ބޮޑެތި ކުންފުނިތަކެއް ހިމެނޭ ގޮތަށް އިންކަމް ޓެކްސް ނުދައްކާ 700 އަށް ވުރެ ގިނަ ކުންފުނި!

ރާއްޖޭގައި ހިންގާ ބޮޑެތި ކުންފުނިތަކެއް ވެސް ހިމެނޭ ގޮތަށް، އިންކަމް ޓެކްސް ނުދައްކާ 14 ކުންފުންޏާއި ޓެކްސް ބަޔާން ހުށަނާޅާ 686 ފަރާތެއްގެ ނަން މީރާ އިން އާންމުކޮށްފި އެވެ.

ޓެކްސް އިދާރާ، މީރާއިން އާންމުކުރި ތަފާސްހިސާބުތަކުން ދައްކާ ގޮތުން، ގިނައީ ވިޔަފާރިތަކެވެ. އޭގެތެރޭގައި 13 ވިޔަފާރިއަކާއި އަމިއްލަ ފަރާތެއް ހިމެނެ އެވެ. އޭގެ ތެރޭގައި ސެންޗޫރިއަން ޕަބްލިކް ލިމިޓެޑާއި ސްޕެކްޓްރާ އެކްސްޓްރީމާއި ސީރިއަލް އިންވެސްޓްމެންޓް ޕްރައިވެޓް ލިމިޓެޑް ފަދަ ކުންފުނިތައް ހިމެނެ އެވެ.

ޓެކްސް ބަޔާން ހުށަނޭޅި ލިސްޓުގައި ހިމެނެނީ އިއްޔެގެ ނިޔަލަށް އެ މައުލޫމާތު މީރާއަށް ނުފޮނުވާ ކުންފުނިތަކެވެ. އޭގެ ތެރޭގައި ޖައުޒާ ރިސޯޓް އެންޑް އިންފްރާސްޓްރަކްޗާގައި އެރިޔަދޫ ރިސޯޓު ހިންގާ ކުންފުންޏާއި މެދުފުށި އިންވެސްޓްމެންޓާއި ރަހާ ރިސާޓު ހިންގާ ކުންފުންޏާއި ރީތި ރަށް ރިސޯޓާއި ޕްލުމޭރިއާ ވެސް ހިމެނެ އެވެ. އޭގެ އިތުރުން ސިބްކޯ އާއި ރަންފައުނާއި ޕޮއިޒް ފަދަ ކުންފުނިތައް ވެސް ހިމެނެ އެވެ.

އިންކަމް ޓެކްސް ނުދައްކާ ކުންފުނިތައް

1. ސެންޗޫރިއަން ޕަބްލިކް ލިމިޓެޑް

2. ކޯސްޓަލް އިންޖިނިއަރިން ސޮލިއުޝަން ޕްރައިވެޓް ލިމިޓެޑް

3. ޑީ އެންޑް ވީ ޕްރައިވެޓް ލިމިޓެޑް

4. ޑޯމަސް ޕްރައިވެޓް ލިމިޓެޑް

5. އެލިގެންޓް ސްޓީމް ޕްރައިވެޓް ލިމިޓެޑް

6. ފެޑޯ ޕްރައިވެޓް ލިމިޓެޑް

7. ރާއްޖެ ޓެލެވިޝަން ޕްރައިވެޓް ލިމިޓެޑް

8. ފޯތީސިޔާ ޕްރައިވެޓް ލިމިޓެޑް

9. މެރިނޭޑޯ ޕްރައިވެޓް ލިމިޓެޑް

10. މުހައްމަދު ނަޖާހު އަލީ

11. އޮކްޓޮޕަސް ސިސްޓަމް ޕްރައިވެޓް ލިމިޓެޑް

12. ސީރިއަލް އިންވެސްޓްމެންޓް

13. ސްޓޯލިއަން މޯލްޑިސް

މީރާ އަށް އިންކަމް ޓެކްސް ނުދައްކައިގެން އާންމުކުރަނީ އެއް ލައްކަ ރުފިޔާ އަށް ބޮޑު އަދަދެއް ދައްކަން ޖެހޭ ފަރާތްތަކެވެ.

އިންކަމް ޓެކްސް އަދި ބަޔާން ހުށަނޭޅި ކުންފުނިތަކުގެ ނަންތައް އާންމުކުރި އިރު މިދިޔަ މަހު މީރާއިން ވަނީ ޓެކްސް ނުދައްކާ ކުންފުނިތަކާއި ބަޔާން ހުށަނާޅާ 213 ކުންފުނީގެ ނަން އާންމުކޮށްފި އެވެ. އެގޮތަށް ކުންފުނިތަކުގެ މައުލޫމަތު އާންމު ކުރަނީ "ނޭމް އެންޑް ޝޭމް" އުސޫލުގެ ދަށުންނެވެ. އެ އުސޫލުގެ ދަށުން މީރާގެ ވެބްސައިޓްގައި ޝާއިއުކުރުމަށް ފަހު ގެޒެޓުގައި ވެސް އެފަދަ ކުންފުނިތަކުގެ މައުލޫމާތު ހިމަނާނެ އެވެ.