14 ސެޕްޓެމްބަރ 2024
ފަލަސްތީނުގެ ޣައްޒާގައި އިޒްރޭލުން ދޭ ހަމަލާތަކުގެ ސަބަބުން ގެދޮރު ގެއްލި ހާލުގައި ޖެހިފައި ތިބި އެތައް ހިމާޔަތް ހޯދަމުން ދިޔަ ގެޔަކަށް އިޒްރޭލުން ރޭގެ ވަގުތެއްގައި ހަމަލާދިނުމުގެ ސަބަބުން 11 މީހަކު ޝަހީދުވެފައިވާ ކަމަށް ޣައްޒާގެ ސިވިލް ޑިފެންސް އެޖެންސީން މިއަދު ބުނެފި އެވެ.
ފަލަސްތީނުގެ ޣައްޒާގައި އިޒްރޭލުން ދޭ ހަމަލާތަކުގެ ސަބަބުން ގެދޮރު ގެއްލި ހާލުގައި ޖެހިފައި ތިބި އެތައް ހިމާޔަތް ހޯދަމުން ދިޔަ ގެޔަކަށް އިޒްރޭލުން ރޭގެ ވަގުތެއްގައި ހަމަލާދިނުމުގެ ސަބަބުން 11 މީހަކު ޝަހީދުވެފައިވާ ކަމަށް ޣައްޒާގެ ސިވިލް ޑިފެންސް އެޖެންސީން މިއަދު ބުނެފި އެވެ.
"ބުސްތާން އާއިލާ އުޅޭ ތިން ބުރީގެ ގެޔަަށް އިޒްރޭލުން ދިން ހަމަލާއަށް ފަހު 11 ޝަހީދެއްގެ ހަށިގަނޑު ވަނީ ފެނިފައި. އޭގެތެރޭގައި ހަތަރު ކުޑަކުދިންނާއި ތިން އަންހެނުން ވެސް ހިމެނޭ،" ސިވިލް ޑިފެންސް އެެޖެންސީގެ ތަރުޖަމާނު މަހްމޫދު ބައްސާލް އޭއެފްޕީއަށް ވިދާޅުވި އެވެ.
އޭނާ ވިދާޅުވީ ހަމަލާދީފައިވަނީ މެންދަމު 1:00 ހާއިރު ކަމަށާއި ހަމަލާދިން ގެ ހުންނަނީ ސްކޫލެއްގެ ކައިރީގައި ކަމަށެވެ.
"އެއްވެސް އިންޒާރެއް ކުރިން ދިނުމަކާނުލައި މިސައިލަކުން ހަމަލާދިން އެ ގެޔަކީ އެތައް އާއިލާއެއް ހިމާޔަތް ހޯދަމުން ދިޔަ ތަނެއް،" ހަމަލާގައި އެތައް ބަޔަކު ޒަހަމް ވެސް ވެފައިވާކަން ފާހަގަކުރައްވަމުން ބައްސާލް ވިދާޅުވި އެވެ.
ކުރިން ނެރުނު ބަޔާނެއްގައި އެ އެޖެންސީން ބުނެފައިވާ ގޮތުގައި ގޭގައި ތިބި ބައެއް މީހުންނަށް ވީގޮތެއް ނޭނގޭތީ އެ މީހުން ހޯދުމުގެ މަސައްކަތް އަދިވެސް ދަނީ ކުރިއަށެވެ.
އިޒްރޭލުން ޣައްޒާގައި ރޭ މިފަދަ އެތައް ހަމަލާއެއް ދީފައިވާ ކަމަށް ވެސް ބައްސާލް ވިދާޅުވި އެވެ. އެ ހަމަލާތަކުގައި 10 މީހަކު ޝަހީދުވެފައިވާ ކަމަށް އޭނާ ވިދާޅުވި އެވެ.
ޣައްޒާގައި ވެރިކަންކުރާ ހަމާސް އިން މިދިޔަ އަހަރުގެ އޮކްޓޫބަރު މަހު ހަތް ވަނަ ދުވަހު އިޒްރޭލަށް ކުއްލި ހަމަލާތަކެއް ދީ ހާހަކަށް ވުރެ ގިނަ މީހުން މަރާލުމާ އެކު އިޒްރޭލުން ޣައްޒާއަށް ދޭން ފެށި ހަމަލާތަކުގައި މިހާތަނަށް ފަލަސްތީނުން ޝަހީދުވި މީހުންގެ އަދަދު ވަނީ 41،118 އަށް އަރައިފަ އެވެ. -- އޭއެފްޕީ
ވޯކީޓޯކީތައް ގޮވި ހާދިސާގައި ލުބްނާނުން 20 މަރު
ހިޒްބުﷲގެ ވޯކީޓޯކީތަކެއް ވެސް ގޮވައި ބަޔަކު މަރުވެއްޖެ
އިޒްރޭލުގެ މެދަށް އަނެއްކާވެސް ހޫތީންގެ މިސައިލެއް
ޔޫކޭއިން އިޒްރޭލަށް ބައެއް ހަތިޔާރު ވިއްކުން ހުއްޓާލަނީ
ޣައްޒާގެ ސްކޫލަކަށް ހަމަލާދީ އަނެއްކާވެސް 11 މަރު
ރަތްކަނޑުގައި ހޫތީންގެ އާ ހަމަލާތަކެއް
އިޒްރޭލު ސަރުކާރާ ދެކޮޅަށް އެތައްހާސް ބަޔަކު މަގުތަކަށް
ޣައްޒާގައި އެހީގެ ހުރިހާ މަސައްކަތެއް ހުއްޓިއްޖެ: އދ
"ޣައްޒާގައި ޔަގީންވާ ހަމައެކަނި ކަމަކީ މަރު"
ޣައްޒާއިން 25 އަހަރަށް ފަހު ޕޯލިއޯ ފެނިއްޖެ