އެއާޕޯޓްގައި އެއްޗެއް ގޮވައި ހާލު ސީރިއަސްވި މީހާ މާލެ ގެނެސްފި

19 އޮކްޓޯބަރ 2023

ކުޅުދުއްފުށީ އެއާޕޯޓްގައި މިއަދު އެއްޗެއް ގޮވުމުގެ ސަބަބުން ސީރިއަސް އަނިޔާތަކެއް ލިބުނު މީހާ އިތުރު ފަރުވާ އަށް މިރޭ މާލެ ގެނެސްފި އެވެ.

ނާޒިމް ހަސަން

އެމްއެންޑީއެފުން ބުނީ، އެ މީހާ މާލެ ގެނައީ ހަނިމާދޫގައި ސިފައިން އޮޕަރޭޓްކުރާ ޑޯނިއާ ފްލައިޓްގައި ކަމަށެވެ. މިހާރު އޭނާ އަށް އައިޖީއެމްއެޗްގައި އަންނަނީ ފަރުވާދެމުންނެވެ.

މިއަދުގެ ހާދިސާގައި އަތަށް ވަރަށް ބޮޑު ޒަހަމެއް ލިބި ހާލު ސީރިއަސްވެފައިވަނީ ކުޅުދުއްފުށީގެ 37 އަހަރުގެ ފިރިހެނެކެވެ. އޭނާއަކީ އެއާޕޯޓްގައި މަސައްކަތް ކުރާ ފަޔާ ފައިޓަރެކެވެ.

A medical evacuation of a 37-year-old male in critical condition was carried out from Kulhudhuffushi Regional Hospital to Male' City by MNDF Northern Area Command via MNDF Dornier Aircraft tonight at 19:08 hours. pic.twitter.com/ZnT76RJPaq
— Maldives National Defence Force (@MNDF_Official) October 19, 2023

މި ހާދިސާ ހިނގީ އެއާޕޯޓުގެ ފަޔަ ޓްރެއިނިންގައި ބޭނުންކުރާ ސިލިންޑަރެއް ރިފިލް ކުރުމުގެ ތެރޭގައި އެ ގޮވައިގެން ކަމަށް ފުލުހުން ބުންޏެވެ.

އިތުރު ތިން މީހަކަށް ވެސް އަނިޔާވިއިރު އެ މީހުންނަށް ކުޅުދުއްފުށީ ރީޖަނަލް ހޮސްޕިޓަލްގައި އަންނަނީ ފަރުވާދެމުންނެވެ. އެ ހޮސްޕިޓަލުން ބުނިގޮތުގައި އެ މީހުން ހާލު ސީރިއަސްއެއް ނޫނެވެ.

Comments