21 ޖެނުއަރީ 2024
މަދުވެގެން ބައި ލައްކަ މީހުންގެ އާބާދީއެއް އޮންނަ ގޮތަށް އަތޮޅު ތެރޭގައި އާބަން ރީޖަންތަކެއް ކަނޑައެޅުމަށްޓަކައި އެކަމާ ގުޅޭ ތަފްސީލީ ދިރާސާއެއް ކުރަން ކެބިނެޓުން ނިންމައިފި އެވެ.
މަދުވެގެން ބައި ލައްކަ މީހުންގެ އާބާދީއެއް އޮންނަ ގޮތަށް އަތޮޅު ތެރޭގައި އާބަން ރީޖަންތަކެއް ކަނޑައެޅުމަށްޓަކައި އެކަމާ ގުޅޭ ތަފްސީލީ ދިރާސާއެއް ކުރަން ކެބިނެޓުން ނިންމައިފި އެވެ.
ރައީސް އޮފީހުން މިއަދު ހަވީރު ބޭއްވި ޕްރެސް ކޮންފަރެންސްގައި އެ އޮފީހުގެ ޕްރިންސިޕަލް ސެކްރެޓަރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމް އިބްރާހިމް ވިދާޅުވީ ރައީސް ޑރ. މުހައްމަދު މުއިއްޒުގެ ރިޔާސީ މެނިފެސްޓޯގައި ހިމަނާފައިވާ އާބަން ސެންޓަރުތަކާއި އާބަން ރީޖަންތައް ތަރައްގީ ކުރުމަށްޓަކައި ހައުސިން މިނިސްޓްރީން ހުށަހެޅި ކަރުދާހަކާ މެދު ކެބިނެޓުގައި މިއަދު މަޝްވަރާ ކުރެވުނު ކަމަށެވެ.
ނާޒިމް ވިދާޅުވި ގޮތުގައި އެ މީހަކު ދިރިއުޅޭ ރަށަކުން އެހެން ތަނަކަށް ހިޖުރަ ކުރުމުގައި ދިމާވާ ދަތިތަކަށް ހައްލު ހޯދުމުގެ ގޮތުން، ރައްޔިތުންގެ ބައިވެރިވުން އޮންނަ ގޮތަށް، ހިޔާލާއި މަޝްވަރާ ހޯދައިގެން، އާބަން ރީޖަންތައް ކަނޑައެޅުމަށް ކަމާގުޅޭ އިދާރާތައް ގުޅިގެން ތަފްސީލީ ދިރާސާއެއް ކުރަން ވަނީ ނިންމާފަ އެވެ.
"އެގޮތުން، ރާއްޖޭގެ އާބަން ޑިވެލޮޕްމަންޓް ރީޖަންގެ ގޮތުގައި ތަރައްގީ ކުރެވޭނެ ސަރަހައްދުތައް ފާހަގަކޮށް، އެތަންތަނުގައި ހިމެނޭނެ އަތޮޅުތަކާއި ރަށްތައް މި ދެންނެވި ސްޓަޑީގެ ތެރެއިން ފާހަގަކުރާ ގޮތަށް ވަނީ ނިންމަވާފައި،" ނާޒިމް ވިދާޅުވި އެވެ.
އޭނާ ވިދާޅުވި ގޮތުގައި މި އާބަން ރީޖަންތައް އުފެދި، ބިނާވެގެން އަންނާނީ އަތޮޅުތެރޭގައި ތަރައްގީ ކުރެވޭ އާބަން ސެންޓަރުތަކުގެ މައްޗަށެވެ.
އާބަން ރީޖަންތަކުގެ ކަނޑައެޅޭނީ، ނާޒިމް ވިދާޅުވި ގޮތުގައި އެ ސަރަހައްދެއްގައި ހިމެނޭ ރަށްތަކުގައި ދިރިއުޅޭ ރައްޔިތުންގެ އާބާދީ 50،000 އަށް ވުރެ ދަށް ނުވާނެ ގޮތަކަށް ބަލައިގެންނެވެ. އަދި 2033 ވަނަ އަހަރާ ހަމައަށް އެ އާބަން ރީޖަނެއްގެ އާބާދީ އެއް ލައްކަ އާ ހަމައަށް އިތުރުކުރަން ސިޔާސަތުތަކެއް އެކަށައެޅުމަށް ކެބިނެޓުން މިއަދު ނިންމާފައިވާ ކަން އޭނާ ހާމަކުރެއްވި އެވެ.
މި ސިޔާސަތުތައް އެކުލެވިގެންދާއިރު، ނާޒިމް ވިދާޅުވި ގޮތުގައި އެ އާބަން ރީޖަނަކުން ޓޫރިޒަމާއި ދަނޑުވެރިކަން ފަދަ އިހުތިސޯދީ ނަފާ އިތުރުކުރެވޭނެ ގޮތްތައް ވެސް ހިމެނޭނެ އެވެ.
މީގެއިތުރުން، އާބަން ސެންޓަރުތަކުގައި ހުންނާނެ ސިފަތަކާ މެދު ވެސް މިއަދު މަޝްވަރާ ކުރެނުވު ކަން ފާހަގަކުރައްވައި އޭނާ ވިދާޅުވީ އޭގެ ތެރޭގައި އެ ރަށްތަކުގައި އިތުރަށް ބިން ހިއްކޭނެ ފުރުސަތު އޮތް ތަންތަނަށް އިސްކަން ދެވޭނެ ކަމަށެވެ.
ޑިވެލޮޕްމަންޓް ބޭންކަށް ހާއްސަ އޮތޯރިޓީއެއް ހަދަނީ
ވަޒީރުން ތިބީ ހިދުމަތް ކުރަން ކެތްމަދުވެފައި: ރައީސް
ބިނާވެށި ޕްލޭން ކުރުމުގެ ބިލް ތަސްދީގުކޮށްފި
އެމްއޭސީއެލްގެ ދަށަށް ރީޖަނަލް އެއާޕޯޓްސް ބަދަލުކުރަނީ!
"ފަރުދާގެ ފުރަގަހުގައި ބައިވަރު ކަންކަން ކުރިއަށްދޭ"
ގުރައިދޫ މަރުކަޒު ހެލްތު މިނިސްޓްރީގެ ދަށަށް
ގުޅިފަޅުން އުތުރުތިލަފަޅާ ހަމަށް ބްރިޖަކުން ގުޅާލަނީ
"މިނިވަންކަމަށްޓަކައި ބަލަން ޖެހޭނީ އުދަރެހުގެ ކޮޅަށް"
ބިދޭސީންނާ މެދު އިހުމާލުވާ މީހުންގެ ލިސްޓު އާންމުކުރަނީ
ކުދި ގައުމުތަކަށް ފައިނޭންސް ހޯދަން ރައީސްގެ 3 ހައްލު