ކުޅުދުއްފުށި ރީޖަނަލް ހޮސްޕިޓަލުގެ އޯޕީޑި މަސައްކަތް އެމްޓީސީސީން ނިންމައިފި

ހދ. ކުޅުދުއްފުށީ ރީޖަނަލް ހޮސްޕިޓަލްގެ އޯޕީޑީ އިމާރާތުގެ މަޝްރޫއު ނިމިފައިވާކަމަށް އެމްޓީސީސީން ބުނެފި އެވެ.

އެ ކުންފުނިން ބުނި ގޮތުގައި ހެލްތު މިނިސްޓްރީން އެ ކުންފުންޏާ ހަވާލުކުރި އެ ޕްރޮޖެކްޓުގެ ދަށުން ބަލިމީހުން ބަލާ ކޮޓަރިއަކާއި ފަރުވާދޭ ކޮޓަރިއަކާއި ޕްރޮސީީޖާ ރޫމެއް ވަނީ ހަދައިފަ އެވެ. އަދި ނާސިން ސްޓޭޝަނާއި 6،189 އަކަފޫޓުގެ ވެއިޓިން ލައުންޖެއް ވެސް ވަނީ ހަދައިފަ އެވެ.

އެމްޓީސީސީން ބުނި ގޮތުގައި އެ ތަން ހެދީ ޑިސްޕްލޭ ހުންނަ ކިއު ސިސްޓަމެއް ބަހައްޓައި ސީސީޓީވީ ކެމެރާ ސިސްޓަމާ ވެސް އެކުގަ އެވެ.

މިއީ 20.2 މިލިއަން ރުފިޔާގެ މަޝްރޫއެކެވެ.

ހދ، ކުޅުދުއްފުއްޓަކީ 10،000 ގެ އާބާދީއެއް އޮންނަ ރަށެކެވެ. ކުޅުދުއްފުށީގެ ރީޖަނަލް ހޮސްޕިޓަލަކީ އެ ރަށުގެ ރައްޔިތުންގެ އިތުރުން ހއ. ހދ. އަދި ށ. އަތޮޅުގައި ދިރިއުޅޭ 72،000 ރައްޔިތުން ހިދުމަތް ހޯދަން ދާ ތަނަކަށްވުމުން އޯޕީޑީގެ މަޝްރޫއަކީ މުހިންމު މަޝްރޫއެއް ކަމަށް އެމްޓީސީސީއިން ބުންޏެވެ.