ހުޅުމާލެ ސާފުކުރުމުގެ ބޮޑު ހަރަކާތެއް ހޮނިހިރު ދުވަހު

"ވޯލްޑް ކްލީން އަޕް ޑޭ" އާ ގުޅިގެން ހުޅުމާލޭ ސާފުކުރުމުގެ ބޮޑު ހަރަކާތެއް އަންނަ ހޮނިހިރު ދުވަހު ބާއްވަން ނިންމައިފި އެވެ.

އެޗްޑީސީން ބުނީ އެކި މުއައްސަސާތަކުންނާއި މިނިސްޓްރީތަކުގެ އިތުރުން ކުންފުނިތަކުން ވެސް ބައިވެރިވެ އެ ހަރަކާތް ބާއްވަނީ 'ދުނިޔެ މަގޭ' ކެމްޕެއިންގެ ދަށުން ކަމަށެވެ.

އެ ކުންފުނިން ބުނިގޮތުގައި އެއީ މާލެ ސަރަހައްދުގައި ބާއްވާ އެންމެ ބޮޑު ސާފުކުރުމުގެ ހަރަކާތަށް ވާނެ އެވެ. އެ ހަރަކާތުގައި ވީހާ ވެސް ގިނަ ބަޔަކު ބައިވެރިވުމަށް އެޗްޑީސިން އެދެ އެވެ.

އެއީ ތިމާވެއްޓަށް އަންނަމުންދާ ބަދަލުތަކާއި ތިމާވެށި ރައްކާތެރިކުރުމަށް ހޭލުންތެރިކުރުމުގެ ގޮތުން މި އަހަރުގެ ޖޫން މަހުގެ ތެރޭގައި ތައާރަފުކުރި ކެމްޕެއިނެކެވެ.

"ވޯލްޑް ކްލީން އަޕް ޑޭ" ގައި ދުނިޔޭގެ އެކި ކަންކޮޅުތަކުގައި ކޮންމެ އަހަރަކު ވެސް ސާފުކުރުމުގެ ހަރަކާތްތައް ކުރިއަށް ގެންދެ އެވެ.