21 ނޮވެމްބަރ 2022
ދައުލަތަށް ގިނަ ދުވަސްތަކެއް ވަންދެން ހިދުމަތް ކުރެއްވި އައްނަބީލާ ހަބީބާ ހުސައިން ހަބީބު މިއަދު އަވަހާރަވެއްޖެ އެވެ.
މުއިއްޒު އިބްރާހިމް
ދައުލަތަށް ގިނަ ދުވަސްތަކެއް ވަންދެން ހިދުމަތް ކުރެއްވި އައްނަބީލާ ހަބީބާ ހުސައިން ހަބީބު މިއަދު އަވަހާރަވެއްޖެ އެވެ.
ރާއްޖޭގެ ކުރީގެ ރަސްގެފާނު އައްސުލްތާން މުހައްމަދު ޝަމްސުއްދީންގެ ކާފަ ދަރިކަނބަލުން އަދި ނިޝާން ދިޔަމިގިލީ ޝަރަފުގެ އިއްޒަތް ލިބިވަޑައިގެންފައިވާ ހަބީބާއަކީ ދައުލަތަށް 49 އަހަރަށް ވުރެ ދިގު މުއްދަތެއް ވަންދެން ހިދުމަތް ކުރެއްވި ބޭކަނބަލެކެވެ.
ހަބީބާ އަވަހާރަވީ އާލާސްކަންފުޅާ އުޅުއްވާތީ އައިޖީއެމްއެޗްގައި ފަރުވާ ހޯއްދަވަމުން ގެންދަވަނިކޮށެވެ.
އޭނާއަކީ ލިޔުންތެރިކަމާއި އަދަބިއްޔާތާއި ތާރީހަށް ވެސް މުހިންމު ހިދުމަތްތަކެއް ގިނަ ދުވަސްތަކެއް ވަންދެން ކުރެއްވި ބޭކަނބަލެކެވެ. އެ ދާއިރާ އިން ޝަރަފުވެރިކަމުގެ ގައުމީ އިނާމު ވެސް ލިބިވަޑައިގެންފައިވެ އެވެ. އަދި ރައްޔިތުންގެ މަޖިލީހަށް ރައީސުލްޖުމްހޫރިއްޔާ ކަނޑައަޅުއްވާ މެމްބަރުކަން ވެސް އެ ކަމަނާ ކުރެއްވި އެވެ.
ހަބީބާ އެންމެ ގިނަ ދުވަހު މަސައްކަތް ކުރެއްވީ ގައުމީ ކުތުބުހާނާގަ އެވެ. އެ ތަނުގައި އެކަނި ވެސް 29 އަހަރުގެ މުއްދަތަކަށް އޭނާ ހިދުމަތް ކުރެއްވި އެވެ. އޭގެ ކުރިން ތައުލީމީ ދާއިރާގަ އާއި ދައުލަތުގެ އެހެން އިދާރާތަކުގައި ވެސް ހަބީބާ މަސައްކަތް ކުރެއްވި އެވެ.
އައްނަބީލާ ހަދީޖާ އިބްރާހީމް ދީދީ އަވަހާރަވެއްޖެ
އަބްދުލްމަޖީދާ އެކު ނިމިގެން އެ ދިޔައީ ތާރީހުގެ ބާބެއް
ޖަނާޒާގެ ކަންކަމަށް ދިން އެއްބާރުލުމަށް އިބޫގެ ޝުކުރު
ހިރިގަލުގެ މިސްކިތްތައް ތަރިކައިގެ ލިސްޓުގައި ހިމަނަނީ
ބައްޕަ– އަޅުގަނޑުގެ އުސްތާޛު، އަޅުގަނޑުގެ ގަހާތަރި!
އެލިޒަބަތުގެ ކައިވެނީގެ އުފާ: މީހަކަށް ކިރުސައެއް
ގިސޯސް ހިފުމަކީ އެއްވެސް ރައީސަކަށް ފަސޭހަ ކަމެއް ނޫން
މަޝްހޫރު ލަވަކިޔުންތެރިޔާ ދޮން މޫސަ ނިޔާވެއްޖެ
ތާރީހު ގެއްލޭތީ އާ ލޯގޯ މިނިސްޓަރަށް ކަމަކު ނުދޭ!
"ޑޮންޑޮން"ގެ ބާނީ ލޯޖެހި އަހުމަދުމަނިކު އަވަހާރަވެއްޖެ
