަޑިއިރު އަސާސީ ބޭންކިން ހިދުމަތްތައް ލިބޭނެ އެވެ. އޭގެ ތެރޭގައި ފައިސާ ނެގުމާއި ޖަމާކުރުމާއި އަދި ފައިސާ ޓްރާންސްފާ ކުރުން ހިމެނެ އެވެ.

ބީއެމްއެލްއިން ވަނީ އެ އަތޮޅު ފެރިދު އާއި ބޮޑުފޮޅުދޫގައި ވެސް މި ހަފުތާގައި އޭޓީއެމް ސެންޓަރު ހުޅުވައިފަ އެވެ.

ހިމަންދޫގައި ހުޅުވި އޭޓީއެމް ސެންޓަރާ އެކު އެ އަތޮޅުގައި ބީއެމްއެލްގެ 7 އޭޓީއެމް ސެންޓަރު ހުންނާނެ އެވެ. އެ އަތޮޅުގައި ހުރި އޭޓީއެމް ސެންޓަރުތަކުގެ އިތުރުން 2006 ވަނަ އަހަރު ރަސްދޫގައި ހުޅުވި ބީއެމްއެލްގެ ބްރާންޗް މެދުވެރިކޮށް އެ ބޭންކުން އަންނަނީ އެ އަތޮޅުގައި ބޭންކިން ހިދުމަތްތައް ދެމުންނެވެ.

ބީއެމްއެލް އިން 20 އަތޮޅުގައި އެ ބޭންކުގެ 39 ބްރާންޗް ހިންގަ އެވެ. އަދި 21 ސެލްފްސާވިސް ބޭންކިން ސެންޓަރާއި 147 އޭޓީއެމްގެ އިތުރުން އޭޖެންޓުން މެދުވެރިކޮށް ވެސް އަންނަނީ ބޭންކިންގެ ހިދުމަތްތައް ދެމުންނެވެ.