12 މާޗް 2024
ދަނޑުވެރިންނަށް ހާއްސަކޮށްގެން 15 މިލިއަނަށް ވުރެ ގިނަ ރުފިޔާގެ ގްރާންޓް ސްކީމެއް ފެށުމަށް އެގްރިކަލްޗާ މިނިސްޓްރީ އާއި އެސްޑީއެފްސީން އެއްބަސްވުމެއްގައި މިއަދުސޮއިކޮށްފި އެވެ.
ދަނޑުވެރިންނަށް ހާއްސަކޮށްގެން 15 މިލިއަނަށް ވުރެ ގިނަ ރުފިޔާގެ ގްރާންޓް ސްކީމެއް ފެށުމަށް އެގްރިކަލްޗާ މިނިސްޓްރީ އާއި އެސްޑީއެފްސީން އެއްބަސްވުމެއްގައި މިއަދުސޮއިކޮށްފި އެވެ.
އެގްރިކަލްޗާ މިނިސްޓްރީން ނެރުނު ބަޔާނެއްގައި ބުނީ މި އެއްބަސްވުމަކީ އިންޓަނޭޝަނަލް ފަންޑް ފޮ އެގްރިކަލްޗުރަލް ޑިވެލޮޕްމަންޓް (އިފާޑް) އާ ގުޅިގެން ހިންގަމުންދާ "މޯލްޑިވްސް އެގްރިބިޒްނަސް ޕްރޮގްރާމް" (މެޕް) ގެ ދަށުން ދަނޑުވެރިންނަށް މާލީ އެހީ ފޯރުކޮށްދިނުމަށްޓަކައި 15،188،700ރ. ގެ މެޗިން ގްރާންޓެއް ކުރިއަށް ގެންދިއުމުގެ އެއްބަސްވުމެއް ކަމަށެވެ.
"އެގްރިބިޒްނަސް މެޗިން ގްރާންޓް ޕްރޮގްރާމް" ގެ ނަމުގައި ކުރިއަށް ގެންދަން ހަމަޖެހިފައިވާ މި ސްކީމް އަމާޒުކޮށްފައިވަނީ މެޕްގެ ހަރަކާތްތައް ކުރިއަށް ގެންދާ ހއ.، ހދ. އަދި ށ. އަތޮޅުގެ 26 ރަށުގެ ދަނޑުވެރިންނާއި ދަނޑުވެރިކަމުގައި ހަރަކާތްތެރިވާ ކުދި އަދި މެދު ފަންތީގެ ވިޔަފާރިތަކަށް ކަމަށް ބަޔާނުގައި ބުންޏެވެ.
"ގްރީން ހައުސްތަކުގައި ހައިޑްރޮފޯނިކްސް ސިސްޓަމް ގާއިމުކޮށްގެން ދަނޑުވެރިކަން ކުރަން ބޭނުންވާ ދަނޑުވެރިންނަށް ހާއްސަކޮށްގެން ކުރިއަށް ގެންދާ މި ގްރާންޓަށް އެދި ހުށަހެޅުމަށް ފަހުގެ ތާރީހެއްގައި އިއުލާނު ކުރެވިގެންދާނެ އެވެ،" މިނިސްޓްރީން ބުންޏެވެ.
ތިން އަތޮޅެއްގެ 26 ރަށުގައި ކުރިއަށް ގެންދާ މެޕް ޕްރޮޖެކްޓުގެ ދަށުން ދަނޑުވެރިންނަށް މާލީ އެހީތެރިކަމުގެ އިތުރުން ތަމްރީނާއި މައުލޫމާތު ދަނީ ފޯރުކޮށްދެމުންނެވެ.
މި ޕްރޮޖެކްޓުގެ މައިގަނޑު އަމާޒަކީ ޒަމާނީ ޓެކްނޮލިޖީގެ ބޭނުން ހިފައިގެން ދަނޑުވެރިކަން ކުރުމަށް ދަނޑުވެރިންގެ މެދުގައި ޝައުގުވެރިކަން އުފައްދައި އަހުލުވެރިކުރުންކަމަށް މިނިސްޓްރީން ބުންޏެވެ.
ރޯދައަށް ހައްދާތަކެތި ވިއްކަން ދަނޑުވެރިންނަށް އެހީވަނީ
ދަނޑުވެރިކަމުގެ ލޯނުގެ 30 ޕަސެންޓް އަންހެނުންނަށް
ދަނޑުވެރިންނަށް 13 މިލިއަން ރުފިޔާގެ ލޯނު ދޫކޮށްފި
ބޮޑެތި ދައުވާތަކެއް ކޮށްފައިވާ ޝިފާއު ސިޔާސީ މަގާމެއް
ބުޅާ ފެސިލިޓީގެ ބިންގާ އަޅައިފި
ހުޅުމާލޭގައި ބުޅާ ފެސިލިޓީ ހެދުމުގެ މަސައްކަތް ފަށައިފި
އަންހެނުންނަށް ހާއްސަކޮށް ލޯނު ދޫކުރަން ހުޅުވާލައިފި
ސްޓޭޓް މިނިސްޓަރު ހުސެއިން މަގާމުން ވަކިކޮށްފި
މިނިސްޓަރު ރަމީލާ އޮފީހަށް ނުކުންނަވަން ފައްޓަވައިފި
ދަނޑުވެރިކަން ވަކި މާއްދާއެއްގެ ގޮތުގައި ކިޔަވައިދެނީ