އައިކެއާއިން އޭއައިގެ އެހީގައި އައިނުގެ މިންތައް ނަގަނީ

އައިނަކީ ފަސޭހައިން ބޭނުން ކުރެވޭ އެއްޗަކަށް ހެދުމަށްޓަކައި އައިނަކީ ހެޔޮވަރު އަދި އޭގައި ހުންނަން ޖެހޭ ހާއްސަ ކަންތައްތައް އެންމެ ފުރިހަމައަށް ހިމެނިފައި ހުންނަ އެއްޗަކަށް ވާން ޖެހެ އެވެ. މިކަމަށް ބޭނުންވާ ލެންސާއި ދުނިގަނޑުގެ މިންތައް ނެގުމަށް އައިކެއާއިން މިހާރު ވަނީ އޭއައި ސިސްޓަމެއް ތައާރަފްކޮށްފަ އެވެ.

އައިކެއާގައި މިހާރު ބޭނުން ކުރަމުން ދަނީ ޖަޕާނުގެ ހޯޔާއިން އުފައްދާފައިވާ 'ވިޝުރިއަލް މާސްޓާ' ޑިވައިސް އެވެ. މި ޑިވައިސް ބޭނުންކޮށްގެން ކުޑަ ވަގުތުކޮޅެއްގެ ތެރޭގައި އައިނުގެ ދުނިގަނޑުގެ މިންތައް ނެގޭނެ އެވެ. މިއީ އައިނުގެ މިންތައް ފަސޭހައިން ދެނެގަތުމަށް އައިކެއާއިން ދެމުންދިޔަ ހިދުމަތަށް ލިބުނު ކުރިއެރުމެކެވެ.

ލޯގަނޑެއްގެ ގޮތަށް ހުންނަ މި ޑިވައިސް ބޭނުން ކުރުމަށް ޖެހޭނީ އެ ޑިވައިސްގެ ކުރިމަތީ އައިނު އަޅައިގެން ހުއްޓިލާށެވެ. އޭރުން މިންތައް ނަގަން ހުންނަ އޮޕްޓިޝަން ޓެބްލެޓެއް ބޭނުންކޮށްގެން ފޮޓޯއެއް ނަގާނެ އެވެ. އަދި ލޮލުގެ ކަޅިއާ އެއްވަރަށް އައިނުގެ މިންތައް މިޑިވައިސްއިން ނޯޓް ކުރާނެއެވެ. އަދި އިތުރު ބަދަލެއް ގެންނަން ޖެހޭނަމަ ޓެބްލެޓްގެ އެހީގައި އެކަން ކުރެވޭނެ އެވެ.

މި ޑިވައިސް ބޭނުންކޮށްގެން ގާތްގަނޑަކަށް އެއް މިނެޓް ތެރޭގައި އައިނުގެ މިންތައް ނެގޭނެ އެވެ.

އައިކެއާއިން ބުނިގޮތުގައި، މި ޑިވައިސް ތައާރަފްކުރީ ޒަމާނީ ޓެކްނޮލޮޖީ އާއި އޭއައި ބޭނުންކޮށްގެން އަވަހަށް ކަސްޓަމަރުންނަށް ހިދުމަތް ދިނުމުގެ ބޭނުމުގަ އެވެ. އަދި އައިކެއާ ހޮސްޕިޓަލާއި އައިކެއާ އޮޕްޓިކަލްސްއިން އަބަދުވެސް މަސައްކަތް ކުރަނީ އެންމެ ފަހުގެ ޓެކްނޮލޮޖީގެ އެހީގައި ކަސްޓަމަރުންނަށް ބޭނުންވާ ހިދުމަތްތައް އެންމެ ފުރިހަމައަށް ދިނުމަށް ކަމަށް އައިކެއާއިން ބުންޏެވެ.

ވިޝުރިއަލް މާސްޓާ އަކީ ކުރިއަރާފައިވާ ގައުމުތަކުގައި ވެސް ބޭނުންކުރާ އަދި އިތުބާރުކުރެވޭ ޑިވައިސްއެކެވެ. މިއީ އައިނު ހެއްދުމަށްޓަކައި އެންމެ ފުރިހަމައަށް މިން ނެގުމުގައި އެހީވެދޭ އެންމެ ފަހުގެ އެއް ޓެކްނޮލޮޖީ އެވެ.

ނޯޓް: މިއީ އައިކެއާ އޮޕްޓިކަލްސްގެ އެޑްވަޓޯރިއަލް އާޓިކަލްއެކެވެ.