ދުނިޔޭގެ 1 ނަންބަރު އެންޓިވައިރަސް ނައިންޓީނައިން އިން ވިއްކަން ފަށައިފި

އެންޓިވައިރަސް ރޭންކިންގައި ދުނިޔޭގެ އެއް ވަނައިގައި ހިފަހައްޓަމުން އަންނަ، ބިޓްޑިފެންޑާގެ ސެކިއުރިޓީ ސޮފްޓްވެއާތައް އައިޓީ ވިޔަފާރިކުރާ ނައިންޓީނައިން އިން ވިއްކަން ފަށައިފި އެވެ.

އެތަނުން ބުނި ގޮތުގައި ބިޓްޑިފެންޑާގެ ސެކިއުރިޓީ އެކި ސޮފްޓްވެއާތައް އެ ފިހާރައިން ލިބޭނެ އެވެ. އޭގެތެރެއިން ވިޔަފާރިތަކަށް ހާއްސަ ސޮފްޓްވެއާ ގްރެވިޓީޒޯންގެ ލައިސަންސް ހެޔޮ އަގެއްގައި ލިބޭނެ ކަމަށް ބުންޏެވެ. ބިޓްޑިފެންޑާގެ ގްރެވިޓީޒޯން އަކީ ރެންސަމްވެއާ އިން ސަލާމަތްވުމަށް ރެންސަމްވެއާ ޑިފެންސް ފީޗާސް ހިމެނޭ އެންޓި މެލްވެއާ ސޮފްޓްވެއާ އެކެވެ.

ރެންސަމްވެއާ އަކީ ވަގަށް ނުވަތަ އޮޅުވާލައިގެން ކޮމްޕިއުޓަރުތަކާއި ސާވޭތަކަށް ވަދެ، އެ ތަކެތީގައި ހުންނަ ފައިލްތަކުގައި "ތަޅު އަޅުވައި" އެ ހުޅުވުމަށް ބޭނުންވާ ޕާސްވޯޑް ކޮންޓްރޯލްކުރާ ނުރައްކާތެރި އުކުޅެކެވެ. މިއީ މައި ޔޫއެސް ފަދަ ދުނިޔޭގެ ބޮޑެތި ކުންފުނިތައް ވެސް ހުއްޓުމަކަށް ގެނުވާފައިވާ މެލްވެއާ އެކެވެ. އެ މެލްވެއާ މެދުވެރިކޮށް ރާއްޖޭގެ ބޮޑެތި އެކި ކުންފުނިތަކުގެ ސޮފްޓުވެއާތަކަށް ހަމަލާދީ، ސޮފްޓްވެއާތައް ޑައުންކޮށްލާފައިވެ އެވެ.

އާއްމުކޮށް ހެކަރުން ކުރާ އެ ފަދަ އެޓޭކުތަކުގައި ފައިސާއަށް ނުވަތަ ބިޓްކޮއިންއަށް ޑިމާންޑުކުރެ އެވެ. މި ފަދަ ހަމަލާތަކުން ގްރެވިޓީޒޯންއިން ރައްކާތެރިކަން ހޯދޭނެ އެވެ.

އާއްމުކޮށް މިހާރު ކުންފުނިތަކުގެ ކޮމްޕިއުޓަރުތައް އެއް ނެޓްވޯކެއްގައި ހުޅުވާފައި ހުންނަ އިރު، އާ ވައިރަސްތަކާއި ހެކަރުންގެ ހަމަލާތަކުން ރައްކާތެރިވުމަށް ގްރެވިޓީޒޯންގެ "މެޝިން ލާނިން" ފީޗާ މުހިންމު ދައުރެއް އަދާ ކުރެ އެވެ. އެ ފީޗާގެ ސަބަބުން، ކުރިން ތަޖުރިބާ ކުރެވިފައިނުވާ ޒީރޯ ޑޭ ހަމަލާތަކުން ވެސް ރައްކާތެރިކޮށްދޭނެ ކަމަށް ވެސް އެ ފިހާރައިން ބުނެ އެވެ.

ނައިޓީނައިން އިން ބުނި ގޮތުގައި ބިޓްޑިފެންޑާގެ ގްރެވިޓީޒޯންގެ އެހީގައި، ބޮޑެތި މުއައްސަސާތަކާއި ވިޔަފާރިތަކުގެ ހުރިހާ ކޮމްޕިއުޓަރެއް އެއް ވެބްޕޯޓަލްއަކުން ބެލެހެއްޓޭނެ އެވެ. ހެކަރުންގެ ހަމަލާތަކުން ކުންފުނިތަކުން ސަލާމަތްވުމަށް މި ސޮފްޓްވެއާ މެދުވެރިކޮށް ފަސޭހައިން 24 ގަޑިއިރު ރިޕޯޓް ކުރެވޭނެ އެވެ.

ނައިންޓީނައިން އިން ބުނި ގޮތުގައި، ބިޓްޑިފެންޑާގެ ގްރެވިޓީޒޯން އަކީ ވިޔަފާރިތަކަށާއި މުއައްސަސާތަކުގެ ރައްކާތެރިކަން ކަށަވަރުކުރުމަށް ބޭނުންކުރެވޭނެ އެންމެ ރަނގަޅު އެއް މެލްވެއާ ޑިފެންސެވެ. އަދި އެ ބްރޭންޑަކީ ދުނިޔޭގެ 500 މިލިއަނަށް ވުރެ ގިނަ ވަސީލަތްތަކުގައި ބޭނުންކުރަމުން އަންނަ، އެތައް ބައެއްގެ އިތުބާރު ލިބިފައިވަ އެންޓިވައިރަހެއް ކަމަށް ވެސް ބުންޏެވެ.

ނައިންޓީ ނައިން އަކީ ބިޓްޑިފެންޑާގެ ރާއްޖޭގެ ޑިސްޓްރިބިއުޓަރެވެ. އެ ފިހާރައިން ބުނި ގޮތުގައި ބިޓްޑިފެންޑާ ސޮފްޓުވެއާގެ ރީ ސެލާއަށް ވާން ބޭނުން ފަރާތްތަކަށް އެ ފުރުސަތު ވަނީ ހުޅުވާލައިފަ އެވެ.

ރީސެލާއަށް ވާން ބޭނުންވާ ފަރާތްތަކާއި ސޮފްޓްވެއާ ގަންނަ ބޭނުންވާ ފަރާތްތަކަށް އެ ފިހާރައިގެ ހޮޓްލައިން 3309007 އިން އިތުރު މައުލޫމާތު ލިބޭނެ އެވެ. އަދި 7909107 އަށް ވައިބާ ކޮށްގެން ވެސް އެ މައުލޫމާތު ހޯދޭނެ އެވެ.