މިރޭ ވެސް މާލޭގައި އެކްސިޑެންޓެއް، ތިން މީހަކަށް ފަރުވާ ދެނީ

މާލޭގައި މިރޭ އެކްސިޑެންޓެއް ހިނގައި، ތިން މީހަކަށް އަނިޔާވެއްޖެ އެވެ.

ފުލުހުންގެ މީޑިއާ އޮފިޝަލަކު ވިދާޅުވީ ބަސް ޓާމިނަލް ކައިރީގައި ދެ ސައިކަލެއް ޖެހި، އެކްސިޑެންޓު ހިނގައިގެން ފުލުުހންނަށް ރިޕޯޓު ކޮށްފައިވާ ކަމަށެވެ. އެ ހާދިސާގައި އަނިޔާވީ ދިވެހި ފިރިހެނަކާއި ބިދޭސީ ދެ ފިރިހެނަކަށް ކަމަށް ފުލުހުން ބުންޏެވެ.

އެ މީހުންނަށް އައިޖީއެމްއެޗްގައި ފަރުވާ ދެމުން އަންނަ ކަމަށް ފުލުހުން ބުންޏެވެ.

"މި މައްސަލަ ފުލުހުން ދަނީ ތަހުގީގުކުރަމުން." އޮފިޝަލް ވިދާޅުވި އެވެ.

މާލޭގައި އެކްސިޑެންޓެއްގައި މީހަކަށް އަނިޔާވެގެން ފަރުވާ ދެމުންދާއިރު، މަގުމަތީގެ އެކްސިޑެންޓުތައް މި ފަހުން ވަނީ އިތުރުވެފަ އެވެ. އެގޮތުން މިދިޔަ ހުކުރު ދުވަހުގެ ރޭ ހުޅުމާލޭގައި ސްޕޯޓްސް ކާރަކާއި ސައިކަލެއް ޖެހި ހިނގި އެކްސިޑެންޓްގައި، ސައިކަލު ދުއްވި މީހާ ވަނީ ނިޔާވެފަ އެވެ.