ސިވިލް ކޯޓުގެ އިސްގާޒީ އަވަހާރަވުމާ ގުޅިގެން ޝަރުއީ ދާއިރާގެ ދިދަ ބައިދަނޑި އަށް ތިރިކޮށްފި

ސިވިލް ކޯޓުގެ އިސްގާޒީ އަހްމަދު ނިމާލް ޖުނައިދު އަވަހާރަވުމާ ގުޅިގެން ޝަރުއީ ދާއިރާގެ ދިދަ ބައިދަނޑި އަށް ތިރިކޮށްފި އެވެ.

ސުޕްރީމް ކޯޓުން ބުނީ ޝަރުއީ ދާއިރާގެ ދިދައާ ބެހޭ ގަވާއިދުގެ 14 ވަނަ މާއްދާއާ އެއްގޮތަށް، މިއަދުން ފެށިގެން ކުރިޔަށް އޮތް ތިން ދުވަހަށް ޝަރުއީ ދާއިރާގެ ދިދަ ބައިދަނޑި އަށް ތިރި ކުރުމަށް އުއްތަމަ ފަނޑިޔާރު އަހުމަދު މުއުތަސިމް އަދުނާން ނިންމާފައިވާ ކަމަށެވެ.

ސިވިލް ކޯޓުގެ އިސްގާޒީ ކަމަށް މިދިޔަ މެއި މަހު އައްޔަން ކުރެއްވި ނިޒާމް އަވަހާރަވީ އުމުރުން 36 އަހަރުގައި، ރޭގެ ވަގުތެއްގަ އެވެ.

އެނގިފައިވާ ގޮތުގައި އޭނާ އަވަހާރަވީ ހާޓްއެޓޭކެއް ޖެހިގެންނެވެ. ނިމާލް ގޭގައި އުޅުއްވަނިކޮށް ކުއްލިއަކަށް ހާލުކޮޅު ގޯސްވެގެން އައިޖީއެމްއެޗަށް ގެންދިޔަ އިރު ވެސް އޭނާ އޮތީ އަވަހާރަވެފަ އެވެ.

ސިވިލް ކޯޓުން ވާހަކަ ދެއްކެވި އޮފިޝަލަކު ވިދާޅުވި ގޮތުގައި ނިމާލް އިއްޔެ ވެސް އޮފީހަށް ވަޑައިގެން އުޅުއްވި އިރު ފެނުނީ ވަރަށް އާދައިގެ ގޮތަކަށެވެ.

ނިމާލްގެ މައްޗަށް ކުރާ ކަށުނަމާދު އޮންނާނީ މިއަދުގެ މެންދުރު ނަމާދަށް ފަހު ހުޅުމާލޭ ސަހަރާ މިސްކިތުގަ އެވެ.