ޑްރަގް އޮޕަރޭޝަނުން ހައްޔަރުކުރި 12 މީހުން ބަންދަށް

މާލެ އާއި ހުޅުމާލޭގައި ހިންގި ޑްރަގް އޮޕަރޭޝަނުގައި ހައްޔަރުކުރި 12 މީހުންގެ ބަންދުގެ މުއްދަތު އިތުރުކޮށްފި އެވެ.

ފުލުހުންގެ މީޑިއާ އޮފިޝަލަކު ވިދާޅުވީ މަސްތުވާތަކެތި ބޭނުންކޮށް ގެންގުޅުމުގެ ތުހުމަތުގައި ހައްޔަރުކުރީ 23-38 އަހަރާ ދެމެދުގެ ހަތަރު އަންހެނަކާއި އަށް ފިރިހެނުން ކަމަށެވެ.

އެ މައްސަލައިގައި ހައްޔަރުކުރި؛

- 23 އަހަރުގެ ދެ ފިރިހެނުންނަށް 30 ދުވަސް

- 26 އަހަރުގެ ދެ ފިރިހެނުންގެ ތެރެއިން އެކަކަށް 15 ދުވަސް އަދި އަނެއް މީހާއަށް ފަސް ދުވަސް

- 26 އަހަރުގެ އަންހެން މީހާއަށް ހަތް ދުވަސް

- 27 އަހަރުގެ މީހާއަށް 15 ދުވަހުގެ ބަންދެއް

- 27 އަހަރުގެ އަންހެން މީހާއަށް ތިން ދުވަސް

- 31 އަހަރުގެ އަންހެން މީހާއަށް 30 ދުވަސް

- 34 އަހަރުގެ ފިރިހެނަކަށް ފަސް ދުވަސް

- 36 އަހަރުގެ ފިރިހެނެއްގެ ބަންދަށް ފަސް ދުވަސް

- 37 އަހަރުގެ އަންހެނަކަށް 30 ދުވަހުގެ ބަންދެއް

- 38 އަހަރުގެ ފިރިހެނެއްގެ ބަންދަށް 30 ދުވަސް

އިތުރު ތަފްސީލެއް ނުލިބުނަސް، ސޯޝަލް މީޑިއާގައި އާއްމުންގެ މެދުގައި މަޝްހޫރު މީހުން ވެސް އެ މައްސަލައިގައި ހިމެނޭކަން ވަނީ އެނގިފަ އެވެ.