ކުޅުދުއްފުށީ އެއާޕޯޓަށް ފުރަން ދިޔަ މީހެއްގެ އަތުން ވަޒަނެއް ފެނިގެން ހައްޔަރު ކޮށްފި

ހދ. ކުޅުދުއްފުށީ އެއާޕޯޓަށް ފުރަން ދިޔަ މީހެއްގެ އަތުން ވަޒަނެއް ފެނިއްޖެ އެވެ.

އެމްއެންޑީއެފްގެ މީޑިއާ އޮފިޝަލަކު "މިހާރު" އަށް ވަނީ އެފަދަ ހާދިސާއެއް ހިނގައިގެން އުޅޭކަން ޔަގީންކޮށްދެއްވާފަ އެވެ.

އަދި އެފަދަ މައްސަލަތަކުގައި އަމަލު ކުރާ ގޮތަށް ފުލުހުންނާ ގުޅިގެން އެ މައްސަލަ ބަލަމުންދާކަމަށް ވެސް އޭނާ ވިދާޅުވި އެވެ. ނަމަވެސް އިތުރު ތަފްސީލެއް ނުދެއްވަ އެވެ.

"މިހާރު" އަށް މައުލޫމާތު ލިބިފައިވާ ގޮތުގައި އެ ވަޒަން ފެނިފައި ވަނީ މިއަދު ހަވީރު ފްލައިޓުން މާލެ ދިޔުމަށް ކުޅުދުއްފުށީ އެއާޕޯޓަށް ފުރަން ދިޔަ އަންހެނެއްގެ އަތުންނެވެ. އަދި އެ މީހާ މިހާރު ހައްޔަރުކޮށްފައިވާ ކަމަށް ވެސް މައުލޫމާތު ލިބެ އެވެ.

އެކަމާ ގުޅޭގޮތުން ފުލުހުންގެ ބަހެއް އަދި ނުލިބެ އެވެ.