10 އޯގަސްޓް 2022
ވިލާތުގެ ގައުމުތަކާއި އެމެރިކާ އިން އީރާނާ އެކުގައި ގާއިމުކުރަން ބޭނުންވާ އާ ނިއުކްލިއާ މުއާހަދާގެ އެންމެ ފަހު ދެލިކޮޕީ، އެމެރިކާ އާއި އީރާނުން ދިރާސާކުރަމުން އަންނަ ކަމަށް، ވިލާތުގެ އިއްތިހާދުން އިއްޔެ ބުނެފި އެވެ.
ވިލާތުގެ ގައުމުތަކާއި އެމެރިކާ އިން އީރާނާ އެކުގައި ގާއިމުކުރަން ބޭނުންވާ އާ ނިއުކްލިއާ މުއާހަދާގެ އެންމެ ފަހު ދެލިކޮޕީ، އެމެރިކާ އާއި އީރާނުން ދިރާސާކުރަމުން އަންނަ ކަމަށް، ވިލާތުގެ އިއްތިހާދުން އިއްޔެ ބުނެފި އެވެ.
އެ އިއްތިހާދުން ބުނީ، އެންމެ ފަހުގެ ދެލިކޮޕީ އެކުލަވާފައިވަނީ އީރާނާއި އެމެރިކާ އިން ވެސް ދިން މަޝްވަރާއާ އެއްގޮތަށް ކަމަށްވާތީ، އެ ދެ ގައުމުން ވެސް ވަރަށް އަވަހަށް ޖަވާބެއް ދޭނެ ކަމަށް ބެލެވޭ ކަމަށެވެ. އަދި އިތުރަށް މަޝްވަރާ ކުރުމުގެ ޖާގައެއް މިހާރު ނެތް ކަމަށް ވެސް، ވިލާތުގެ އިއްތިހާދުގެ ޚާރިޖީ ސިޔާސަތާ ބެހޭ ތަރުޖަމާނު ޕީޓާ ސްޓާނޯ ވިދާޅުވި އެވެ.
"މިހާރު މި އޮތީ އެންމެ ފަހުގެ ދެލިކޮޕީ ތައްޔާރުވެފައި. މިހާރު މިއީ، މި ދެލިކޮޕީއާ މެދު އާނއެކޭ ނޫނީ ނޫނެކޭ ބުނެ ކޮންމެވެސް އެއް ގޮތެއް ނިންމަންވީ ވަގުތު. ހުރިހާ ބައިވެރިން ވެސް މިކަމާ މެދު ވަރަށް އަވަހަށް ގޮތެއް ނިންމާނެ ކަމަށް އަހަރެމެން އުންމީދުކުރަން."
އީރާންގެ ނިއުކްލިއާ މުއާހަދާ އަށް އަލުން އަމަލުކުރަން ފެށުމާ ގުޅޭ ގޮތުން، އެމެރިކާ އާއި ވިލާތުގެ ގައުމުތަކުން އީރާނާ އެކުގައި ކުރަމުން އަންނަ މަޝްވަރާތަކުގެ އެންމެ ފަހު ބުރުގެ މަޝްވަރާތައް ބޭއްވީ މިދިޔަ ހޯމަ ދުވަހު ވިއެނާގަ އެވެ. އެ މުއާހަދާގައި އެންމެ ފުރަތަމަ ސޮއިކޮށް އަމަލުކުރަން ފެށީ 2015 ވަނަ އަހަރުގެ ތެރޭގަ އެވެ.
ނަމަވެސް އެމެރިކާގެ ކުރީގެ ރައީސް ޑޮނަލްޑް ޓްރަމްޕުގެ ވެރިކަމުގެ ދުވަސްވަރު، 2018 ވަނަ އަހަރު އެމެރިކާ ވަނީ އެ މުއަހަދާ އިން ވަކިވެ، އިގްތިސާދީ ގޮތުންނާއި އަސްކަރީ ގޮތުން އީރާނަށް ދަތިކުރުމުގެ ފިޔަވަޅުތަކެއް އަޅައިފަ އެވެ. އެ މުއާހަދާގެ ބައިވެރިންނަކީ، އެމެރިކާ، އިނގިރޭސި ވިލާތް، ޗައިނާ، ރަޝިޔާ، ޖަރުމަން ވިލާތް އަދި އީރާނެވެ.
މި މުއާހަދާ އަށް އަމަލުކުރުމަށް އެމެރިކާ އިން ނިންމީ، މިދިޔަ އަހަރުގެ ޖެނުއަރީ މަހުގެ ތެރޭގައި އެ ގައުމުގެ ވެރިކަމާ ހަވާލުވެވަޑައިގަތުމަށް ފަހު، ރައީސް ޖޯ ބައިޑެން އެވެ. މިހާރު އެކުލަވައިލާފައިވާ ދެލިކޮޕީއާ މެދު ހުރިހާ ބައިވެރިންނަށް އެއްބަސްވެވޭ ނަމަ، އެ މުއާހަދާގައި އަލުން ސޮއިކޮށް އަމަލުކުރަން ފެށުމުން، އީރާނާ ދެކޮޅަށް އަޅާފައިވާ ދަތިކުރުމުގެ ފިޔަވަޅުތަކަށް ލުއިތަކެއް ދޭނެ އެވެ.
އެންމެ ފަހުން ބޭއްވި މަޝްވަރާތަކުގައި ދެކެވުނު ވާހަކަތަކާއި، އެންމެ ފަހުގެ ދެލިކޮޕީ ހިފައިގެން، އީރާންގެ މަންދޫބު އަލީ ބާގިރީ ކާނީ ވަނީ އިއްޔެ އެނބުރި އީރާނަށް ވަޑައިގެންފަ އެވެ. މި ދެލިކޮޕީއާ މެދު އީރާންގެ ވެރިންގެ މެދުގައި މަޝްވަރާ ކުރުމަށް ފަހު، އެ މުއާހަދާގައި ބައިވެރިވުމާ މެދު އެންމެ ފަހުގެ ގޮތް ނިންމާނީ، އެ ގައުމުގެ ރޫހާނީ ލީޑަރު އާޔަތުﷲ އަލީ ޚާމަނާއީ އެވެ.
މި ދެލިކޮޕީއާ ގުޅޭ ގޮތުން އެމެރިކާ އިން ބުނީ، މިއީ މިހާތަނަށް އެކުލަވައިލެވުނު އެންމެ ރަނގަޅު ދެލިކޮޕީ ކަމަށެވެ. އަދި މިއީ ހަގީގަތަކަށް ހެދޭ ގޮތަށް އެކުލަވައިލި ދެލިކޮޕީއެއް ކަމަށް ވެސް އެމެރިކާ އިން ބުންޏެވެ.
ނިއުކްލިއާ މުއާހަދާ އަށް މާ ގިނަ ދުވަހެއް ނެތް
އީރާންގެ ނިއުކްލިއާ މަޝްވަރާތައް ނަތީޖާއަކާ ހަމައަށް
އީރާންގެ ނިއުކްލިއާ ކާރުހާނާގައި ސީސީޓީވީ ހަރުކުރަނީ
ހަގީގަތް ގަބޫލުކޮށް ދަތިކުރުން ހުއްޓައިލާ: އީރާން
ސީރިއަސްވުމަކީ ދަތިކުރުމުގެ ފިޔަވަޅުތައް އުވާލުން
އީރާނުގެ ނިއުކްލިއާ ނިންމުމާ މެދު ހުޅަނގު ނުރުހިފައި
އީރާނުން ހޯދިއްޔާ، ސައޫދީ ވެސް ނިއުކްލިއާ ހޯދާނެ
އީރާނާއި އެމެރިކާގެ މަޝްވަރާތަކެއް އޮމާންގައި ބާއްވައިފި
ނިއުކްލިއާ ހަތިޔާރު އުފެއްދުން ނުހުއްޓުވޭނެ: ޚާމަނާއީ
21 ދުވަހުން އީރާން ނިއުކްލިއާ ބޮން އުފައްދާނެ